Holi 2021 Wishes: అందరికీ హోలీ శుభాకాంక్షలు, ప్రతి ఒక్కరి జీవితంలో ఆనందం, ఉల్లాసం తీసుకురావాలంటూ ప్రధాని మోదీ ట్వీట్, దేశ ప్రజలకు శుభాకాంక్షలు తెలిపిన రాష్ట్రపతి కోవింద్, కాంగ్రెస్ నేత రాహుల్ గాంధీ, ఏపీ సీఎం వైయస్ జగన్ తదితరులు
Ram Nath Kovind-Narendra Modi-Rahul Gandhi (Photo Credits: PTI)

New Delhi, Mar 29: దేశ ప్రజలకు ప్రధాని మోదీ హోలీ శుభాకాంక్షలు (Holi 2021 Wishes) తెలిపారు. హోలీ పండుగ ప్రతి ఒక్కరి జీవితంలో ఆనందోత్సాహాలను నింపాలని ఆకాంక్షించారు. ‘మీ అందరికి హోలీ పండుగ శుభాకాంక్షలు. హోలీ పండుగ ప్రతి ఒక్కరి జీవితంలో ఆనందం, ఉల్లాసం తీసుకురావాలి, కొత్త శక్తిని నింపాలి’ అని హిందీలో ట్వీట్‌ చేశారు.

హోలీ సందర్భంగా తోటి పౌరులందరికీ శుభాకాంక్షలు. రంగుల పండుగ, హోలీ, సామాజిక సామరస్యం యొక్క పండుగ, ఇది ప్రజల జీవితాలలో ఆనందం, ఆనందం మరియు ఆశను కలిగిస్తుంది. ఈ పండుగ మన సాంస్కృతిక వైవిధ్యానికి సమగ్రమైన జాతీయవాదం యొక్క స్ఫూర్తిని మరింత బలపరుస్తుందని రాష్ట్రపతి రామ్ నాథ్ కోవింద్ ట్వీట్ చేశారు.

మన దేశంలోని అన్ని రంగుల రంగుల పండుగకు మీ అందరికీ హోలీ శుభాకాంక్షలు! (Holi greetings) కరోనా మార్గదర్శకాలను అనుసరించండి - సురక్షితంగా ఉండండి.అటూ కాంగ్రెస్ నేత రాహుల్ గాంధీ హిందీ భాషలో ట్వీట్ చేశారు.

ఆప్యాయ‌త‌, ప్రేమ‌, సంతోషాల హ‌రివిల్లు హోలీ! ప్ర‌తి ఒక్క‌రి జీవితం ఆనందాల‌తో నిండాల‌న్న ఆకాంక్ష హోలీ! ఈ హోలీ పండుగ వేళ రాష్ట్రంలోని ప్ర‌తి ఇంటా సంతోషాల స‌ప్త వ‌ర్ణాలు వెల్లివిరియాల‌ని నిండు మ‌న‌సుతో కోరుకుంటున్నాను! ఏపీ ముఖ్యమంత్రి వైయస్ జగన్ మోహన్ రెడ్డి ట్వీట్ చేశారు.

Here's Tweets Updates

విభిన్న సంస్కృతులు, భాషలు, జాతులు, మతాలు కలిగినది భారతదేశం. మార్చి 29వ తేదీన జరుపుకోనున్న హోళీ పండుగ కూడా రకరకాల రంగులతోనే నిర్వహించుకుంటారు. ఈ రంగుల పండుగ హోలిని దేశ వ్యాప్తంగా వివిధ సంస్కృతుల వారు వివిధ రకాలుగా జరుపుకుంటారు. చెడుపై మంచి గెలుపునకు నిదర్శనంగా జరుపుకునే ఈ హోళీ సంబరాలను భారతదేశం అంతటా ఎన్ని రకాలుగా జరుపుకుంటారు.

వసంత రుతువు వచ్చేసింది, ప్రత్యేక డూడుల్‌తో వసంత ఋతువుకు స్వాగతం చెప్పిన గూగుల్, ఉత్తర అమెరికా ఆంగ్లంలో వసంత ఋతువు అంటే పతనం అని అర్థమని మీకు తెలుసా?

అస్సామీ ప్రజలు హోలీని ఫకువా మరియు డౌల్‌గా రెండు రోజులు ఈ వేడుకలను జరుపుకుంటారు. రాక్షసి హోలిక సంహారానికి ప్రతీకగా మట్టి గుడిసెలను తగులబెడతారు. మరుసటి రోజు రంగులతో హోలీ అడుతారు. ఈ ఫగువా వేడుకలను బీహార్, జార్ఖండ్ రాష్ట్రాల్లో కూడా జరుపుకుంటారు.

గోవా ప్రజలు హోలీని ఉక్కులి అని పిలుస్తారు. వసంత పండుగ షిగ్మోలో భాగంగా ఈ హోలీని జరుపుకుంటారు. ఈ వేడుకలను మొత్తం నెల రోజుల పాటు చేసుకుంటారు. అంతేకాదు.. సాంస్కృతిక కార్యక్రమాలు కూడా నిర్వహిస్తారు.

అహ్మదాబాద్‌లోని యువకులు ఒకరి భుజాలపై ఎక్కి నేలమీద ఎత్తులో వేలాడుతున్న మజ్జిగ కుండను పగలగొడతారు. చిన్న కృష్ణుడు వేర్వేరు గృహాల నుండి వెన్నను దొంగిలించడానికి ప్రయత్నిస్తున్నగా పురాతన సన్నివేశాలను నిర్వహిస్తారు. అలా హోలీ సంబరాలను చేసుకుంటారు

ఉత్తర ప్రదేశ్ మహిళలు పురుషులను సరదాగా కొట్టడానికి కర్రలను ఉపయోగిస్తారు. దేవి రాధాతో శ్రీకృష్ణుడు హోలీ ఆడేందుకు ఆమె గ్రామమైన బర్సానాకు వస్తారు. అయితే, దేవి రాధా గ్రామస్తులైన స్త్రీలు శ్రీకృష్ణుడిని వెంబడిస్తారు. దాని ఆధారంగా లాత్మార్ హోలీని యూపీలో జరుపుకుంటారు.

. మణిపూర్ స్థానికులు తమ దేవుడైన పఖంగ్బాను గుర్తు చేస్తూ ప్రార్థనలు నిర్వహిస్తారు. ఆ తరువాత గుడిసెలను తగలబెడతారు. పిల్లల చేత విరాళాలు సేకరిస్తారు. ఈ వేడుకలో భాగంగా యోసాంగ్ అనే ఐదు రోజుల క్రీడా కార్యక్రమాలు నిర్వహిస్తారు.

వసంత పండుగైన బసంత ఉత్సవంలో భాగంగా పశ్చిమ బెంగాల్ ప్రజలు హోలీని జరుపుకుంటారు. డోల్ జాత్రా పేరుతో జరుపుకునే ఈ వేడుకలో భాగంగా ప్రజలు రాధాకృష్ణుల విగ్రహాలను పల్లికలి పట్టణాలు, గ్రామాల్లో ఊరేగిస్తారు.

పంజాబ్‌ రాష్ట్రంలో నిహాంగ్ సిక్కులకు యుద్ధ నైపుణ్యాలపై శిక్షణ ఇస్తూ.. ఈ పండుగను సిక్కులు మూడు రోజుల పాటు జరుపుకుంటారు. దీనిని 10 వ సిక్కు మత నాయకుడు గురు గోవింద్ సింగ్ ప్రారంభించారు.

కర్ణాటక రాష్ట్రంలో హోలీ సందర్భంగా ఐదు రోజుల పాటు జానపద కార్యక్రమాలు నిర్వహిస్తారు. అయితే ఈ వేడుకలు సంవత్సరం విడిచి సంవత్సరం నిర్వహిస్తారు.