(Photo Credits: Twitter)

కర్ణాటక అసెంబ్లీ ఎన్నికల ప్రచారంలో ముఖ్యంగా చిక్కబళ్లాపూర్ అసెంబ్లీ నియోజకవర్గంలో ప్రధాని నరేంద్ర మోదీ, శాండల్ వుడ్ స్టార్ నటీనటులు, తెలుగు చిత్ర పరిశ్రమలోని అగ్రనటులు, నటీనటులను ఆహ్వానించి ప్రచారం నిర్వహించిన కర్ణాటక ఆరోగ్యశాఖ మంత్రి డా.కె.సుధాకర్ . ఘోర పరాజయాన్ని చవిచూశారు. ఈ నియోజకవర్గంలో కాంగ్రెస్ అభ్యర్థి ప్రదీప్ ఈశ్వర్ విజయం సాధించారు. ఆంధ్రప్రదేశ్ సరిహద్దులో ఉన్న చిక్కబళ్లాపూర్ నియోజకవర్గంలో ఈ ఎన్నికల సందర్భంగా పలు అంశాలు చర్చకు వచ్చాయి. డబ్బుతో పాటు కులం, అభివృద్ధి కూడా చర్చనీయాంశమైంది. మొదటి నుంచి కాంగ్రెస్ పార్టీకి కంచుకోటగా ఉన్న ఈ నియోజకవర్గంలో 2018 ఎన్నికల్లో డాక్టర్ కె.సుధాకర్ కాంగ్రెస్ టిక్కెట్ పై విజయం సాధించారు. ఆ తర్వాత ఆపరేషన్‌ కమల్‌ లో భాగంగా ఆయన బీజేపీలో చేరి ఉప ఎన్నికల్లో గెలిచి బీజేపీ ప్రభుత్వంలో ఆరోగ్యశాఖ మంత్రిగా బాధ్యతలు చేపట్టారు.

15 రౌండ్ల కౌంటింగ్ ముగిసేసరికి కాంగ్రెస్ అభ్యర్థి ప్రదీప్ ఈశ్వర్ 73165 ఓట్లు సాధించగా, బీజేపీ అభ్యర్థి డాక్టర్ కె సుధాకర్ 61847 ఓట్లు సాధించారు. 11318 ఓట్ల ఆధిక్యంలో ఉన్న ప్రదీప్ ఈశ్వర్ చివరి మూడు రౌండ్లలో ఎక్కువ సంపాదించే అవకాశం ఉంది. జేడీఎస్‌కు చెందిన కేపీ బచ్చెగౌడ 14240 ఓట్లు సాధించి మూడో స్థానంలో నిలిచారు.