Kerala Horror: ఇదేం నిర్లక్ష్యం?? నాలుగేళ్ల బాలిక వేలికి చేయాల్సిన ఆపరేషన్ నాలుకకు చేశారు.. కేరళలోని కోజికోడ్‌ మెడికల్‌ కాలేజ్‌ హాస్పిటల్‌ ఘటన
కేరళలోని కోజికోడ్‌ మెడికల్‌ కాలేజ్‌ హాస్పిటల్‌ లో డాక్టర్ల నిర్లక్ష్యం తాజాగా బయటపడింది. ఓ నాలుగేళ్ల బాలికకు పుట్టుకతోనే ఓ చేతికి ఆరు వేళ్లు ఉన్నాయి.
Newdelhi, May 17: కేరళలోని (Kerala) కోజికోడ్‌ మెడికల్‌ కాలేజ్‌ హాస్పిటల్‌ (Medical College Hospital) లో డాక్టర్ల (Doctor) నిర్లక్ష్యం తాజాగా బయటపడింది. ఓ నాలుగేళ్ల బాలికకు పుట్టుకతోనే ఓ చేతికి ఆరు వేళ్లు ఉన్నాయి. చిన్న శస్త్ర చికిత్స చేసి, ఆరో వేలును తొలగించవచ్చునని వైద్యులు చెప్పడంతో చిన్నారి తల్లిదండ్రులు అంగీకరించారు. ఈ క్రమంలో బాలికను వెంటపెట్టుకొని బుధవారం కోజికోడ్‌ మెడికల్‌ కాలేజ్‌ హాస్పిటల్‌ వైద్యులను సంప్రదించారు. ఫార్మాలిటీస్ పూర్తిచేశాక బాలికకు వైద్యులు ఆపరేషన్ చేశారు.
ఆ తర్వాత షాక్
ఆపరేషన్ థియేటర్ నుంచి బయటకొచ్చిన పాపను చూసి తల్లిదండ్రులు షాక్ అయ్యారు. చేతి ఉండాల్సిన ప్లాస్టర్.. నోటికి ఉండటంతో అవాక్కయ్యారు. విషయం ఏంటని తెలుసుకునేలోపే థియేటర్ నుంచి హడావుడిగా ఓ డాక్టర్‌ వచ్చాడు. పొరపాటు జరిగిందని, క్షమించాలని బాలిక కుటుంబసభ్యులను కోరారు. బాలికకు గల ఆరో వేలును తొలగిస్తానని చెప్పి ఆ బాలికను వెంటనే మళ్లీ తీసుకెళ్లిపోయారు. దీంతో ఫ్యామిలీ మరోసారి షాక్ కి గురైంది. తమ బిడ్డ వేలికి బదులు నాలుకకు వైద్యులు ఆపరేషన్ చేశారని ఆరోపించారు. ఈ సంఘటనపై దర్యాప్తునకు అధికారులు ఆదేశించారు.
మే 31న కేరళను తాకనున్న నైరుతి రుతుపవనాలు, వర్షాలపై గుడ్ న్యూస్ చెప్పిన వాతావరణ శాఖ
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)