Suryanagari Express Derails: పట్టాలు తప్పిన సూర్యనగరి ఎక్స్ ప్రెస్.. 10 మందికి గాయాలు.. బాంద్రా టెర్మినస్ నుంచి జోధ్పూర్ వెళ్తుండగా ప్రమాదం
రాజస్థాన్లో ఈ తెల్లవారుజామున జరిగిన ఘోర రైలు ప్రమాదంలో పదిమంది తీవ్రంగా గాయపడ్డారు. బాంద్రా టెర్మినస్ నుంచి జోధ్పూర్ వెళ్తున్న సూర్యనగరి ఎక్స్ ప్రెస్ జోధ్పూర్ డివిజన్లోని రాజ్కియావస్-బొమద్ర మధ్య పట్టాలు తప్పింది.
Jaipur, Jan 2: రాజస్థాన్లో (Rajasthan) ఈ తెల్లవారుజామున జరిగిన ఘోర రైలు ప్రమాదంలో (Train Accident) పదిమంది తీవ్రంగా గాయపడ్డారు. బాంద్రా టెర్మినస్ నుంచి జోధ్పూర్ వెళ్తున్న సూర్యనగరి ఎక్స్ ప్రెస్ (Suryanagari Express) జోధ్పూర్ డివిజన్లోని రాజ్కియావస్-బొమద్ర మధ్య పట్టాలు తప్పింది. ఈ ఘటనలో 8 కోచ్లు పట్టాలు తప్పాయి. ఎలాంటి ప్రాణనష్టం సంభవించకపోవడంతో అందరూ ఊపిరి పీల్చుకున్నారు.
సమాచారం అందుకున్న వెంటనే నార్త్ వెస్టర్న్ రైల్వే అధికారులు కంట్రోల్ రూము నుంచి పరిస్థితిని సమీక్షించారు. ఘటనా స్థలానికి బయలుదేరారు. సూర్యనగరి ఎక్స్ప్రెస్ పట్టాలు తప్పడంతో ఆ మార్గంలో ప్రయాణిస్తున్న పలు రైళ్ల రాకపోకలకు అంతరాయం ఏర్పడింది. ప్రమాదం జరిగిన వెంటనే అధికారులు హెల్ప్ లైన్ నంబర్లు విడుదల చేశారు.
రైలు మార్వార్ జంక్షన్ నుంచి బయలుదేరిన ఐదు నిమిషాల్లోపే రైలులో కుదుపు లాంటి శబ్దం వచ్చిందని, ఆ తర్వాత రెండుమూడు నిమిషాలకే రైలు ఆగిపోయిందని ఓ ప్రయాణికుడు తెలిపాడు. కిందికి దిగి చూస్తే చివరి ఎనిమిది బోగీలు పట్టాలు తప్పి కనిపించాయని వివరించాడు. ఆ తర్వాత 15-20 నిమిషాలకే అక్కడికి అంబులెన్సులు వచ్చినట్టు తెలిపాడు.
"Within 5 minutes of departing from Marwar junction, a vibration sound was heard inside the train & after 2-3 minutes, the train stopped. We got down & saw that at least 8 sleeper class coaches were off the tracks. Within 15-20 minutes, ambulances arrived," says a passenger pic.twitter.com/aCDjmZEFyq
— ANI MP/CG/Rajasthan (@ANI_MP_CG_RJ) January 2, 2023
(The above story first appeared on LatestLY on Jan 02, 2023 09:56 AM IST. For more news and updates on politics, world, sports, entertainment and lifestyle, log on to our website latestly.com).
