MIG-27: పాక్ను హడలెత్తించిన యుద్ధ విమానాలకు ఘనమైన వీడ్కోలు, కార్గిల్ యుద్ధంలో కీలక పాత్ర పోషించిన మిగ్-27, మూడు దశాబ్దాల పాటు సేవలు, వాటికి ఆర్మీ పెట్టిన ముద్దు పేర్లు ఓ సారి తెలుసుకోండి
భారత వాయుసేనలో అతి శక్తిమంతమైన మిగ్-27 యుద్ధవిమానం (MIG-27) చరిత్ర పుటలకెక్కింది. మూడు దశాబ్దాలకు పైగా చెరగని సేవలందించిన ఈ లోహ విహంగాలకు ఐఏఎఫ్(IAF) ఘన వీడ్కోలు పలికింది. రాజస్థాన్లోని జోధ్పుర్ (JODHPUR)వైమానిక స్థావరం నుంచి ఏడు మిగ్ -27 విమానాలు చివరిసారి గగనవిహారం చేశాయి. చివరిసారిగా నింగికెగిరిన ఈ విమానాలకు ల్యాండింగ్ అయిన తర్వాత జల ఫిరంగుల ద్వారా గౌరవ వందనం సమర్పించారు.
Jodhpur, December 28: భారత వాయుసేనలో అతి శక్తిమంతమైన మిగ్-27 యుద్ధవిమానం (MIG-27) చరిత్ర పుటలకెక్కింది. మూడు దశాబ్దాలకు పైగా చెరగని సేవలందించిన ఈ లోహ విహంగాలకు ఐఏఎఫ్(IAF) ఘన వీడ్కోలు పలికింది. రాజస్థాన్లోని జోధ్పుర్ (JODHPUR)వైమానిక స్థావరం నుంచి ఏడు మిగ్ -27 విమానాలు చివరిసారి గగనవిహారం చేశాయి. చివరిసారిగా నింగికెగిరిన ఈ విమానాలకు ల్యాండింగ్ అయిన తర్వాత జల ఫిరంగుల ద్వారా గౌరవ వందనం సమర్పించారు.
1999 నాటి కార్గిల్ యుద్ధంలో (1999 Kargil war)సత్తా చాటిన ఈ లోహ విహంగాలను భారత వైమానిక దళంలో బహుదుర్గా(Bahadur) వ్యవహరిస్తారు. ఈ వీడ్కోలుతో ప్రపంచ వ్యాప్తంగా ఈ యుద్ధవిమానాల ప్రస్థానానికి ముగింపు పడింది. ప్రస్తుతం ఏ దేశంలోనూ ఇవి వినియోగంలో లేవు. మిగ్ వీడ్కోలు కార్యక్రమంలో సౌత్ వెస్ట్రన్ కమాండింగ్ ఇన్ చీఫ్ ఎయిర్ మార్షల్ ఎస్కే ఘోటియా పాల్గొన్నారు. ఈ విమానాలు పోరాటక్షేత్రంలో ముందు నిలిచాయని, 1999లో జరిగిన కార్గిల్ యుద్ధంలో అమూల్యమైన సేవలందించాయని తెలిపారు. ఇన్నాళ్లూ జోథ్పూర్ ఎయిర్ బేస్లో మిగ్–27 రకం విమానాలు ఏడు వరకు సేవలందించాయి.
Here's Indian Air Force Tweet
भारतीय वायु सेना के बेड़े में 1985 में शामिल किया गया यह अत्यंत सक्षम लड़ाकू विमान ज़मीनी हमले की क्षमता का आधार रहा है। वायु सेना के सभी प्रमुख ऑपरेशन्स में भाग लेने के साथ मिग-27 नें 1999 के कारगिल युद्ध में भी एक अभूतपूर्व भूमिका निभाई थी। pic.twitter.com/9EtQv71sOh
— Indian Air Force (@IAF_MCC) December 26, 2019
స్క్వాడ్రన్ స్కార్పియన్29లోని మొత్తం 7 విమానాలనూ ఐఏఎఫ్ డీకమిషన్ చేసింది. అంతకుముందు 2017లో మరో రెండు స్క్వాడ్రన్లకు చెందిన మిగ్27 విమానాలూ రిటైర్ అయిపోయాయి. పశ్చిమబెంగాల్లోని హషిమర ఎయిర్బేస్లో ఇవి రెస్ట్ తీసుకుంటున్నాయి.
ఇటీవల కాలంలో ఈ యుద్ధ విమానాల పనితీరు అధికారులను అంతగా సంతృప్తి పరచడం లేదని, మిగ్ -27 విమానాలు తరుచూ ప్రమాదాలకు గురవుతున్నాయని అధికారులు తెలియజేస్తున్నారు. ఇకపై రష్యా నుంచి ఎలాంటి యుద్ధ విమానాలు కొనుగోలు చేయవద్దని, రష్యా నుంచి దిగుమతి చేసిన మిగ్లు సరిగా పని చేయడం లేదన్న ఆరోపణలు వస్తున్నాయి. అత్యవసర సమయంలో ఇప్పటివరకూ చాలా యుద్ధ విమానాలు కుప్పకూలిపోయాయని అధికారుల చెపుతున్నారు.
Indian Air Force Tweet
"Her targets met
Her promises kept
And all her duties done,
On she goes
All haloed and pretty
Into the setting sun."
Indian Air Force salutes the mighty MiG 27 for its yeoman service to the Nation. pic.twitter.com/ptP3cMEXKs
— Indian Air Force (@IAF_MCC) December 27, 2019
ఐఏఎఫ్లోకి మిగ్27 విమానాలు 1985లో ఎంటరయ్యాయి. దేశ యుద్ధ సామర్థ్యాన్ని మరో ఎత్తుకు తీసుకెళుతూ.. కార్గిల్ యుద్ధంలో పాక్ సైన్యానికి ముచ్చెమటలు పట్టించాయి. శత్రు స్థావరాలపై అత్యంత కచ్చితత్వంతో దాడులు చేయగల నైపుణ్యం వీటిసొంతం. ఆపరేషన్ సఫేద్ సాగర్లో భాగంగా పాక్ సైనికులను తరిమికొట్టాయి. కార్గిల్ యుద్ధ గెలుపులో ముఖ్య పాత్ర పోషించాయి.
మిగ్27 యుద్ధ విమానాలను రష్యా (సోవియట్ యూనియన్) తయారు చేసింది. సింగిల్ ఇంజన్, సింగిల్ సీటర్ వ్యూహాత్మక ఫైటర్ ఇది. రష్యా నుంచి కొనుగోలు చేసినా తర్వాతి కాలంలో హిందుస్థాన్ ఏరోనాటిక్స్ లిమిటెడ్ (హాల్) ఆధ్వర్యంలో ఇండియాలోనే అభివృద్ధి చేయడం మొదలుపెట్టారు. గంటకు 1,885 కిలోమీటర్ల వేగంతో (మాక్1.6 – సౌండుకు ఒకటిన్నర రెట్ల వేగం) దూసుకెళ్లడం దీని స్పెషాలిటీ. రోటరీ ఇంటిగ్రల్ కెనాన్ ఇందులో ఇన్బిల్ట్గా ఉంటుంది. ఇక, బయటి నుంచి 4 వేల కిలోల దాకా యుద్ధ సామగ్రిని మోసుకెళ్లగల సత్తా దీని సొంతం.
అయితే ఈ మధ్య వీటి పనితీరుపై నిరాశాకర ఫలితాలు వచ్చాయి. మామూలు ఆపరేషన్లలో సైతం ఇవి అంతగా పనితీరును కనపరచలేదని తెలుస్తోంది. 482 మిగ్27లు ప్రమాదాలకు గురయ్యాయని 2012లో నాటి రక్షణ మంత్రి ఏకే ఆంటోనీ పార్లమెంట్లో స్వయంగా వెల్లడించారు కూడా. విమానంలోని ఆర్29 ఇంజన్లలోని లోపం వల్లే అవి తరచూ కూలుతున్నాయన్నది నిపుణులు చెబుతున్నారు.
అవి తరచూ ప్రమాదాలకు గురవుతుండడంతో 2010 ఫిబ్రవరిలో దాదాపు 150 యుద్ధ విమానాలను మూలకు పెట్టేశారు. ఆ తర్వాతా కొన్ని ఆపరేషన్లు చేసినా మళ్లీ ప్రమాదాలు మామూలు అయిపోవడంతో 2017 డిసెంబర్లో రెండు స్క్వాడ్రన్న మిగ్ 27ఎంఎల్ విమానాలను ఐఏఎఫ్ రిటైర్ చేసేసింది . మొత్తం 165 విమానాలుండగా, 150 విమానాలు పోను 15 మిగిలాయి. వాటిలోనూ మూడు ప్రమాదాల్లో పాడైపోవడంతో మిగిలినవి 12. ఇప్పుడు ఆ విమానాలన్నీ రిటైర్ అయిపోతున్నాయి.
అయితే మిగిలిన విమానాలను ఏం చేస్తారన్నదానిపైనే ఆసక్తి ఉంది. ఇప్పటికైతే దాని గురించి ఎలాంటి నిర్ణయమూ తీసుకోలేదని రక్షణ శాఖ ప్రతినిధి కర్నల్ సంబిత్ ఘోష్ (Colonel Ghosh)చెప్పారు. వాటిని ఎయిర్బేస్ లేదా డిపోల్లో గుర్తుగా దాచిపెట్టే అవకాశం ఉందంటున్నారు. లేదంటే వేరే దేశాలకైనా ఇచ్చే అవకాశముందని చెబుతున్నారు. అంతేగాకుండా ఇంట్రెస్ట్ చూపించే సంస్థలకు వాటినిచ్చే యోచనలోనూ ఉన్నట్టు ఎయిర్ఫోర్స్ వర్గాల ద్వారా తెలుస్తోంది.
వీటికి పైలట్లు పెట్టిన ముద్దుపేర్లు
బహదూర్: 1999 కార్గిల్ యుద్ధం టైంలో దాన్ని నడిపిన ఐఏఎఫ్ పైలట్లు దానికి పెట్టిన ముద్దు పేరు ఇది. బహదూర్ అంటే ధైర్యశాలి అని అర్థం.
బాల్కన్: అంటే బాల్కనీ అని అర్థం. కాక్పిట్లో నుంచి చుట్టుపక్కలా కచ్చితత్వమైన వ్యూ ఉండడంతో టెస్ట్ పైలట్లు దానికి ఆ పేరు పెట్టారు.
(The above story first appeared on LatestLY on Dec 28, 2019 11:21 AM IST. For more news and updates on politics, world, sports, entertainment and lifestyle, log on to our website latestly.com).
