Blast Near Golden Temple: పంజాబ్‌లో వరుస పేలుళ్లు, గోల్డెన్ టెంపుల్ దగ్గర వరుసగా మూడో బ్లాస్ట్, తెల్లవారుజామున పేలుడుతో తప్పిన ప్రాణాపాయం, ఐదుగురు అరెస్ట్

Amritsar, May 11: పంజాబ్ అమృత్‌సర్ గోల్డెన్ టెంపుల్ (Golden Temple) సమీపంలో మరో పేలుడు (Blast) సంభవించింది. లంగర్ హాల్ ఎదురుగా ఉన్న శ్రీగురు రామ్ దాస్ జీ సరాయ్ దగ్గర బుధవారం అర్థరాత్రి ఈ పేలుడు సంభవించింది. గోల్డెన్ టెంపుల్ సమీపంలో గత ఐదురోజుల్లో పేలుడు ఘటనలు చోటు చేసుకోవటం ఇది మూడోసారి. తాజాగా పేలుడు తరువాత ఐదుగురిని అదుపులోకి తీసుకున్నట్లు స్థానిక పోలీసులు తెలిపారు. పేలుడు ఘటనలో ఎవరికి ఎటువంటి గాయాలు కాలేదని తెలిసింది. బుధవారం అర్థరాత్రి దాటిన తరువాత 1గంట సమయంలో ఈ పేలుడు చోటు చేసుకున్న పేలుడు ఘటన ప్రదేశానికి ఫోరెన్సిక్ బృందం చేరుకొని నమూనాలను సేకరించింది. అయితే, ఇప్పటి వరకు పేలుడుకు ఖచ్చితమైన కారణం ఇంకా తెలియరాలేదు.

Amritsar low intensity explosion cases solved

5 persons arrested

Press Conference will be held in #Amritsar @PunjabPoliceInd committed to maintaining peace and harmony in Punjab as per directions of CM @BhagwantMann

— DGP Punjab Police (@DGPPunjabPolice) May 11, 2023

పేలుడు ధాటికి ఆ ప్రాంతంలో ప్రజలు భయాందోళనకు గురయ్యారు. గత ఐదు రోజుల్లో ఇది మూడో పేలుడు కావడంతో (Golden Temple) ఎప్పుడు ఏ ప్రమాదం ముంచుకొస్తుందోనని స్థానికులు ఆందోళన వ్యక్తం చేస్తున్నారు. అర్థరాత్రి సమయంలో సంభవించిన పేలుడు ప్రదేశం మొదటిసారి పేలుడు ప్రాంతానికి రెండు కిలో మీటర్ల దూరంలో ఉంది. ఈ పేలుడు ఘటనపై పంజాబ్ పోలీసులు గురువారం ఉదయం 11గంటల ప్రాంతంలో వివరాలు వెల్లడించే అవకాశాలు ఉన్నాయి.

#WATCH | Amritsar: Visuals from outside the building of Shri Guru Ramdas Ji Niwas from where suspects were rounded up in the aftermath of a loud sound, that was heard near the Golden Temple, which, as per the police, could be another explosion.#Punjab pic.twitter.com/CXzms3FdYw

— ANI (@ANI) May 10, 2023

గోల్డెన్ టెంపులు పరిసర ప్రాంతాల్లో ఇప్పటికే రెండు పేలుడు ఘటనలు చోటు చేసుకున్నాయి. గత శనివారం గోల్డెన్ టెంపుల్ పార్కింగ్ స్థలంలో నిర్మించిన రెస్టారెంట్ లో పేలుడు సంభవించింది. ఈ పేలుడు ధాటికి ఇళ్ల అద్దాలు కూడా పగిలిపోయాయి. రెస్టారెంట్ చిమ్నీ పేలడం వల్లే ఈ పేలుడు సంభవించిందని పోలీసు బృందం పేర్కొంది. అదేవిధంగా సోమవారం హెరిటేజ్ పార్కింగ్ స్థలంలో పేలుడు సంభవించింది. స్థానిక ఎఫ్ఎస్ఎల్ బృందం సంఘటనా స్థలానికి చేరుకొని నమూనాలను సేకరించింది.

(The above story first appeared on LatestLY on May 11, 2023 08:54 AM IST. For more news and updates on politics, world, sports, entertainment and lifestyle, log on to our website latestly.com).