Game Changer: 'గేమ్ చేంజర్'గా రానున్న రామ్ చరణ్.. శంకర్-చరణ్ కొత్త సినిమా టైటిల్ ఇదే.. రామ్ చరణ్ పుట్టినరోజు సందర్భంగా టైటిల్ ప్రకటించిన చిత్రబృందం
మెగా పవర్ స్టార్ రామ్ చరణ్ పుట్టినరోజు సందర్భంగా ఆర్సీ15 చిత్రబృందం అప్ డేట్ ఇచ్చింది. శంకర్ దర్శకత్వంలో రామ్ చరణ్ నటిస్తున్న కొత్త చిత్రానికి 'గేమ్ చేంజర్' అనే టైటిల్ ను అనౌన్స్ చేసింది.
Hyderabad, March 27: మెగా పవర్ స్టార్ రామ్ చరణ్ (Mega Power Star Ram Charan) పుట్టినరోజు సందర్భంగా ఆర్సీ15 (RC15) చిత్రబృందం అప్ డేట్ ఇచ్చింది. శంకర్ (Shankar) దర్శకత్వంలో రామ్ చరణ్ నటిస్తున్న కొత్త చిత్రానికి 'గేమ్ చేంజర్' (Game Changer) అనే టైటిల్ ను అనౌన్స్ చేసింది. ఈ మేరకు చిత్రబృందం ఓ ప్రకటన విడుదల చేసింది. రామ్ చరణ్ హీరోగా పాన్ ఇండియా స్థాయిలో తెరకెక్కుతున్న ఈ చిత్రానికి 'గేమ్ చేంజర్' అనే టైటిల్ సరిగ్గా సరిపోతుందని దర్శకుడు శంకర్ బలంగా నమ్ముతున్నారు. టైటిల్ ద్వారానే హీరో పాత్ర ఎంత శక్తిమంతంగా ఉంటుందో శంకర్ తనదైన శైలిలో చెప్పేశాడు. ప్రస్తుతం ఈ టైటిల్ పై మెగా అభిమానుల నుంచి మంచి స్పందన వస్తున్నది.
Happy birthday to the worldwide charmer @AlwaysRamCharan being fierce and daring on screen and a darling off screen makes you a #gamechanger @SVC_official @advani_kiara @MusicThaman @DOP_Tirru pic.twitter.com/t0wLwN8tc0
— Shankar Shanmugham (@shankarshanmugh) March 27, 2023
భారీ తారాగణం..
శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ చిత్రంలో కియారా అద్వానీ కథానాయిక. సౌత్ లో తిరుగులేని డైరెక్టర్ గా కొనసాగుతున్న శంకర్ దర్శకత్వంలో వస్తున్న 'గేమ్ చేంజర్' పై ఇప్పటికే భారీ అంచనాలు ఉన్నాయి. చరణ్, కియారాతో పాటు చిత్రంలో శ్రీకాంత్, సునీల్, అంజలి, నవీన్ చంద్ర, ఎస్ జే సూర్య తదితర భారీ తారాగణం కూడా నటిస్తున్నది. 'గేమ్ చేంజర్' చిత్రానికి తమన్ సంగీతం అందిస్తున్నాడు.
(The above story first appeared on LatestLY on Mar 27, 2023 09:03 AM IST. For more news and updates on politics, world, sports, entertainment and lifestyle, log on to our website latestly.com).
