Leo Varadkar: మరో దేశానికి ప్రధానిగా భారత సంతతి వ్యక్తి, ఐర్లాండ్ ప్రధానిగా ఎన్నికైన లియో వరాద్కర్, తాను ఒక గే అంటూ బహిరంగంగా ప్రకటించిన దమ్మున్న నేత, రెండోసారి ప్రధానిగా ఎంపిక
2016లో యూరోపియన్ యూనియన్ నుంచి బ్రిటన్ బయటకు వచ్చిన తర్వాత ఐర్లాండ్కు ఆర్థిక కష్టాలు రాకుండా చూశారనే పేరు లియోకు ఉంది. క్యాథలిక్ మైనార్టీల ప్రభావం ఎక్కువగా ఉండే ఐర్లాండ్లో లియో వరాద్కర్ ఒక రాజకీయ శక్తిగా ఎదగడం అనేది గుర్తించదగ్గది.
Dublin, DEC 16: భారత సంతతికి చెందినవాళ్లు విదేశాల్లో స్థిరపడడమే కాదు అక్కడ రాజకీయాల్లో తమ ముద్ర వేస్తున్నారు. ఈమధ్యే బ్రిటన్ ప్రధానిగా రిషి సునాక్ (Rishi sunak) బాధ్యతలు చేపట్టాడు. తాజాగా భారత సంతతికి చెందిన లియో వరాద్కర్ ( Leo Varadkar) ఐర్లాండ్ ప్రధానిగా (Ireland PM) ఎన్నికయ్యారు. డిసెంబర్ 17న ఆయన ప్రధానిగా బాధ్యతలు చేపట్టనున్నారు. 43 ఏళ్ల లియో ఐర్లాండ్ ప్రధానిగా (Ireland PM) ఎన్నిక కావడం ఇది రెండోసారి. ఫిన్ గేల్ పార్టీకి చెందిన ఈయన 2017 నుంచి 2020 వరకు లియో ఐర్లాండ్ ప్రధానిగా పనిచేశారు. ఐర్లాండ్లోని యువ నాయకుల్లో లియో (Leo) ఒకరు. అంతేకాదు తాను ఒక గే (Gay) అని ఆయన బహిరంగంగా ప్రకటించారు. కరోనా సమయంలో దేశాన్ని సమర్థంగా నడిపించినందుకు చాలామంది ఆయనకు మద్దతు తెలిపారు.
Leo Varadkar will become Ireland’s prime minister for a second time this weekend under a coalition deal struck after the 2020 election https://t.co/LfnvncSvp9
— Bloomberg (@business) December 16, 2022
అంతేకాదు 2016లో యూరోపియన్ యూనియన్ నుంచి బ్రిటన్ బయటకు వచ్చిన తర్వాత ఐర్లాండ్కు ఆర్థిక కష్టాలు రాకుండా చూశారనే పేరు లియోకు ఉంది. క్యాథలిక్ మైనార్టీల ప్రభావం ఎక్కువగా ఉండే ఐర్లాండ్లో లియో వరాద్కర్ ఒక రాజకీయ శక్తిగా ఎదగడం అనేది గుర్తించదగ్గది.
లియో తండ్రి పేరు అశోక్ వరాద్కర్. మహారాష్ట్రలోని వరాద్ గ్రామానికి చెందిన ఆయన ఒక డాక్టర్. బ్రిటన్కు 1906లో వలస వచ్చారు. అక్కడ నర్సుగా పనిచేస్తున్న ఐర్లాండ్ యువతిని ఆయన పెళ్లి చేసుకున్నారు. వీళ్లకు లియో జన్మించారు. 2019లో లియో తన తండ్రి స్వగ్రామమైన వరాద్కు వచ్చారు.
(The above story first appeared on LatestLY on Dec 16, 2022 10:44 PM IST. For more news and updates on politics, world, sports, entertainment and lifestyle, log on to our website latestly.com).
