Fact Check: వైరల్ అవుతున్న భారత్, చైనా ఘర్షణ వీడియో పాతది, 2020లో గాల్వాన్ వ్యాలీలో ఘర్షణల తర్వాత జరిగిందని స్పష్టం చేసిన ఇండియన్ ఆర్మీ

New Delhi, Dec 14: అరుణాచ‌ల్ ప్ర‌దేశ్‌లోని త‌వాంగ్ సెక్టార్‌లో డిసెంబ‌ర్ 9వ తేదీన చైనా ఆర్మీని భార‌త సైనికులు అడ్డుకున్న ( India-China Clash) విష‌యం తెలిసిందే. భార‌త భూభాగాన్ని ఆక్ర‌మించేందుకు వ‌చ్చిన పీఎల్ఏ ద‌ళాల్ని మ‌న సైనికులు తిప్పికొట్టారు. ఆ అంశం గురించి పార్ల‌మెంట్‌లో కేంద్రం ప్ర‌క‌ట‌న కూడా చేసింది. అయితే దీనికి సంబంధించి ఓ వీడియో నెట్టింట వైర‌ల్ అవుతోంది. బోర్డ‌ర్ వ‌ద్ద భార‌త్‌లోకి ప్ర‌వేశించేందుకు ప్ర‌య‌త్నిస్తున్న చైనా ఆర్మీని భార‌త బ‌ల‌గాలు (Indian Soldiers) తిప్పికొట్టాయి. చేతుల్లో లాఠీల‌తో ఉన్న భార‌తీయ జ‌వాన్లు.. చైనా ద‌ళాల్ని స‌మ‌ర్థ‌వంతంగా అడ్డుకున్నారంటూ ఆ వీడియో చూపుతోంది.

మారని చైనా వంకర బుద్ధి, హిందూ మహా సముద్రంలో అక్రమంగా ప్రవేశించిన చైనా ‘గూఢచారి నౌక’ యువాన్ వాంగ్-5, గుర్తించిన భారతీయ నేవీ..

ప్ర‌స్తుతం వైర‌ల్ అవుతున్న వీడియో.. డిసెంబ‌ర్ 9వ తేదీ నాటికి కాద‌ని భార‌తీయ ఆర్మీ స్ప‌ష్టం చేసింది.ల‌డాఖ‌లోని గాల్వాన్‌లో రెండేళ్ల క్రితం జ‌రిగిన ఘ‌ట‌నకు సంబంధించిన వీడియో ఇదని ఎన్టీటీవీ ఫ్యాక్ట్ చెక్ తెలియజేసింది. ఈ వీడియో, బహుశా గత సంవత్సరం, అరుణాచల్ ప్రదేశ్‌లోని వాస్తవ నియంత్రణ రేఖ (ఎల్‌ఎసి) వెంబడి భారత్ , చైనా సైనికులు భీకర పోరులో ఉన్నట్లు చూపిస్తుంది. ఈ వీడియో డిసెంబర్ 9 ఘటనకు సంబంధించినది కాదని ఆర్మీ గట్టిగా ఖండించింది.

 వైరల్ అవుతున్న భారత్,చైనా సైనికులు ఘర్షణ వీడియో, ఇంకా అధికారికంగా ధృవీకరించిన భారత సైన్యం, కేంద్ర ప్రభుత్వం

ఈ వీడియోలో చూపిన సంఘటన జూన్ 2020లో తూర్పు లడఖ్‌లోని గాల్వాన్ వ్యాలీలో జరిగిన ఘర్షణల తర్వాత జరిగింది. ఈ ఘటనలో దేశం కోసం 20 మంది భారతీయ సైనికులు అమరులు కాగా, 40 మందికి పైగా చైనా సైనికులు మరణించారు.

Here's Video

This video of the #IndiaChina #TawangClash is circulating in #India

There is no official confirmation of the date, but the #PLA is getting beat up really bad. It does go with what we know about the Dec 9 clash.#IndianArmy pic.twitter.com/RA4aAZf50y

— Indo-Pacific News - Geo-Politics & Military News (@IndoPac_Info) December 13, 2022

డిసెంబర్ 9న జరిగిన ఘర్షణల తరహాలోనే చైనా సైనికులు భూమిని లాక్కోవడానికి చేసిన సమిష్టి ప్రయత్నాన్ని భారత సైనికులు అప్పట్లో తిప్పికొట్టినట్లు కొత్త వీడియో చూపిస్తుంది. బార్డర్ దాటడానికి ప్రయత్నించిన చైనా సైనికులతో భారత సైనికులు తలపడ్డారు. వాళ్ళను చాలా గట్టిగా కొట్టండి, వారు తిరిగి రారు" అని జవాన్లు పంజాబీలో చెప్పారు."వాళ్ళ తలపై కొట్టండి.. మారో, మారో. వారికి తిరిగి ఇవ్వండి.. వారిని తరిమికొట్టండి" అని అరుస్తున్నారు. భారతీయ సైనికులు చైనా సైనికులను లాఠీలతో కొట్టడం, పిడికిలిని కూడా ఉపయోగించడం చూపించారు.

(The above story first appeared on LatestLY on Dec 14, 2022 02:30 PM IST. For more news and updates on politics, world, sports, entertainment and lifestyle, log on to our website latestly.com).