Maharashtra: ఎమ్మెల్యేగారు.. మీరు వెంటనే నాకు లవర్‌ని వెతికిపెట్టండి, మీ ఏరియాలో అమ్మాయిల్ని ప్రేమించేలా ప్రోత్సాహించండి, మహారాష్ట్ర ఎమ్మెల్యే సుభాశ్‌ ధొతేకి లేఖ రాసిన గుర్తు తెలియని యువకుడు
నాకు లవర్ చిక్కడం లేదని మీ ఏరియాలో అమ్మాయిలని ప్రేమించేలా ప్రోత్సహించాలని ఓ గుర్తు తెలియని యువకుడు ఎమ్మెల్యేకు లేఖ రాశాడు. ఆ లేఖ ఒక్కసారిగా సోషల్‌ మీడియాలో వైరలవుతోంది.
Mumbai, Sep 15: మహారాష్ట్రలో ఓ వింత ఘటన చోటు చేసుకుంది. నాకు లవర్ చిక్కడం లేదని మీ ఏరియాలో అమ్మాయిలని ప్రేమించేలా ప్రోత్సహించాలని ఓ గుర్తు తెలియని యువకుడు ఎమ్మెల్యేకు లేఖ రాశాడు. ఆ లేఖ ఒక్కసారిగా సోషల్‌ మీడియాలో వైరలవుతోంది. వైరల్ లేఖ వివరాల్లోకెళితే.. మహారాష్ట్రలోని చంద్రాపూర్‌ జిల్లాలోని రాజూరా ఎమ్మెల్యే సుభాష్ ధోతేకు (MLA Subhash Dhote) ఇటీవల ఓ లేఖ వచ్చింది. మరాఠీలో రాసిన ఆ లేఖ భూషణ్‌ జాంబవంత్‌ రాథోడ్‌ పేరిట వచ్చింది.
ఆ లేఖ తెరచి చూడగా.. మన ప్రాంతంలో చాలా మంది అమ్మాయిలు ఉన్నారు. ఏ అమ్మాయి కూడా నాతో మాట్లాడడానికి ఇష్టపడడం లేదు. గద్‌చందూర్‌ నుంచి రాజురా మధ్య నిత్యం ప్రయాణిస్తుంటా. భవిష్యత్‌లో నాకు ప్రేయసి (Unhappy with not getting a girlfriend ) దొరుకుతుందనే నమ్మకం నాకు లేదు. తాగుబోతులకు తప్ప ఎలాంటి చెడు అలవాట్లు లేని నాలాంటివారికి ప్రేయసి దొరకడం లేదు. దయచేసి మీ నియోజకవర్గంలో ఉన్న అమ్మాయిలను ప్రోత్సహించండి’ అంటూ ఆ లేఖలో ఎమ్మెల్యేకు సూచిస్తూ పంపాడు. ఆ లేఖను చూసిన ఎమ్మెల్యే వెంటనే ఆరా తీశారు.
భూషణ్‌ జాంబవంత్‌ రాఠోడ్‌ పేరుగల వారిని ఆరా తీయగా అలాంటి పేరుతో ఉన్నవారెవరూ లేరు. వైరల్‌గా మారడానికి ఇలా లేఖ రాశారని తెలుస్తోంది. ఏది ఏమైనా ఈ లేఖపై సోషల్‌ మీడియా ఫన్నీగా స్పందిస్తోంది. నీదే కాదు బ్రదర్‌ నా పరిస్థితి అంతే అంటూ సింగిల్‌ కింగ్‌లు పేర్కొంటున్నారు. ఫన్నీ మీమ్స్‌, కామెంట్లు వస్తున్నాయి. ఇలాంటి లేఖ రావడం ఇదే మొదటిసారిని ఎమ్మెల్యే పేర్కొన్నాడు. ఆ అబ్బాయి ఎవరో తెలిస్తే అతడికి కౌన్సిలింగ్‌ ఇస్తామని ఎమ్మెల్యే సుభాష్ చెప్పాడు.