Royal Enfield Himalayan BS6: రాయల్ ఎన్ఫీల్డ్ నుంచి బీఎస్ 6 వేరియంట్ హిమాలయన్ టూరర్ బైక్ విడుదల, ఎక్స్-షోరూంలో రూ. 1.86 లక్షల నుంచి ధరలు ప్రారంభం
స్నో వైట్, గ్రానైట్ బ్లాక్, స్లీట్ గ్రే మరియు గ్రావెల్ గ్రే కలర్ వేరియంట్ల ధర రూ .1.89 లక్షలు (ఎక్స్-షోరూమ్) నుంచి ప్రారంభమవుతాయి. వీటితో పాటు ఎబిఎస్ స్విచ్, హజార్డ్ స్విచ్ లాంటి ఫీచర్లు అదనపు ఆకర్శణ....
చెన్నై కేంద్రంగా ద్విచక్ర వాహనాల తయారీ చేపట్టే ప్రముఖ సంస్థ రాయల్ ఎన్ఫీల్డ్ (Royal Enfield) తన పాపులర్ మోడెల్ అయిన హిమాలయన్ వేరియంట్లో బిఎస్ 6 వెర్షన్ (Bharat Stage VI ) ను విడుదల చేసింది. రూ. 1.86 లక్షల (ఎక్స్-షోరూమ్) ప్రారంభ ధరతో ఈ బైక్ లభించనుంది.
ఆసక్తిగల కస్టమర్లు జనవరి 20 నుండి భారతదేశంలోని అన్ని రాయల్ ఎన్ఫీల్డ్ షోరూంలలో ఈ కొత్త అడ్వెంచర్ టూరర్ను బుక్ చేసుకోవచ్చని సంస్థ తెలిపింది. భారత్ స్టేజ్ VI కంప్లైంట్ ఇంజిన్తో కూడిన కొత్త రాయల్ ఎన్ఫీల్డ్ హిమాలయన్ బైక్ 3 సంవత్సరాల వారంటీతో కూడా అందిస్తోన్నట్లు పేర్కొంది.
RE హిమాలయన్ (RE Himalayan BS6) మూడు రంగుల షేడ్స్లో లభిస్తుంది, ఇందులో డ్యూయల్-టోన్ పెయింట్ స్కీమ్ కూడా అందుబాటులో ఉంది. లేక్ బ్లూ మరియు రాక్ రెడ్ అనే రెండు డ్యూయల్ టోన్ పెయింట్ తో కూడిన బైక్స్ రూ. 1.91 లక్షలు (ఎక్స్-షోరూమ్) ధరకు లభిస్తాయి.
ఇక స్నో వైట్, గ్రానైట్ బ్లాక్, స్లీట్ గ్రే మరియు గ్రావెల్ గ్రే కలర్ వేరియంట్ల ధర రూ .1.89 లక్షలు (ఎక్స్-షోరూమ్) నుంచి ప్రారంభమవుతాయి.
ఇంజన్ పరంగా, కొత్త హిమాలయన్ అడ్వెంచర్ టూరర్ 411 సిసి, బిఎస్ 6 - పెట్రోల్ ఇంజిన్తో వస్తుంది. అయితేఈ బైక్ యొక్క ఖచ్చితమైన పవర్ మరియు టార్క్ వివరాలను కంపెనీ వెల్లడించలేదు. ఈ బైక్ లాంగ్-ట్రావెల్ సస్పెన్షన్ తో పాటు 21- / 17-అంగుళాల స్పోక్ వీల్ సెటప్ను కలిగి ఉంది. వీటితో పాటు ఎబిఎస్ స్విచ్, హజార్డ్ స్విచ్ లాంటి ఫీచర్లు అదనపు ఆకర్శణ.
ఈ కొత్త రాయల్ ఎన్ఫీల్డ్ హిమాలయన్ బిఎస్ 6 మోడల్, మిగతా కంపెనీల నుంచి విడుదలైన కవాసకి వెర్సిస్ ఎక్స్ -300, బిఎమ్డబ్ల్యూ జి 310 జిఎస్ మరియు రాబోయే కెటిఎం 390 ఎడివి లాంటి బైక్స్ తో పోటీ పడుతుంది.
(The above story first appeared on LatestLY on Jan 20, 2020 08:03 PM IST. For more news and updates on politics, world, sports, entertainment and lifestyle, log on to our website latestly.com).
