Locopilot Engine Repair: గుండెలు ఆగిపోయేలా బ్రిడ్జి నుంచి వేలాడుతూ.. రైలు ఇంజెన్ కు రిపేర్ చేసిన లోకోపైలట్లు.. ఉత్తర్ ప్రదేశ్ లో నర్కటీయా గోరఖ్ పూర్ ప్యాసెంజర్ రైల్లో ఘటన
మార్గమధ్యంలో ఓ బ్రిడ్జిపై ఓ రైలు అకస్మాత్తుగా ఆగిపోయింది. అయితే, ప్రయాణికులకు ఇబ్బంది కలగకూడదని రైలులోని ఇద్దరు లోకోపైలట్లు భావించారు. రైలు ఇంజెన్ కు అత్యంత ప్రమాదకర రీతిలో నిలబడి, వేలాడుతూ రిపేర్లు చేశారు.
Newdelhi, June 22: మార్గమధ్యంలో ఓ బ్రిడ్జిపై (Bridge) ఓ రైలు అకస్మాత్తుగా ఆగిపోయింది. అయితే, ప్రయాణికులకు ఇబ్బంది కలగకూడదని రైలులోని (Train) ఇద్దరు లోకోపైలట్లు (Locopilots) భావించారు. రైలు ఇంజెన్ కు అత్యంత ప్రమాదకర రీతిలో నిలబడి, వేలాడుతూ రిపేర్లు చేశారు. ఈ ఘటన ఉత్తర్ ప్రదేశ్ లో ఈ ఘటన వెలుగు చూసింది. పూర్తి వివరాల్లోకి వెళ్తే.. నర్కటీయా గోరఖ్ పూర్ ప్యాసెంజర్ రైలు.. శుక్రవారం మార్గమధ్యంలో ఓ రైల్వే బ్రిడ్జిపై అకస్మాత్తుగా ఆగిపోయింది. ఇంజెన్ లో సాంకేతిక సమస్య తలెత్తింది. అయితే, మరమ్మతు చేసేందుకు టెక్నీషియన్లు రావడానికి కొంత సమయం పడుతుందని తెలుసుకొన్న ప్రధాన లోకోపైలట్, అసిస్టెంట్ లోకోపైలట్.. తామే స్వయంగా సమస్యను పరిష్కరించేందుకు నిర్ణయించుకున్నారు.
బ్రిడ్జి మీద నుంచి వేలాడుతూ..
రైలు బ్రిడ్జి మీద ఆగిపోయిందని తెలిసినప్పటికీ.. ప్రయాణికులకు ఇబ్బంది ఉండకూడదని ఈ లోకోపైలట్లు నిర్ణయించారు. ఒకరు రైలు కింద దూరి రిపేర్లు చేయగా మరో లోకోపైలట్ అత్యంత సాహసోపేతంగా బ్రిడ్జి అంచులు పట్టుకుని వేలాడుతున్నట్టుగా నడుస్తూ సమస్య ఉన్న చోటుకు వెళ్లి మరమ్మతు చేశారు. ప్రస్తుతం ఈ ఫోటోలు వైరల్ గా మారాయి.