First Mpox Case in Kerala: దేశంలో మరో మంకీ పాక్స్ కేసు నమోదు, క్రమంగా విస్తరిస్తున్న డేంజరస్ వైరస్, యూఏఈ నుంచి వచ్చిన వ్యక్తికి నిర్ధారణ
దేశంలో మంకీ పాక్స్ (Mpox Case) రెండో కేసు నమోదైంది. కేరళ వ్యక్తికి ఈ వైరస్ సోకినట్లు బుధవారం నిర్ధారణ అయ్యింది. ఈ నేపథ్యంలో ఆ రోగిని ఐసొలేషన్లో ఉంచి చికిత్స అందిస్తున్నారు. ఎం పాక్స్కు సంబంధించిన ప్రోటోకాల్స్ను పాటిస్తున్నట్లు కేరళ ప్రభుత్వం (Kerala M pox Case) తెలిపింది.
New Delhi, SEP 18: దేశంలో మంకీ పాక్స్ (Mpox Case) రెండో కేసు నమోదైంది. కేరళ వ్యక్తికి ఈ వైరస్ సోకినట్లు బుధవారం నిర్ధారణ అయ్యింది. ఈ నేపథ్యంలో ఆ రోగిని ఐసొలేషన్లో ఉంచి చికిత్స అందిస్తున్నారు. ఎం పాక్స్కు సంబంధించిన ప్రోటోకాల్స్ను పాటిస్తున్నట్లు కేరళ ప్రభుత్వం (Kerala M pox Case) తెలిపింది. మలప్పురానికి చెందిన 38 ఏళ్ల వ్యక్తి యునైటెడ్ అరబ్ ఎమిరేట్స్ (UAE) నుంచి తిరిగి వచ్చిన తర్వాత ఎంపాక్స్ లక్షణాలు కనిపించాయని ఆరోగ్య మంత్రి వీణా జార్జ్ తెలిపారు. ఆ వ్యక్తి ఇంట్లోనే ఐసొలేషన్లో ఉన్నట్లు చెప్పారు. ఆ తర్వాత ప్రభుత్వ మంజేరి మెడికల్ కాలేజీ ఆసుపత్రిలో అడ్మిట్ అయ్యాడని అన్నారు. అతడికి వైద్య పరీక్షలు నిర్వహించగా ఎంపాక్స్ పాజిటివ్గా నిర్ధారణ అయ్యిందని వెల్లడించారు. ఈ లక్షణాలు గమనించిన వారు ఆరోగ్య శాఖకు తెలియజేయడంతోపాటు వెంటనే చికిత్స పొందాలని ప్రజలను కోరారు.
కాగా, తొమ్మిది రోజుల కిందట దేశంలో మంకీ పాక్స్ తొలి కేసు నమోదైంది. పశ్చిమ ఆఫ్రికా నుంచి తిరిగి వచ్చిన ఢిల్లీ యువకుడికి ఈ వైరస్ సోకింది. దీంతో అతడ్ని ప్రత్యేక ఐసొలేషన్లో ఉంచి చికిత్స అందిస్తున్నారు. మరోవైపు ప్రజలు ఎలాంటి భయాందోళన చెందాల్సిన అవసరం లేదని కేంద్ర ప్రభుత్వం తెలిపింది. ఈ వైరస్ విస్తృతంగా వ్యాపించే సూచనలు లేవని పేర్కొంది. మంకీ పాక్స్ వైరస్ ‘క్లాడ్ 2’ ఉనికిని దేశంలో గుర్తించినట్లు కేంద్ర ఆరోగ్య మంత్రిత్వ శాఖ తెలిపింది. 2022 జూలైలో దేశంలో నమోదైన 30 కేసులు మాదిరిగానే ప్రస్తుతం ఈ వైరస్ ఉనికి ఉందని పేర్కొంది.
(The above story first appeared on LatestLY on Sep 18, 2024 08:31 PM IST. For more news and updates on politics, world, sports, entertainment and lifestyle, log on to our website latestly.com).
