Turkey-Syria Earthquake: ఎటు చూసిన శవాలే, సిరియా, టర్కీ భూకంపం ఘటనలో 11,200 దాటిన మృతుల సంఖ్య, ఎముకలు కొరికే చలిలో కొనసాగుతున్న రెస్క్యూ ఆపరేషన్
టర్కీ, సిరియా దేశాల్లో తెల్లవారుజామున సంభవించిన భూకంపం ఘటనలో మృతుల సంఖ్య అంతకంతకు పెరుగుతోంది. రెండు దేశాల్లో కలిపి ఇప్పటివరకు ప్రాణాలు కోల్పోయిన భూకంప మృతుల సంఖ్య 11,236కు చేరింది.
టర్కీ, సిరియా దేశాల్లో తెల్లవారుజామున సంభవించిన భూకంపం ఘటనలో మృతుల సంఖ్య అంతకంతకు పెరుగుతోంది. రెండు దేశాల్లో కలిపి ఇప్పటివరకు ప్రాణాలు కోల్పోయిన భూకంప మృతుల సంఖ్య 11,236కు చేరింది. అందులో టర్కీలో మరణించిన వారు 8,574 కాగా, సిరియా మృతులు 2,662 మంది ఉన్నారు. శిథిలాల తొలగింపు ప్రక్రియ శరవేగంగా కొనసాగుతున్నది.
ప్రపంచవ్యాప్తంగా దాదాపు 70 దేశాలకు చెందిన సహాయక బృందాలు ఈ రెస్క్యూ ఆపరేషన్లో పాల్గొంటున్నాయి.ఎముకలు కొరికే చలిలో రెస్క్యూ ఆపరేషన్ కొనసాగుతున్నది. టర్కీ అధ్యక్షుడు తయ్యిప్ ఎర్డోగన్ 10 ప్రావిన్సుల్లో అత్యవసర పరిస్థితిని ప్రకటించారు. భారత్, యూరోపియన్ యూనియన్, ఉక్రెయిన్, చైనా సహా పలు దేశాలు ఈ రెండు దేశాలకు మద్దతుగా నిలిచాయి.
Here's Update News
పశ్చిమాసియా దేశానికి భారతదేశం పంపిన ప్రత్యేక బృందాలు తమ శోధన మరియు రెస్క్యూ కార్యకలాపాలను ప్రారంభించినప్పటికీ, భూకంపం సంభవించిన టర్కీయేలోని మారుమూల ప్రాంతాల్లో ఒక భారతీయుడు తప్పిపోయాడని , మరో 10 మంది సురక్షితంగా ఉన్నారని విదేశాంగ మంత్రిత్వ శాఖ బుధవారం తెలిపింది. రెండు దేశాలలో 11,000 మందికి పైగా మరణించిన సోమవారం నాటి వినాశకరమైన భూకంపం తరువాత టర్కీయేతో పాటు సిరియాకు సహాయం చేయడానికి భారతదేశం 'ఆపరేషన్ దోస్త్' ప్రారంభించింది.
మీడియా సమావేశంలో, MEA లో సెక్రటరీ (పశ్చిమ) సంజయ్ వర్మ మాట్లాడుతూ, టర్కీయేలోని ప్రభావిత ప్రాంతాల్లో ఒక భారతీయుడు అదృశ్యమయ్యాడని, మరో 10 మంది కొన్ని మారుమూల ప్రాంతాల్లో చిక్కుకున్నారని, అయితే వారు సురక్షితంగా ఉన్నారని చెప్పారు.