Representational (Credits: Facebook)

Sabarimala, Nov 21: శబరిమల (Sabarimala) వెళ్లే అయ్యప్ప భక్తులకు దక్షిణ మధ్య రైల్వే (SCR) శుభవార్త అందించింది. భక్తుల (Pilgrims) రద్దీని దృష్టిలో ఉంచుకొని వారి కోసం 22 ప్రత్యేక రైళ్లు (Special Trains) నడపనున్నట్లు అధికారులు తెలిపారు. ఈ నెల 22 నుంచి డిసెంబర్‌ 8 వరకు సికింద్రాబాద్‌, నర్సాపూర్‌, కాచీగూడ నుంచి ప్రత్యేక రైళ్లను నడుపనున్నట్లు వెల్లడించారు.

Manipur Gunfire: మణిపూర్‌ లో మరోసారి చెలరేగిన హింస.. కాంగ్‌ పోక్పీ జిల్లాలో దుండగుల కాల్పులు.. జవాన్‌ సహా ఇద్దరు మృతి

ప్రత్యేక రైళ్ల వివరాలు

  • సికింద్రాబాద్‌-కొల్లాం ప్రత్యేక రైలు– ఈ నెల 26, డిసెంబర్‌ 3 తేదీల్లో సాయంత్రం 4.30 గంటలకు బయల్దేరి మరుసటి రోజు రాత్రి 11.55 గంటలకు చేరుకుంటుంది. తిరుగు ప్రయాణంలో ఈ నెల 28, డిసెంబర్‌ 5 తేదీల్లో తెల్లవారుజామున 2.30 గంటలకు బయల్దేరి మరుసరి రోజు ఉదయం 8.55 గంటలకు సికింద్రాబాద్‌ చేరుకుంటుంది.

  • నర్సాపూర్‌-కొట్టాయం స్పెషల్‌ ట్రైన్‌– ఈ నెల 26, డిసెంబర్‌ 3 తేదీల్లో మధ్యాహ్నం 3.50 గంటలకు బయల్దేరి మరుసటి రోజు సాయంత్రం 4.50 గంటలకు కొట్టాయం చేరుకుంటుంది. తిరుగు ప్రయాణంలో ఈ నెల 27, డిసెంబర్‌ 4 తేదీల్లో సాయంత్రం 7 గంటలకు బయల్దేరి మరుసటి రోజు రాత్రి 9 గంటలకు నర్సాపూర్‌ చేరుకుంటుంది.

  • కాచిగూడ‌-కొల్లాం ప్రత్యేక రైలు– ఈ నెల 22, 29, డిసెంబర్‌ 6 తేదీల్లో సాయంత్రం 5.30 గంటలకు బయల్దేరి మరుసటి రోజు రాత్రి 11.55 గంటలకు కొల్లాం చేరుకుంటుంది. తిరుగు ప్రయాణంలో ఈ నెల 24, డిసెంబర్‌ 1, 8 తేదీల్లో తెల్లవారుజామున 2.30 గంటలకు బయల్దేరి మరుసరి రోజు ఉదయం 10.30 గంటలకు కాచిగూడ చేరుకుంటుంది.

  • సికింద్రాబాద్‌-కొల్లాం ప్రత్యేక రైలు– ఈ నెల 24, డిసెంబర్‌ 1 తేదీల్లో మధ్యాహ్నం 3 గంటలకు బయల్దేరి మరుసటి రోజు సాయంత్రం 7.30 గంటలకు కొల్లాం చేరుకుంటుంది. తిరుగు ప్రయాణంలో ఈ నెల 25, డిసెంబర్‌ 2 తేదీల్లో రాత్రి 11 గంటలకు బయల్దేరి రెండో రోజు తెల్లవారుజామున 4.30 గంటలకు సికింద్రాబాద్‌ చేరుకుంటుంది.

కాకినాడ నుంచి..

కాకినాడ టౌన్‌-కొట్టాయం స్పెషల్‌ ట్రైన్‌– ఈ నెల 23, 30 తేదీల్లో సాయంత్రం 5.40 గంటలకు కాకినాడ నుంచి బయల్దేరి మరుసటి రోజు రాత్రి 10 గంటలకు కొట్టాయం చేరుకుంటుంది. తిరుగు ప్రయాణంలో ఈ నెల 25, డిసెంబర్‌ 2 తేదీల్లో రాత్రి 12.30 గంటలకు బయల్దేరి మరుసరి రోజు తెల్లవారుజామున 4 గంటలకు కాకినాడ చేరుతుంది.