QuickLY
Socially
Mumbai, December 25: ప్రపంచ కుబేరుడు బిల్ గేట్స్ గురించి తెలియని వారు ఎవరూ ఉండురు. అలాగే మహీంద్ర అండ్ మహీంద్రా ఛైర్మెన్ ఆనంద్ మహీంద్రా(Anand Mahindra) గురించి కూడా అందరికీ తెలిసే ఉంటుంది. వీరిద్దరూ క్లాస్ మేట్స్ కూడా. 1973లో హర్వర్డ్ యూనివర్శిటీలో కలిసి చదువుకున్నారు. ఇప్పుడు ఈ స్టోరీ ఎందుకంటారా...బిల్ గేట్స్(Bill Gates) నా క్లాస్ మేట్ అన్నందుకు ఆనంద్ మహీంద్రా పిల్లలు ఆయన లూజర్ అన్నారట.. దీంతో బిల్ గేట్స్ మీద ఆయన చాలా కోపం పెంచుకున్నారట..అయితే ఇది కోపంతో కాదు లేండి. సరదాగా జరిగిన సన్నివేశం.
ఫన్నీ స్టోరీలోకెళితే సోషల్ మీడియా ట్విట్టర్ లో(Twitter) ఓ వ్యక్తి ఆనంద్ మహీంద్రా, ప్రపంచ కుబేరుడు బిల్ గేట్స్ ఉన్న ఓ బ్లాక్ అండ్ వైట్ ఫోటోని షేర్ చేశాడు. ఈ ఫోటోకి ఆనంద్ మహీంద్రాని ట్యాగ్ చేస్తూ ఇది ఎప్పుడు జరిగిందో చెప్పాలంటూ అడిగాడు.
ఈ ఫోటోని ఇన్ సైడ్ బిల్స్ బ్రెయిన్: డీకోడింగ్ బిల్ గేట్స్' (Inside Bill's Brain Decoding Bill Gates)అనే నెట్ ఫ్లిక్స్ డాక్యుమెంటరీ(Netflix documentary) నుంచి తీసుకున్నానని ఈ ఫోటో కథ గురించి చెప్పాలని ట్విట్టర్ యూజర్ అడిగిన ప్రశ్నకు ఆనంద్ మహీంద్రా సరదాగా సమాధానమిచ్చాడు.
anand mahindra Tweet
Haven’t seen the series..Didn’t know this pic was flashed in it. Thank you for sharing, because this meeting was in ‘97 during Bill’s first ever trip to India & I had no record of it since there were no cell cameras at the time..Just a photographer from Fortune(?) magazine (1/4) https://t.co/StLthh0Kcr
— anand mahindra (@anandmahindra) December 24, 2019
ఈ ఫొటోను చూసిన ఆనంద్ మహీంద్రా తన పాత జ్ఞాపకాల్లోకి వెళ్లారు. ఈ మధ్యాహ్నం ట్విట్టర్ ద్వారా మహీంద్రా స్పందిస్తూ... ఈ ఫొటోను 1997లో బిల్ గేట్స్ తొలిసారి భారత పర్యటనకు వచ్చిన సందర్భంలో తీశారని తెలిపాడు. ఆ సమయంలో సెల్ ఫోన్ కెమెరాలు లేకపోవడంతో దానికి సంబంధించిన ఫొటో తన వద్ద లేకపోయిందని తెలిపారు. ఈ ఫొటోను షేర్ చేసిన వ్యక్తికి ధన్యవాదాలు తెలిపారు.
anand mahindra Tweet
Bill started at Harvard College the same year I did (‘73) and famously dropped out to start Microsoft. But the Microsoft team didn’t request this meeting because we were classmates; they asked to meet us because M&M at that time was one of the 1st adopters of WindowsNT 4.0 (2/4) pic.twitter.com/a8n4dOgLA7
— anand mahindra (@anandmahindra) December 24, 2019
విండోస్ ఎన్టీ 4.0 వర్షన్ ను అప్పట్లో వాడిన తొలి కంపెనీల్లో మహీంద్రా అండ్ మహీంద్రా ఒకటని ఈ నేపథ్యంలో, తమతో సమావేశం కావాలని మైక్రోసాఫ్ట్ కోరిందని ఆనంద్ మహీంద్రా చెప్పుకొచ్చారు. ఈ సందర్భంగా ఓ ఆసక్తికర విషయాన్ని ఆనంద్ మహీంద్రా వెల్లడించారు. మీటింగ్ హాల్ లోకి బిల్ గేట్స్ అడుగుపెట్టిన వెంటనే మనిద్దరం ఒకే సమయంలో హార్వర్డ్ లో ఉన్నామని అనుకుంటా అని అన్నారని మహీంద్రా తెలిపారు.
anand mahindra Funny Story
Funny story from that meeting: When Bill entered, he said “So I believe we were at Harvard at the same time?” I said ‘Yes, we never met, but I have a grudge against you.’ His team froze, thinking they had arranged a meeting with a wacko! (3/4) pic.twitter.com/LH3UBdelNp
— anand mahindra (@anandmahindra) December 24, 2019
దీనికి సమాధానంగా... 'ఔను. కానీ మనిద్దరం ఎప్పుడూ కలుసుకోలేదు. మీ మీద నాకు పగ ఉంది' అని చెప్పానని మహీంద్రా చెప్పారు. ఎందుకు పగ? అని బిల్‌గేట్స్ నన్ను ప్రశ్నించారని... దీనికి సమాధానంగా, 'మీ కాలేజ్ క్లాస్‌మేట్స్‌లో అందరిలో ఎవరు ఎక్కువ ఫేమస్ అని నా కూతురు నన్ను ప్రశ్నించింది. దానికి సమాధానంగా మీ పేరు చెప్పాను. దీంతో, 'మీరు లూజర్ డ్యాడ్' (What a loser you are Dad)అని నా కూతురు ఆటపట్టించింది.
anand mahindra Funny Story
Bill kept his cool & asked “Why the grudge?” I replied: ‘My daughter asked which of my college classmates were now famous & when I told her your name, she said:’What a loser you are Dad!’ So thanks to you, I’ll always be a loser to my kids!’ We had a big laugh at that..(4/4)r pic.twitter.com/6ahkLwNqUm
— anand mahindra (@anandmahindra) December 24, 2019
మీకు చాలా థ్యాంక్స్. మీ వల్ల నా పిల్లల ముందు నేను లూజర్ గా నిలిచానని చెప్పానని... దాంతో మీటింగ్ హాల్లో నవ్వులు విరబూశాయని ఆనాటి మధుర స్మృతులను ఆనంద్ మహీంద్రా పంచుకున్నారు. ఆనంద్ మహీంద్రా చెప్పిన ఈ ఫన్నీ స్టోరీ ప్రస్తుతం సోషల్ మీడియాలో వైరల్ అవుతోంది. నెటిజెన్లు దీనిని బాగా ఎంజాయ్ చేస్తున్నారు.
