Gama Pehlwan Birthday: నేడు రుస్తమ్-ఎ-హింద్ గామా పహిల్వాన్ 144వ జయంతి, డూడుల్ ద్వారా శ్రద్ధాంజలి తెలిపిన గూగుల్, బ్రూస్లీ సైతం ఇష్టపడే గామా పహిల్వాన్  చరిత్ర ఇదే..
Gama Pehlwan Image Source : GOOGLE

Gama Pehlwan Birthday: ప్రపంచంలోనే అత్యంత ఫేమస్ రెజ్లర్లలో ఒకరైన గామా పెహల్వాన్ 144వ జయంతి నేడు. ఈ సందర్భంగా గూగుల్ తన హోమ్ పేజ్ డూడుల్‌ను ఆయన కోసం అంకితం చేసింది. ఈ డూడుల్‌ను కళాకారిణి బృందా జవేరి రూపొందించారు. డూడుల్ గమా పెహల్వాన్‌ను గదతో సహా చూపించారు. గామా పెహల్వాన్ అసలు పేరు గులాం మొహమ్మద్ బక్ష్ భట్. ఆయన్ని రుస్తమ్-ఎ-హింద్ అని కూడా పిలుస్తారు.

గ్రేట్ గామా మే 22, 1878న బ్రిటిష్ ఇండియాలోని పంజాబ్ ప్రావిన్స్‌లోని అమృత్‌సర్ జిల్లాలోని జబ్బన్వాల్ గ్రామంలో జన్మించాడు. ఉత్తర భారతదేశంలో సాంప్రదాయ కుస్తీ 1900ల ప్రారంభంలో అభివృద్ధి చెందడం ప్రారంభమైంది. ఆ తరం ప్రజలు కుస్తీ గ్రాండ్ టోర్నమెంట్‌లను చూసేందుకు ఎగబడి వచ్చేవారు. అందులో గెలిస్తే వారికి దేశ వ్యాప్తంగా గుర్తింపు వచ్చేది. గామా కూడా ఈ పోటీల్లో భాగం కావడం ప్రారంభించాడు. ఈ టోర్నమెంట్‌లలో గెలుపొందడం ద్వారా ప్రసిద్ధి చెందడం ప్రారంభించాడు.

అతను 1910లో ప్రపంచ హెవీవెయిట్ ఛాంపియన్‌షిప్ భారతీయ వెర్షన్ మరియు 1927లో ప్రపంచ రెజ్లింగ్ ఛాంపియన్‌షిప్‌తో సహా తన కెరీర్‌లో అనేక టైటిళ్లను గెలుచుకున్నాడు.

Telangana Police Recruitment: నిరుద్యోగులకు తెలంగాణ సర్కార్‌ గుడ్ న్యూస్, పోలీసుశాఖ నియామకాల్లో అభ్యర్థుల వయోపరిమితి మరో రెండేళ్లు పొడిగింపు 

ప్రపంచ రెజ్లింగ్ ఛాంపియన్‌షిప్ తర్వాత, అతనికి టైగర్ బిరుదు కూడా లభించింది. వేల్స్ యువరాజు భారతదేశ పర్యటన సందర్భంగా గొప్ప మల్లయోధుడిని సత్కరించేందుకు వెండి గదను బహుకరించారు. గామా వారసత్వం నేటి మల్లయోధులకు స్ఫూర్తినిస్తూనే ఉంది. బ్రూస్ లీ కూడా గామా పెహెల్వాన్‌కి పెద్ద అభిమాని.

1947 విభజన సమయంలో గామా ఎంతో మంది హిందువుల ప్రాణాలను కాపాడాడు. విభజన తర్వాత, అతను తన శేష జీవితాన్ని పాకిస్తాన్‌లోని లాహోర్‌లో గడిపాడు. ఈ నగరంలోనే ఆయన తుది శ్వాస విడిచారు.