Pushpa-2 Dialogue Leak: అభిమానులకు అల్లు అర్జున్ ఊహించని సర్ ప్రైజ్.. పుష్ప-2 డైలాగ్ తో సందడి.. ఫ్యాన్స్ ఫుల్ ఖుష్.. ‘బేబీ’ ఈవెంట్‌లో ఘటన
పుష్ప-2లో విభిన్న గెటప్ లో రెట్టింపు జోష్ గా కనిపిస్తున్నారు. ఈ సీక్వెల్ లో అర్జున్ ఏ పంచ్ డైలాగ్ చెప్పబోతున్నారో అనే ఉత్కంఠ అభిమానుల్లో నెలకొంది.
Hyderabad, July 21: ‘తగ్గేదే లే’ అంటూ పుష్ప (Pushpa) మూవీతో ఎంతగానో అలరించిన స్టైలిష్ స్టార్ (Stylish Star) అల్లు అర్జున్ (Allu Arjun).. పుష్ప-2లో విభిన్న గెటప్ లో రెట్టింపు జోష్ గా కనిపిస్తున్నారు. ఈ సీక్వెల్ లో అర్జున్ ఏ పంచ్ డైలాగ్ (Punch Dialogue) చెప్పబోతున్నారో అనే ఉత్కంఠ అభిమానుల్లో నెలకొంది. ఈ దిశగా అల్లు అర్జున్ అభిమానులకు ఊహించని సర్‌ప్రైజ్ ఇచ్చారు. ఆనంద్ దేవరకొండ హీరోగా దర్శకుడు సాయి రాజేశ్ తెరకెక్కించిన బేబీ ఇటీవల విడుదలై ప్రేక్షకాదరణ పొందుతోంది. దీంతో, ఈ మూవీ మేకర్స్ హైదరాబాద్‌లో అప్రిసియేషన్ మీట్ నిర్వహించారు. ఈ కార్యక్రమానికి హీరో అల్లు అర్జున్ ముఖ్యఅతిథిగా హాజరయ్యారు. బేబీ మూవీ చాలా బాగుందని ప్రశంసించిన ఆయన చిత్ర బృందానికి శుభాకాంక్షలు తెలిపారు.
చివర్లో సర్ ప్రైజ్
చివర్లో అభిమానులు పుష్ప-2 డైలాగ్ కావాలని కోరగా ఆయన ఓ పంచ్ డైలాగ్ వినిపించారు. ‘‘ఈడంతా జరిగేది ఒకటే రూల్ మీద జరుగుతాండాది..పుష్పా గాడి రూల్’’ అని అల్లు అర్జున్ అనడంతో అభిమానుల సంబరం ఆకాశాన్నంటింది. ఇక్కడ పుష్ఫ-2 డైలాగ్ చెబుతానని తాను అస్సలు అనుకోలేదని అల్లు అర్జున్ చెప్పారు. ఈ డైలాగ్ తో ప్రస్తుతం అభిమానుల్లో సంచలనం రేకెత్తిస్తోంది. పుష్ఫ-2పై మరిన్ని అంచనాలు పెరిగాయి.