Andhra Pradesh: ఎన్నికల ప్రచారాన్ని ఆపేసి తల్లీ బిడ్డను రక్షించేందుకు ఆస్పత్రికి పరిగెత్తిన టీడీపీ దర్శి అభ్యర్థి డాక్టర్ గొట్టిపాటి లక్ష్మి, వీడియో ఇదిగో..

టీడీపీ దర్శి అభ్యర్థి డాక్టర్ గొట్టిపాటి లక్ష్మి ఎన్నికల ప్రచారాన్ని నిలిపివేసి తల్లి & బిడ్డను కాపాడారు. తల్లికి సమస్యలు వచ్చినప్పుడు మరియు వెంటనే హాజరు కావడానికి గైనకాలజిస్ట్ లేకపోవడంతో ఆమెను మెడికల్ ఎమర్జెన్సీ కోసం పిలిచారు, విషయం తెలుసుకున్న డాక్టర్ గొట్టిపాటి లక్ష్మి వెంటనే ప్రచారాన్ని నిలిపివేసి తల్లి & బిడ్డను కాపాడేందుకు ఆస్పత్రికి వెళ్లారు. ఎమర్జెనీగా వెళ్లి ఆమెకు ఆపరేషన్ చేసి తల్లీ బిడ్డ ప్రాణాలను కాపాడారు.

దర్శి మండలం అబ్బాయిపాలేనికి చెందిన వెంకట రమణ గర్భిణి. పురిటి నొప్పులు రావడంతో కుటుంబ సభ్యులు ఆమెను దర్శిలోని ఓ ప్రైవేట్‌ ఆసుపత్రిలో చేర్పించారు. ఆరోగ్య పరిస్థితి క్లిష్టంగా ఉండటంతో అత్యవసరంగా ఆపరేషన్ చేయాలని అక్కడి వైద్య సిబ్బంది గుర్తించారు. ఆ సమయంలో సదరు ఆసుపత్రి వైద్యురాలు అందుబాటులో లేరు.. వెంటనే అక్కడికి వచ్చే పరిస్థితి లేకపోయింది. అదే సమయంలో ఆస్పత్రి సిబ్బంది టీడీపీ అభ్యర్థి గొట్టిపాటి లక్ష్మి దృష్టికి తీసుకెళ్లారు. అప్పటికి ఆమె దర్శి నుంచి 20 కిలో మీటర్ల దూరంలోని కురిచేడులో ఎన్నికల ప్రచారంలో బిజీగా ఉన్నారు.

సమాచారం వచ్చిన వెంటనే స్పందించిన డాక్టర్ లక్ష్మి.. గైనకాలజిస్టు కావడంతో వెంటనే దర్శిలోని ఆసుపత్రికి వెళ్లారు. ఎమర్జెన్సీగా మహిళకు శస్త్రచికిత్స చేసి తల్లీ బిడ్డను కాపాడారు. మహిళ బంధువులు గొట్టిపాటి లక్ష్మికి కృతజ్ఞతలు తెలిపారు. తమ బిడ్డ, మనవడ్ని కాపాడిన లక్ష్మికి మహిళ తల్లి ధన్యవాదాలు తెలిపారు.తల్లిబిడ్డల ప్రాణాలను కాపాడటం ఎంతో ఆనందంగా ఉందని.. ఆ తల్లి మొహంలో ఎనలేని సంతోషాన్ని చూడగలిగానని భావోద్వేగంతో చెప్పారు.

Here's Video

TDP #Darsi candidate Dr #GottipatiLakshmi put off election campaign and saves a mother & child performing C-section.

She was called for a medical #emergency when the mother developed complications and there was no Gynaec to attend immediately.#AndhraPradeshElections2024 #TDP pic.twitter.com/4NyN4qX6kZ

— Surya Reddy (@jsuryareddy) April 19, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Apr 19, 2024 06:38 PM IST. For more news and updates on politics, world, sports, entertainment and lifestyle, log on to our website latestly.com).