Oscar Winners 2020: ఉత్తమ చిత్రం పారాసైట్, ఉత్తమ నటుడు జోక్విన్ ఫీనిక్స్! అట్టహాసంగా 'ఆస్కార్' అవార్డుల ప్రదానోత్సవం, విజేతలు వీరే

టాడ్ ఫిలిప్స్ జోకర్, పారాసైట్, సామ్ మెండిస్ 1917, వన్స్ అపాన్ ఎ టైమ్ ఇన్ హాలీవుడ్, ది ఐరిష్ మ్యాన్, లిటిల్ తదితర చిత్రాలు వివిధ విభాగాల్లో అవార్డులను కొల్లగొట్టాయి. అయితే ఆశ్చర్యకరంగా 'పారాసైట్' - ఉత్తమ చిత్రం మరియు ఉత్తమ దర్శకుడు సహా నాలుగు ప్రధాన అవార్డులను తన ఖాతాలో వేసుకొని రికార్డ్ బద్దలు కొట్టింది....

Oscar Winners 2020 List | Photo: Twitter

అంతర్జాతీయంగా సినీరంగంలో అత్యంత ప్రతిష్ఠాత్మక అవార్డ్స్‌గా చెప్పబడే "ఆస్కార్" (The Oscars) 92వ అకాడమీ అవార్డుల ప్రదానోత్సవం ఫిబ్రవరి 9, 2020న (భారతదేశంలో ఫిబ్రవరి 10) USA లోని కాలిఫోర్నియాలోని డాల్బీ థియేటర్‌లో అట్టహాసంగా జరిగింది. నటన, దర్శకత్వం మొదలుకొని సినిమాటోగ్రఫీ, ఎడిటింగ్, మేకప్ మరియు స్టైలింగి వరకు అన్ని క్రాఫ్ట్ లలో తెరమీద, తెరవెనుక అత్యున్నత ప్రదర్శన కనబరిచిన ప్రతిభావంతులకు 'ఆస్కార్' అవార్డ్ అందజేసి వారిని గౌరవించారు. వరుసగా రెండో ఏడాది కూడా ఆస్కార్ అవార్డ్స్ ప్రదానోత్సవం హోస్ట్ లేకుండానే జరిగింది. హోస్ట్ స్థానంలో చాలా మంది వరల్డ్ ఫేమస్ సెలబ్రిటీలు అవార్డులను తమ చేతుల మీదుగా అందజేస్తున్నారు.

అవార్డులు లభించిన సినిమాల్లో (Oscar Winners 2020) టాడ్ ఫిలిప్స్ జోకర్, పారాసైట్, సామ్ మెండిస్ 1917, వన్స్ అపాన్ ఎ టైమ్ ఇన్ హాలీవుడ్, ది ఐరిష్ మ్యాన్, లిటిల్ తదితర చిత్రాలు వివిధ విభాగాల్లో అవార్డులను కొల్లగొట్టాయి. అయితే ఆశ్చర్యకరంగా 'పారాసైట్' (Parasite) - ఉత్తమ చిత్రం మరియు ఉత్తమ దర్శకుడు సహా నాలుగు ప్రధాన అవార్డులను తన ఖాతాలో వేసుకొని రికార్డ్ బద్దలు కొట్టింది.