QuickLY
Socially
మంచినీరు పరగడుపున తాగటం వల్ల ఆరోగ్యపరంగా చేకూరే ప్రయోజనాలు అన్నీఇన్నీ కావు. ఎన్నో అనారోగ్య సమస్యలను పరగడుపున నీరు తాగటం వల్ల నివారించుకోవచ్చు. ఈ విషయాన్ని ఆరోగ్య నిపుణులు సైతం స్ఫష్టంగా చెబుతున్నారు. నిద్రలేవగానే ఒకటిన్నర లీటరు మంచినీటిని తీసుకోవాలి. మంచి నీరు తాగిన గంట సేపటి వరకు ఎలాంటి ఆహారం తీసుకోకూడదని నిపుణులు సూచిస్తున్నారు.
పరగడుపున ఖాళీ కడుపుతో మంచి నీరు తాగటం వల్ల పెద్ద పేగు శుభ్రపడుతుంది. అంతేకాకుండా శరీరం మరిన్ని పోషకాలను గ్రహించేందుకు అవకాశం ఏర్పడుతుంది. ఇలా చేయటం వల్ల శరీరంలో కొత్త రక్తం తయారయ్యేందుకు అవకాశం ఉంటుంది. అంతేకాకుండా కండరాల కణాలు వృద్ధికి దోహదపడుతుంది. ఉదయాన్నే కనీసం అరలీటరు నీటిని తాగటం వల్ల శరీరంలో మెటబాలిజం పెరుగుతుంది. దీని వల్ల సులభంగా బరువు తగ్గటానికి అవకాశం ఉంటుంది.
అధిక బరువు సమస్యతో బాధపడుతున్న వారు ఉదయాన్నే పరగడుపున లీటరున్నర మంచినీటిని తాగటం వల్ల మంచి ఫలితం ఉంటుంది. నెలరోజుల్లోనే వారి బరువు తగ్గుదలలో మార్పును స్ఫష్టంగా గమనించ వచ్చు. పరగడుపున నీరు తాగటం వల్ల రక్త కణాలు శుద్ధి చేయబడతాయి. రక్తంలోని మలినాలు తొలగిపోతాయి. చర్మం కాంతి వంతంగా తయారయ్యేందుకు ఉపకరిస్తుంది. శ్వేత గంధ్రుల్లో ఆటంకాలు తొలగిపోతాయి. ఎలాంటి ఇన్ ఫెక్షన్లు దరిచేరకుండా ఆరోగ్యాన్ని కాపాడుకోవచ్చు. మలవిసర్జన సాఫీగా ఉంటుంది.
శరీరంలో కాలరీలు కరిగించటంలో సైతం తాగునీరు ఉపయోగపడుతుందని పలు పరిశోధనల్లో తేలింది. నీరు తాగటం వల్ల కడుపు నిండుగా ఉన్న భావన కలిగి ఆహారం మితంగా తీసుకునేందుకు అవకాశం ఉంటుంది. దీని వల్ల బరువు కూడా సులభంగా తగ్గవచ్చు. శరీరంలో అధికంగా ఉన్న వేడి తొలగించుకునేందుకు పరగడుపున నీటిని తాగటం వల్ల మంచి ఫలితం ఉంటుంది. గుండెపోటు, పక్షవాతం వంటి సమస్యలు దరి చేరకుండా చూసుకోవచ్చు.
