ITR Filing: ఐటీ రిటర్న్స్ ఫైలింగ్ గడువు పొడిగించే ప్రసక్తే లేదు! చివరి రోజు గంటలకు ఐదులక్షల ఫైలింగ్స్, ఇంకా కొద్ది గంటలే ఉండటంతో భారీగా ఫైలింగ్స్ జరుగుతున్నాయని ఐటీవిభాగం ప్రకటన. ఇప్పటివరకు 5.10 కోట్లు దాటిన ఐటీఆర్లు
గత ఆర్థిక సంవత్సరా (2021-22)నికి ఐటీ రిటర్న్స్ దాఖలు చేయడానికి గడువు పొడిగించబోమని కేంద్రం తేల్చి చెప్పింది. ఒకవేళ ఆదివారం అర్ధరాత్రిలోపు ఐటీఆర్ ఫైలింగ్ (ITR Filing) పూర్తి చేయకపోతే సోమవారం నుంచి రూ.5000 ఫైన్ చెల్లించాల్సి ఉంటుంది. డిసెంబర్ 31 వరకు ఫైన్తో ఐటీఆర్ సబ్మిట్ చేయొచ్చు.
New Delhi, July 31: గత ఆర్థిక సంవత్సరా (2021-22)నికి ఐటీ రిటర్న్స్ దాఖలు చేయడానికి గడువు పొడిగించబోమని కేంద్రం తేల్చి చెప్పింది. ఒకవేళ ఆదివారం అర్ధరాత్రిలోపు ఐటీఆర్ ఫైలింగ్ (ITR Filing) పూర్తి చేయకపోతే సోమవారం నుంచి రూ.5000 ఫైన్ చెల్లించాల్సి ఉంటుంది. డిసెంబర్ 31 వరకు ఫైన్తో ఐటీఆర్ సబ్మిట్ చేయొచ్చు. వేతన జీవులు, హిందూ అవిభాజ్య కుటుంబాలు (హెచ్యూఎఫ్) ఐటీఆర్లు (ITR Filing) దాఖలు చేయడానికి జూలై 31 తుది గడువు. ఇదిలా ఉంటే, శనివారం నాటికి 5.10 కోట్లకు పైగా ఐటీఆర్లు (ITR) దాఖలయ్యాయి. శనివారం ఒక్కరోజే 57.71 లక్షల మందికి పైగా ఐటీఆర్లు సబ్మిట్ చేశారని ఐటీ విభాగం ట్వీట్ చేసింది. ఆదివారం గడువు ముగిసేలోపు మొత్తం ఐటీఆర్లు దాఖలు చేసిన వారి సంఖ్య మరింత పెరుగుతుందని కేంద్ర అధికార వర్గాలు తెలిపాయి.
Statistics of Income Tax Returns filed today.
53,98,348 #ITRs have been filed upto 2000 hours today & 4,95,505 #ITRs filed in the last 1hr.
For any assistance, pl connect on orm@cpc.incometax.gov.in or on our help desk nos 1800 103 0025 & 1800 419 0025.
We will be glad to assist!
— Income Tax India (@IncomeTaxIndia) July 31, 2022
ఎట్టి పరిస్థితుల్లో ఐటీఆర్ సబ్మిట్ చేయడానికి గడువు పొడిగించడానికి కేంద్రం నిరాకరించింది. చివరిరోజు కావడంతో భారీగా ఐటీఆర్లు ఫైలింగ్ జరుగుతున్నాయి. గంటకు దాదాపు ఐదులక్షల ఐటీఆర్లు ఫైలింగ్ జరుగుతున్నట్లు ట్వీట్ చేసింది ఐటీ విభాగం.
మీరు ఐటీఆర్ ఇప్పటికే దాఖలు చేసి ఉంటే మంచిది. ఒకవేళ దాఖలు చేయకుంటే వెంటనే పని పూర్తి చేయండంటూ ట్విట్టర్ వేదికగా ఇన్కం టాక్స్ విభాగం (income tax) తెలిపింది. కానీ, కొందరు పన్ను చెల్లింపుదారులు, వృత్తి నిపుణులు మాత్రం చివరిక్షణంలో కేంద్రం గడువు పొడిగిస్తుందని ఆశాభావంతో ఉన్నారు. పన్ను చెల్లింపుదారులు eportal.incometax.gov.in అనే ఈ-ఫైలింగ్ పోర్టల్కు వెళ్లి ఉచితంగా ఐటీఆర్ దాఖలు చేయొచ్చు.
(The above story first appeared on LatestLY on Jul 31, 2022 09:21 PM IST. For more news and updates on politics, world, sports, entertainment and lifestyle, log on to our website latestly.com).
