QuickLY
Socially
New Delhi January 30: భారత్‌లో కరోనా తీవ్రత(Corona Cases) క్రమంగా తగ్గుతోంది. గడిచిన 24 గంటల్లో కొత్తగా 2,34,281 కరోనా కేసులు నమోదు కాగా, 893 మంది మృతి చెందారు. కరోనా థర్డ్ వేవ్‌ (Third wave)లో ఇవే అత్యధిక మరణాలు. అయితే కరోనా కొత్త కేసుల కంటే కోలుకున్న(Recovery) వారి సంఖ్య పెరిగింది. ఇది కొంత ఊరటనిస్తోంది. గడిచిన 24 గంటల్లో 3,52,784 మంది కరోనా మహమ్మారి నుంచి కోలుకున్నారు. దీంతో దేశంలో ప్రస్తుతం 18,84,937 యాక్టీవ్ కేసులున్నాయి (CORONA ACTIVE CASES). ఇక డైలీ పాజిటివిటీ రేటు 14.50 శాతంగా ఉంది.
India reports 2,34,281 new #COVID19 cases, 893 deaths and 3,52,784 recoveries in the last 24 hours
Active case: 18,84,937(4.59%)
Daily positivity rate: 14.50%
Total Vaccination : 1,65,70,60,692 pic.twitter.com/wVB1BpLeOW
— ANI (@ANI) January 30, 2022
కరోనా వ్యాక్సినేషన్ (Vaccination) ప్రక్రియ వేగంగా కొనసాగుతోంది. ఇప్పటి వరకు దేశవ్యాప్తంగా 1,65,70,60,692 కరోనా వ్యాక్సినేషన్ డోసులను పంపిణీ చేశారు. అంతేకాదు దేశజనాభాలో అర్హులైన 75శాతం మందికి రెండు డోసులను ఇచ్చినట్లు కేంద్ర ఆరోగ్యశాఖ మంత్రి మన్సుక్ మాండవియా ట్వీట్ చేశారు.
More than 75% of the eligible population in the country is fully vaccinated: Union Health Minister Mansukh Mandaviya pic.twitter.com/9XuZLqReCd
— ANI (@ANI) January 30, 2022
ఇక శనివారం ఒక్క‌రోజే 53 ల‌క్ష‌ల మందికి పైగా కొవిడ్ వ్యాక్సిన్‌ను తీసుకున్న‌ట్లు కేంద్ర వైద్యారోగ్య మంత్రిత్వ శాఖ వెల్ల‌డించింది. 18 నుంచి 44 ఏండ్ల వ‌య‌సున్న వారిలో 53,96,51,188 మంది మొద‌టి డోసు తీసుకోగా, 40,19,58,479 మంది రెండు డోసులు తీసుకున్నారు.
మొత్తం దేశ వ్యాప్తంగా 93,87,16,725 మొద‌టి డోసు తీసుకోగా, 70,57,49,826 మంది రెండు డోసులు తీసుకున్నారు. 15 నుంచి 18 ఏండ్ల వ‌య‌సున్న వారిలో 4,55,48,237 మంది వ్యాక్సిన్ తీసుకున్నారు. 1,16,18,975 మంది బూస్ట‌ర్ డోసు తీసుకున్న‌ట్లు కేంద్ర వైద్యారోగ్య మంత్రిత్వ శాఖ వెల్ల‌డించింది.
