Besharam Rang Row: షారూక్‌ కనిపిస్తే అక్కడే దహనం చేస్తా! బేషరమ్‌ వివాదంపై అయోధ్య సాధువు సంచలన వ్యాఖ్యలు, షారూక్ జిహాదీ అంటూ ఫైర్‌

New Delhi, DEC 21: పఠాన్ సినిమాలోని ‘బేషరం రంగ్’ (Besharam Rang)పాట ఇప్పటికే అనేక వివాదాలకు కారణమైంది. బీజేపీ సహా రైట్ వింగ్ సంస్థలు ఈ పాటలోని కొన్ని దృశ్యాలపై తీవ్ర అభ్యంతరం వ్యక్తం చేస్తున్నారు. కొందరు కాస్త కఠువుగా సైతం వ్యాఖ్యానిస్తున్నారు. ఈ నేపథ్యంలో ఓ సాధువు కఠినాన్ని దాటి క్రూరంగా స్పందించారు. తాను కనుక షారూఖ్ ఖాన్‭ను (Shah Rukh) కలిస్తే.. అతడిని అక్కడికక్కడే దహనం చేస్తానని అన్నారు. అయోధ్యకు చెందిన సాధువు పరమహంస్ ఆచార్య చేసిన వ్యాఖ్యలివి. ఒక్క షారూఖ్ దగ్గరే ఆయన ఆగలేదు. పఠాన్ (Pathaan) సినిమాను ప్రదర్శిస్తే, ఆ సినిమా థియేటర్లను తగలబెడతామని బెదిరింపులకు పాల్పడ్డారు. షారుఖ్‌ను జిహాదీ (Jihadi) అంటూ వ్యాఖ్యానించారు. పఠాన్ సినిమాకు వ్యతిరేకంగా సనాతన ధర్మానికి చెందిన వారు నిరసనలు తెలపడం చాలా ఆనందకరమని ఆచార్య అన్నారు.. ఒకవేళ తాను కున జాహాదీ షారూఖ్‭ను ఎదురుగా కలిస్తే.. అతడిని అక్కడే దహనం చేస్తానంటూ వ్యాఖ్యానించారు. బేషరం రంగ్ పాటలో కాషాయాన్ని అవమానించారని ఆచార్య ఆగ్రహం వ్యక్తం చేశారు.

"शाहरुख खान मिले तो उसे जिंदा जला दूंगा"

अयोध्या से जगद्गुरु परमहंस आचार्य

#ShahRukhKhan? | #DeepikaPadukone | #BesharmRang pic.twitter.com/0fnSRttHt0

— TV9 Bharatvarsh (@TV9Bharatvarsh) December 20, 2022

షారుఖ్‌ ఖాన్‌ నటించిన ‘పఠాన్‌’ చిత్రాన్ని బహిష్కరించాలని ప్రజలకు ఆచార్య విజ్ఞప్తి చేశారు. గతంలో హనుమాన్‌గర్హి పూజారి రాజుదాస్ కూడా సినిమాపై నిరసన వ్యక్తం చేశారు. పఠాన్‌కు వ్యతిరేకంగా జరిగే నిరసనను రాష్ట్రీయ స్వయంసేవక్ సంఘ్ ( RSS అనుబంధ సంస్థ అయిన విశ్వహిందూ పరిషత్ ముందుండి నడిపిస్తోంది.

Pathan Movie Controversy: పఠాన్ మూవీపై వివాదం, బేషరం రంగ్ పాటలో లిరిక్స్ తొలగించాలని డిమాండ్, లేదంటే సినిమాను అడ్డుకుంటామని తెలిపిన ఎంపీ హోం మంత్రి నరోత్తమ్ 

‘పఠాన్’ పాటలోని దీపికా పదుకొణె (Deepika padukone) కుంకుమ దుస్తులు, కొన్ని సన్నివేశాలపై ఇప్పటికే వీహెచ్‭పీ అభ్యంతరం వ్యక్తం చేసింది. తక్షణమే సినిమాలో మార్పులు చేయాలని చిత్రబృందాన్ని డిమాండ్ చేసింది. ‘బేషరమ్ రంగ్’ అనే పాట టైటిల్‌పై ఆ సంస్థ అభ్యంతరం వ్యక్తం చేస్తూ, హిందూ సమాజం ఇలాంటి సినిమాను ఎప్పటికీ అంగీకరించదని వీహెచ్‭పీ పేర్కొంది.

(The above story first appeared on LatestLY on Dec 21, 2022 09:49 AM IST. For more news and updates on politics, world, sports, entertainment and lifestyle, log on to our website latestly.com).