Representational Image (Photo Credits: File Image)

Lucknow, August 4: యూపీలో ఆసక్తికర ఘటన చోటు చేసుకుంది. 12 ఏళ్ల క్రితం ఓ యువతి అత్యారానికి గురి కాగా ఆ యువతి (Rape survivor in Shahjahanpur) అనంతరం ఓ బాబుకు జన్మనిచ్చింది. ఆ బాలుడిని యువతి తల్లిదండ్రులు వేరే కుటుంబానికి పెంచుకోవడానికి ఇచ్చారు. అనంతరం ఈ బాధిత యువతికి వేరే వ్యక్తితో పెళ్లి చేశారు. అయితే ఆ బాలుడు పెరిగి పెద్దవాడై తన తల్లి దగ్గరకు వచ్చి తండ్రి ఎవరని అడగగా.. ఆమె జరిగిన ఘటన గురించి తెలిపింది.

దీంతో ఆ బాలుడు తన తండ్రి కోసం కోర్టును ఆశ్రయించాడు. విచారణ చేపట్టిన కోర్టు అత్యాచారం చేసిన నిందితులకు డీఎన్ఎ టెస్టులు చేయాలని ఆదేశాలు జారీ చేసింది. ఈ డీఎన్ఏ టెస్టుల్లో (her son finds father after DNA test) గ్యాంగ్‌ రేప్‌ నిందితుల్లో ఒక వ్యక్తి అతడి తండ్రిగా తేలింది.28 ఏళ్ల తరువాత (justice after 28 years) ఆ బాధితురాలికి న్యాయం దక్కింది. సినిమా స్టోరీని తలపించేలా ఉన్న ఈ సంఘటన యూపీలో జరిగింది.

తాగొచ్చి కొడుతున్న భర్త, ఆగ్రహంతో నిద్రపోతుండగా అతనిపై యాసిడ్ పోసిన భార్య, యాసిడ్‌లో కారం పొడి కలిపి మరీ అతనిపై పోసింది

ఘటన లోతుల్లోకి వెళితే.. 1994లో షాజహాన్‌పూర్ జిల్లాకు చెందిన 12 ఏళ్ల బాలిక తన అక్కాబావ ఇంట్లో నివసించింది.అయితే ఒక రోజున ఆ ఇంట్లోకి చొరబడిన స్థానికులైన కొందరు యువకులు ఒంటరిగా ఉన్న ఆ బాలికపై సామూహిక లైంగిక దాడికి పాల్పడ్డారు. దీంతో ఆమె గర్భం దాల్చింది. 13 ఏళ్ల వయసులో ఒక బాబుకు జన్మనిచ్చింది. అయితే ఆమె తల్లిదండ్రులు ఆ బాబును ఒక కుటుంబానికి ఇచ్చారు. ఆ కుటుంబం రాంపూర్‌కు వలసపోయింది.

కాగా, ఆ బాలిక తల్లిదండ్రులు ఆమెకు ఒక వ్యక్తితో పెళ్లి చేశారు. అయితే పదేళ్ల కాపురం తర్వాత భార్యపై గతంలో గ్యాంగ్‌ రేప్‌ జరిగినట్లు భర్తకు తెలిసింది. దీంతో భార్యకు విడాకులు ఇచ్చాడు. మరోవైపు పెద్దవాడైన ఆ మహిళ కుమారుడు ఆమెను కలుసుకున్నాడు. తన తండ్రి ఎవరని అడిగాడు. జరిగిన సంగతి ఆ తల్లి చెప్పింది. దీంతో తన తండ్రి ఎవరన్నది అతడు తెలుసుకోవాలనుకున్నాడు. దీనిపై కోర్టును ఆశ్రయించాడు. ఈ కేసుపై విచారణ జరుపడంతో గ్యాంగ్‌ రేప్‌ నిందితులను పోలీసులు గుర్తించారు. వారికి డీఎన్‌ఏ టెస్ట్‌ చేయాలని కోర్టు ఆదేశించింది. దీంతో నిందితుల్లో ఒకరైన గుడ్డు 27 ఏళ్ల వ్యక్తి తండ్రిగా తేలింది. ఈ నేపథ్యంలో పోలీసులు అతడ్ని అరెస్ట్‌ చేశారు.