Srikanth Odela Marriage (PIC @ Nani Twitter)

Hyderabad, June 01: ఇటీవల నాని(Nani) దసరా(Dasara) సినిమాతో వచ్చి సూపర్ హిట్ కొట్టాడు. 100 కోట్ల కలెక్షన్స్ కలెక్ట్ చేసి అదరగొట్టాడు నాని. దసరా సినిమాలో ముఖ్యంగా నాని నటన గురించే అంతా మాట్లాడుకున్నారు. ఇప్పటిదాకా నాని ఇలా కనపడలేదని, ఊర మాస్ అని అభినందించారు. నాని ని ఇలా చూపించినందుకు, ఇంత మంచి సినిమా తీసినందుకు డైరెక్టర్ ఓదెల శ్రీకాంత్(Odela Srikanth) ని కూడా అభినందించారు. ఇది అతని మొదటి సినిమా కావడం విశేషం.  దీంతో డైరెక్టర్ ఓదెల శ్రీకాంత్ మరింత ప్రమోట్ అయ్యాడు. నాని కూడా డైరెక్టర్ ని పొగుడుతూ వచ్చాడు. తాజాగా దసరా సినిమా డైరెక్టర్ ఓదెల శ్రీకాంత్ పెళ్లి చేసుకున్నాడు.

తాజాగా ఓదెల శ్రీకాంత్ గోదావరిఖనిలో సౌమ్యకృష్ణ అనే అమ్మాయిని వివాహం చేసుకున్నాడు. ఈ వివాహానికి పలువురు సినీ ప్రముఖులు కూడా హాజరయ్యారు. శ్రీకాంత్ పెళ్లి ఫోటోని షేర్ చేస్తూ నాని.. మన దసరా డైరెక్టర్ శ్రీకాంత్ పెళ్లి చేసుకున్నాడు, మీ అందరూ ఆశీర్వదించండి అని పోస్ట్ చేశాడు. దీంతో శ్రీకాంత్ పెళ్లి ఫోటో వైరల్ గా మారింది.

Mahesh Babu Special Tweet: ఇది మీకోసమే నాన్న! మహేష్ బాబు స్పెషల్ ట్వీట్, సూపర్ స్టార్ కృష్ణ బర్త్‌డే సందర్భంగా ఇవాళ ఫ్యాన్స్‌కు బిగ్గెస్ట్ అప్‌డేట్ ఇవ్వనున్న మహేష్ 

తెలంగాణ గోదావరిఖనికి చెందిన శ్రీకాంత్ సినీ పరిశ్రమలో డైరెక్షన్ డిపార్ట్మెంట్ లో పని చేస్తూ వచ్చాడు. సుకుమార్ దగ్గర ఎక్కువ కాలం డైరెక్షన్ డిపార్ట్మెంట్ లో పనిచేశాడు. మొదటి సినిమా నానితో దసరా తీసి సూపర్ హిట్ కొట్టాడు. దీంతో శ్రీకాంత్ ఒక్కసారిగా పాపులరయ్యాడు.