TMC on Same Sex Marriages: ఓ మగాడు మరో మగాడిని ఇష్టపడటం తప్పెలా అవుతుంది, స్వలింగ వివాహాలపై టీఎంసీ నేత అభిషేక్ బెనర్జీ సంచలన వ్యాఖ్యలు
స్వలింగ వివాహాలపై టీఎంసీ నేత అభిషేక్ బెనర్జీ కీలక వ్యాఖ్యలు చేశారు. తన జీవిత భాగస్వామిని ఎంచుకునే హక్కు ప్రతి ఒక్కరికీ ఉంటుందని తెలిపారు. స్వలింగ వివాహాలకు తన మద్దతు ప్రకటించారు.
New Delhi, April 21: స్వలింగ వివాహాలపై టీఎంసీ నేత అభిషేక్ బెనర్జీ కీలక వ్యాఖ్యలు చేశారు. తన జీవిత భాగస్వామిని ఎంచుకునే హక్కు ప్రతి ఒక్కరికీ ఉంటుందని తెలిపారు. స్వలింగ వివాహాలకు తన మద్దతు ప్రకటించారు.స్వలింగ వివాహాలపై అభిషేక్ బెనర్జీ మాట్లాడుతూ.. ఈ విషయంపై తాను కామెంట్ చేయబోనంటూనే.. ప్రేమకు కులం, మతం, సరిహద్దులు లేవన్నారు.
తాను పురుషుడినైతే పురుషుడిని, మహిళనైతే మహిళపై ఇష్టం పెంచుకోవడం తప్పెలా అవుతుందని ప్రశ్నించారు. ప్రేమలో పడే హక్కు ప్రతి ఒక్కరికీ ఉంటుందన్నారు. పురుషుడైనా, స్త్రీ అయినా ఎవరైనా సరే తమ జీవిత భాగస్వామిని ఎంచుకునే పూర్తి హక్కు వారికి ఉంటుందని టీఎంసీ నేత స్పష్టం చేశారు. ఈ విషయంలో కేంద్రం ఎలాంటి కారణం లేకుండా కావాలనే జాప్యం చేస్తోందని మండిపడ్డారు.
స్వలింగ వివాహాలకు చట్టపరమైన గుర్తింపును కోరుతూ దాఖలైన పిటిషన్లను బుధవారం విచారించిన సుప్రీంకోర్టు.. స్వలింగ వివాహాలు ఉన్నత వర్గాలకు మాత్రమే పరిమితమని చెప్పేందుకు కేంద్రం వద్ద ఎలాంటి ఆధారాలు లేవని తేల్చి చెప్పింది. స్వలింగ వివాహాలపై విచారణ 24కు వాయిదా వేసింది సుప్రీంకోర్టు.
Here's ANI Video
#WATCH | "Everyone has the right to choose their own respective life partner, love has no limit. If I want to choose a life partner of my choice, if I'm a man & I'm fond of man, if I'm a woman, I'm fond of woman...hopeful SC will rule in favour of ethos we take pride in": TMC Gen… pic.twitter.com/jEuAyK4OnK
— ANI (@ANI) April 21, 2023
సుప్రీంకోర్టుకు వచ్చే వ్యాజ్యాలు అధికంగా ఉండడంతో జడ్జీలపై పని భారం పెరిగిపోతోందని ప్రధాన న్యాయమూర్తి(సీజేఐ) జస్టిస్ డి.వై.చంద్రచూడ్ తెలిపారు. ఒక్కో ధర్మాసనానికి అయిదుగురు జడ్జీల చొప్పున కేటాయించుకుంటూ పోతే మిగతా వ్యాజ్యాల విచారణపై దాని ప్రభావం పడుతుందని వివరించారు. కాబట్టి సమయ పాలన పాటిస్తూ వాదనలు త్వరగా ముగించేలా చూడాలని స్వలింగ వివాహాలకు చట్టబద్ధత కోరుతున్న పిటిషనర్ల తరఫు న్యాయవాదులకు జస్టిస్ చంద్రచూడ్ సూచించారు.
(The above story first appeared on LatestLY on Apr 21, 2023 11:47 AM IST. For more news and updates on politics, world, sports, entertainment and lifestyle, log on to our website latestly.com).
