Uttar Pradesh Horror: యూపీలో దారుణం, మైనర్ బాలికపై తండ్రి స్నేహితులు సామూహిక అత్యాచారం, ఓయో రూంలో వీడియో తీస్తూ తెగబడిన కామాంధులు
పాఠశాలకు వెళుతున్న బాలికను ముగ్గురు వ్యక్తులు కిడ్నాప్ చేసి సామూహిక అత్యాచారం చేశారు. ముగ్గురు నిందితులు మైనర్ తండ్రికి బాగా తెలిసిన వారే.ప్రతిఘటించిన ఆమెను హత్య చేసేందుకు ప్రయత్నించారు.
Lucknow, Oct 9: ఉత్తరప్రదేశ్‌లోని హాపూర్ జిల్లాలో దారుణ ఘటన చోటు చేసుకుంది. పాఠశాలకు వెళుతున్న బాలికను ముగ్గురు వ్యక్తులు కిడ్నాప్ చేసి సామూహిక అత్యాచారం చేశారు. ముగ్గురు నిందితులు మైనర్ తండ్రికి బాగా తెలిసిన వారే.ప్రతిఘటించిన ఆమెను హత్య చేసేందుకు ప్రయత్నించారు. అత్యాచారాన్ని వీడియో రికార్డ్‌ చేశారు. ఎవరికైనా చెబితే వీడియోను వైరల్ చేస్తామని బెదిరించారు.
విద్యార్థిని ఆటోలో పాఠశాలకు వెళ్తుండగా ముగ్గురు నిందితులు ఆమెను తమ బైక్‌పై కూర్చోబెట్టి ఓయో హోటల్‌కు తీసుకెళ్లి సామూహిక అత్యాచారానికి పాల్పడ్డారు. అనంతరం వీడియో తీసి బ్లాక్ మెయిలింగ్ కు పాల్పడ్డారు. ఈ ఘటనను ఎవరికైనా చెబితే వైరల్ చేస్తానని నిందితుడు వీడియో తీసి బెదిరించాడు. ఈ ఘటనపై ఆమె నిరసన తెలపడంతో నిందితులు బాధితురాలి గొంతు నులిమి హత్య చేసేందుకు ప్రయత్నించారు.
ఈ ఘటనపై 11వ తరగతి విద్యార్థిని తన కుటుంబ సభ్యులకు సమాచారం అందించగా, ముగ్గురు నిందితులపై ఫిర్యాదు నమోదైంది. పోలీసులు బాధితురాలిని వైద్యం కోసం తరలించారు. మైనర్ విద్యార్థి తండ్రి ఎఫ్‌ఐఆర్ నమోదు చేసినట్లు హాపూర్ పోలీస్ సూపరింటెండెంట్ రాజ్‌కుమార్ అగర్వాల్ తెలిపారు.
అతని కుమార్తెపై అతని పరిచయస్తులు కొందరు సామూహిక అత్యాచారానికి పాల్పడ్డారు. మోదీనగర్ రోడ్డులోని ఓ హోటల్‌లో అత్యాచారం జరిగింది. ఈ నేపథ్యంలో అతని సమాచారం మేరకు హాపూర్ నగర్ పోలీస్ స్టేషన్‌లో 376డి ఐపిసి 307, పోక్సో చట్టం కింద కేసు నమోదు చేసినట్లు పోలీసు అధికారి తెలిపారు.