Jon Landau: హాలీవుడ్ లో విషాదం.. ‘టైటానిక్’, ‘అవతార్’ చిత్రాల నిర్మాత కన్నుమూత.. క్యాన్సర్ తో గత కొంతకాలంగా బాధపడుతున్న జాన్ లాండౌ
హాలీవుడ్ లో విషాదం చోటుచేసుకుంది. ఆస్కార్ అవార్డులను అందుకొన్న ప్రఖ్యాత చిత్రరాజాలు ‘టైటానిక్’, ‘అవతార్’ చిత్రాల నిర్మాత జాన్ లాండౌ మృతిచెందారు.
Newdelhi, July 7: హాలీవుడ్ లో (Hollywood) విషాదం చోటుచేసుకుంది. ఆస్కార్ అవార్డులను (Oscar Awards) అందుకొన్న ప్రఖ్యాత చిత్రరాజాలు ‘టైటానిక్’, ‘అవతార్’ చిత్రాల నిర్మాత జాన్ లాండౌ (Jon Landau) మృతిచెందారు. గత కొంతకాలంగా క్యాన్సర్ తో పోరాడుతున్న ఆయన చికిత్స పొందుతూ మరణించినట్టు ఆయన కుటుంబ సభ్యులు సోషల్ మీడియా వేదికగా వెల్లడించారు. జాన్ లాండౌ మృతిపట్ల దిగ్గజ దర్శకుడు జేమ్స్ కామెరాన్, సామ్ వర్తింగ్స్ టన్ తదితరులు సంతాపం ప్రకటించారు.
నిర్మాణంలో అద్భుతమే
జాన్ లాండౌ వయసు 63 ఏండ్లు. 1980లో ప్రొడక్షన్ మేనేజర్ గా కెరీర్ ప్రారంభించిన జాన్.. టైటానిక్ సినిమాతో ప్రత్యేక గుర్తింపు తెచ్చుకున్నారు. 1997లో నిర్మించిన ఈ సినిమా కోసం అప్పట్లోనే ఆయన 200 మిలియన్ల బడ్జెట్ ను పెట్టగా.. సూమారు రూ.500 కోట్లకు పైగా వసూళ్లను రాబట్టింది. ఈ చిత్రానికి కలెక్షన్స్ మాత్రమే కాకుండా 11 ఆస్కార్ అవార్డులు దక్కించుకుంది. వీఎఫ్ఎక్స్ అద్భుతం అవతార్ సినిమాకు కూడా ఈయనే నిర్మాత.
(The above story first appeared on LatestLY on Jul 07, 2024 11:46 PM IST. For more news and updates on politics, world, sports, entertainment and lifestyle, log on to our website latestly.com).
