Arunachal Pradesh Landslides: అస్సాంను ముంచెత్తిన భారీ వరదలు, కొండచరియలు విరిగపడి ఒకరు మృతి, కజిరంగ పార్క్‌లో వందలాది వన్యప్రాణులు మృత్యువాత

ఇటానగర్, జూలై 8: అస్సాంలో వరదల బీభత్సం కొనసాగుతోంది. ఆరున్నర లక్షల మంది ఈ వరద బారినపడ్డారు. వర్షాల కారణంగా కొండచరియలు విరిగిపడటంతో అరుణాచల్ ప్రదేశ్‌లోని పలు జిల్లాలకు ఉపరితల సమాచార ప్రసారాలు నిలిచిపోయాయని అధికారులు సోమవారం తెలిపారు. రాష్ట్ర విపత్తు నిర్వహణ శాఖ నివేదిక ప్రకారం శుక్రవారం షి-యోమి జిల్లాలో కొండచరియలు విరిగిపడి ఒక వ్యక్తి సమాధి అయ్యాడు. ప్రకృతి వైపరీత్యాల కారణంగా ఏప్రిల్ నుంచి ఇప్పటివరకు రాష్ట్రంలో నలుగురు మరణించారు. ఈ వరదల వల్ల అక్కడి కజిరంగ(Kaziranga) నేషనల్‌ పార్క్‌లోని 129 వన్యప్రాణులు మృత్యువాత పడినట్లుగా అధికారులు వెల్లడించారు.  వీడియోలు ఇవిగో, భారీ వర్షాలకు ముంబై విలవిల, 50కి పైగా విమానాలు రద్దు, ఆగిపోయిన రైళ్లు, స్కూళ్లకు సెలవులు ప్రకటించిన మహారాష్ట్ర సర్కారు

లోహిత్ మరియు అంజావ్ జిల్లాల్లోని మోంపని ప్రాంతంలో తేజు-హయులియాంగ్ రహదారి మూతపడింది. ఈ ఏడాది ఏప్రిల్ నుంచి అరుణాచల్‌లో వరదలు మరియు కొండచరియలు విరిగిపడటంతో ఇప్పటివరకు 72,900 మంది ప్రజలు మరియు 257 గ్రామాలు ప్రభావితమయ్యాయి. వరదలు మరియు కొండచరియలు విరిగిపడటం వల్ల రోడ్లు, వంతెనలు, కల్వర్టులు, విద్యుత్ లైన్లు, విద్యుత్ స్తంభాలు, ట్రాన్స్‌ఫార్మర్లు, నీటి సరఫరా వ్యవస్థలకు కూడా చాలా నష్టం జరిగింది. నివేదిక ప్రకారం, ఇప్పటివరకు 160 రోడ్లు, 76 విద్యుత్ లైన్లు, 30 విద్యుత్ స్తంభాలు, మూడు ట్రాన్స్‌ఫార్మర్లు, 9 వంతెనలు, 11 కల్వర్టులు మరియు 147 నీటి సరఫరా వ్యవస్థలు దెబ్బతిన్నాయి. వీటితోపాటు 627 కచ్చా, 51 పక్కా ఇళ్లు, 155 గుడిసెలు దెబ్బతిన్నాయని తెలిపారు. ఈ నెలలో వరుసగా మూడు అల్పపీడనాలు, భారీ వర్షాలు తప్పవని వాతావరణ శాఖ హెచ్చరిక, హైదరాబాద్‌లో రెండు రోజులు పాటు వానలు

కజిరంగా నేషనల్ పార్క్‌లోకి భారీగా చేరిన వరద నీటిలో ఖడ్గమృగం ఇబ్బందిపడుతున్న వీడియోను రాష్ట్ర ముఖ్యమంత్రి హిమంత బిశ్వశర్మ(Himanta Biswa Sarma) ఎక్స్‌ వేదికగా పంచుకున్నారు. “ఇటీవల కజిరంగాలో వరద పరిస్థితుల గురించి తెలుసుకుంటున్నప్పుడు, వరద నీటిలో చిక్కుకొని ఒంటరిగా ఉన్న ఓ ఈ ఖడ్గ మృగాన్ని గమనించి, దానిని వెంటనే రక్షించాల్సిందిగా అధికారులను ఆదేశించాను. రాష్ట్రాన్ని ముంచెత్తుతున్న వరదలు మానవులకు, వన్యప్రాణులకు ప్రమాదకరంగా మారాయి. ప్రజల సంరక్షణార్థం రాష్ట్రంలోని సహాయక బృందాల బృందం 24 గంటలు శ్రమిస్తున్నాయి” అని శర్మ తన పోస్ట్‌లో పేర్కొన్నారు.

అధికారులు తెలిపిన వివరాల ప్రకారం.. వరదల కారణంగా ఇప్పటివరకు 6 ఖడ్గమృగాలు, 100 హాగ్ జింకలు, రెండు సాంబార్, ఒక ఒట్టర్ సహా 114 వన్యప్రాణులు ప్రాణాలు కోల్పోయాయి. మరికొన్ని హాగ్ జింకలు, ఖడ్గమృగాలు, సాంబార్ సహా 96 వన్యప్రాణులను రక్షించారు. కాగా 2017 సంవత్సరంలో సంభవించిన భారీ వరదలకు ఈ పార్క్‌లోని 350 వన్యప్రాణులు మృత్యువాత పడ్డాయి.

ఈ ఏడాది వరదలకు రాష్ట్రంలో 24 లక్షల మంది ప్రభావితమయ్యారు. బ్రహ్మపుత్ర దాని ఉప నదులు ప్రమాదకర స్థాయిని దాటి ప్రవహిస్తున్నాయి. కమ్రూప్ జిల్లాలో కొండ చరియలు విరిగిపడడంతో ఇద్దరు ప్రాణాలు కోల్పోయారు. వరదలు, కొండచరియలు విరిగిపడడం, తుపానుల కారణంగా ఇప్పటివరకు మరణించిన వారి సంఖ్య 64కి చేరింది.

రాష్ట్ర రాజధాని ఇటానగర్‌లో పైపులైన్లు దెబ్బతినడంతో గత రెండు రోజులుగా తీవ్ర నీటి ఎద్దడి నెలకొంది. పునరుద్ధరణ ప్రక్రియ కొనసాగుతున్నప్పటికీ, దీనికి చాలా రోజులు పడుతుందని అధికారులు తెలిపారు. కురుంగ్ కుమే జిల్లా పరిధిలోని డామిన్, పార్సీ పార్లో మరియు పన్యాసంగ్ అడ్మినిస్ట్రేటివ్ సర్కిల్‌లు రాష్ట్రంలోని మిగిలిన ప్రాంతాలతో సంబంధం లేకుండా ఈ వారంలో ఎడతెరిపి లేకుండా కురిసిన వర్షాల కారణంగా కొండచరియలు విరిగిపడ్డాయి.

పార్సీ పార్లో మీదుగా డామిన్ వైపు వెళ్లే రహదారిపై పలు దిగ్బంధనాలు సంభవించాయని నివేదికలు తెలిపాయి. ఇటానగర్‌ను బాండెర్‌దేవాతో కలుపుతూ కీలకమైన NH-415 వెంట కర్సింగ్సా బ్లాక్ పాయింట్ వద్ద భారీ కొండచరియలు విరిగిపడ్డాయి, దీనివల్ల రాజధాని ఇటానగర్ పరిపాలన ప్రయాణికుల భద్రత కోసం రహదారిని మూసివేయవలసి వచ్చింది. డిప్యూటీ కమిషనర్ శ్వేతా నాగర్‌కోటి మెహతా స్థలాన్ని క్షుణ్ణంగా పరిశీలించిన తర్వాత, రహదారిని మూసివేసి, గుమ్టో మీదుగా ట్రాఫిక్‌ను మళ్లించాలని నిర్ణయించారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)