Group 4 Examination

Hyderabad, July 01: గ్రూప్‌-4 పరీక్ష (Group 4) ప్రశాంతంగా ముగిసింది. మొత్తం 8,180 పోస్టుల కోసం నిర్వహించిన ఈ పరీక్షకు 9,51,321 మంది అభ్యర్థులు దరఖాస్తు చేసుకోగా.. 80 శాతం మంది అభ్యర్థులు పరీక్షకు హాజరయ్యారు. కాగా, గ్రూప్-4 పరీక్షలో ముఖ్యంగా రాష్ట్ర ప్రభుత్వం చేపట్టిన వివిధ పథకాలు, ఆర్థిక స్థితిగతులపై పలు ప్రశ్నలొచ్చాయి. అయితే ఇందులో అడిగిన ఒక ప్రశ్న సోషల్‌ మీడియాలో వైరల్‌గా (Viral) మారింది. అంతగా అడిగిన ప్రశ్న ఏంటని అనుకుంటున్నారా? తెలంగాణ నేపథ్యంలో ఓ చిన్న సినిమాగా వచ్చి సంచలన విజయం సాధించిన బలగం (Balagam) మూవీ గురించి గ్రూప్‌-4లో ఒక ప్రశ్న అడిగారు. బలగం చిత్రానికి సంబంధించి కింద జతలలో ఏవి సరిగ్గా జతపరచడబడినవి అంటూ ప్రశ్న అడిగారు.

బలగం సినిమాతో జబర్దస్త్‌ కమెడియన్‌ యెల్దండి వేణు దర్శకుడిగా మారాడు. దిల్‌ రాజు, హన్షితా రెడ్డి, హర్షిత్‌రెడ్డి ఈ సినిమాను నిర్మించారు. బలగం సినిమాకు భీమ్స్‌ సిసిరోలియో సంగీతం అందించాడు. కాగా, బలగం సినిమాపై గ్రూప్‌-4లో ప్రవ్న అడగడంపై చిత్ర బృందం హర్షం వ్యక్తం చేసింది. ఈ మేరకు ఒక పోస్టర్‌ను విడుదల చేసింది. డైరెక్టర్‌ యెల్దండి వేణు కూడా దీనిపై హర్షం వ్యక్తం చేశాడు.