Karnataka: గీత గోవిందం సినిమా స్టైల్లో.. బస్సుల్లో నిద్రిస్తున్న యువతిని ముద్దుపెట్టుకున్న యువకుడు, పోలీసులకు ఫిర్యాదు చేసిన యువతి, నిందితుడుని పట్టుకునే పనిలో కర్ణాటక పోలీసులు
కర్ణాటకలో దారుణ ఘటన చోటు చేసుకుంది. విజయ్ దేవరకొండ సినిమా గీత గోవిందం తరహాలో ముద్దు సీన్ జరిగింది. అయితే ఆ సినిమాలో సెల్ఫీ కోసం ప్రయత్నిస్తూ కిస్ పెట్టగా ఈ స్టోరీలో యువకుడు కావాలని ఆ యువతికి ముద్దుపెట్టాడు.
Bengaluru, Sep 17: కర్ణాటకలో దారుణ ఘటన చోటు చేసుకుంది. విజయ్ దేవరకొండ సినిమా గీత గోవీందం తరహాలో ముద్దు సీన్ జరిగింది. అయితే ఆ సినిమాలో సెల్ఫీ కోసం ప్రయత్నిస్తూ కిస్ పెట్టగా ఈ స్టోరీలో యువకుడు కావాలని ఆ యువతికి ముద్దుపెట్టాడు. బస్సులో నిద్రిస్తున్న యువతిని అతను ముద్దు పెట్టుకుని (Youth Attempts 'Filmy Style Kiss) అశ్లీలంగా ప్రవర్తించాడు. బాధిత యువతి ఆర్కిటెక్చర్‌ విద్యార్థిని కాగా, బుధవారం రాత్రి 10:40కి బళ్లారిలో కేఎస్‌ ఆర్టీసీ బస్సు ఎక్కింది.
గురువారం తెల్లవారుజామున 5 గంటలప్పుడు బస్సు బెంగళూరు పీణ్యా వద్ద ఉండగా యువతి నిద్రలోకి జారుకుంది. ఈ సమయంలో ఓ యువకుడు పదేపదే ముద్దు పెట్టాడని యువతి ఆరోపించింది. మెలకువ వచ్చి చూస్తే ఎవరో గుర్తించలేక పోయింది. భయపడిన యువతి బస్సు దిగి పీణ్యా పోలీస్‌స్టేషన్‌ కు వెళ్లి ఫిర్యాదు ( Girl Files Complaint) చేసింది. పోలీసులు యువకుని కోసం గాలింపు చేపట్టారు.
ఈ ఘటనపై స్పందించిన పోలీసులు ఆ పరిసర ప్రాంతాల్లో సీసీ టీవీ పుటేజీని పరిశీలిస్తున్నామని తెలిపారు. బస్ డ్రైవర్, కండక్టర్ నుంచి స్టేట్ మెంట్ తీసుకున్నామని నిందితుడిని వీలయినంత త్వరగా పట్టుకుంటామని తెలిపారు.