Buffalo Settles Ownership Dispute: ఓనర్ల మధ్య నెలకొన్న పంచాయితీ తెంచిన గేదె.. యూపీలో ఘటన.. అసలేం జరిగింది?
కోర్టుల్లో న్యాయ విచారణ గురించి తెలిసిందే. రెండు వర్గాల మధ్య మొదలైన గొడవలకు ఊరి పంచాయితీ పెద్దలు సయోధ్యతో ముగింపునివ్వడమూ చూస్తాం. అయితే, ఇద్దరు ఓనర్ల మధ్య మొదలైన పంచాయితీని ఓ గేదె పరిష్కరించింది.
Newdelhi, July 6: కోర్టుల్లో (Court) న్యాయ విచారణ గురించి తెలిసిందే. రెండు వర్గాల మధ్య మొదలైన గొడవలకు ఊరి పంచాయితీ పెద్దలు సయోధ్యతో ముగింపునివ్వడమూ చూస్తాం. అయితే, ఇద్దరు ఓనర్ల మధ్య మొదలైన పంచాయితీని ఓ గేదె (Buffalo) పరిష్కరించింది. వివరాల్లోకెళితే.. యూపీలోని (UP) ప్రతాప్ గఢ్ జిల్లా అక్షరాంపూర్ గ్రామంలో నందలాల్ సరోజ్ కు చెందిన గేదె కొన్ని రోజుల క్రితం తప్పిపోయింది. అది పూరే హరికేశ్ గ్రామానికి చేరింది. ఆ ఊరికి చెందిన హనుమాన్ దాన్ని కట్టేశాడు. నందలాల్ ఎంత వెతికినా గేదె ఆచూకీ దొరకలేదు. చివరికి హనుమాన్ వద్ద ఉన్నదని తెలిసి, అక్కడికి వెళ్లి అడగ్గా.. ఆ గేదె తనదేనని వాదించాడు. దీంతో నందలాల్ పోలీస్ స్టేషన్ లో ఫిర్యాదు చేసి, పంచాయితీకి పిలిపించాడు.
గేదె తీర్పు ఇలా..
ఆ గేదె తనదేనని హనుమాన్, నందలాల్ గొడవపడ్డారు. ఏం చేయాలో పాలుపోకపోవటంతో స్టేషన్ ఆఫీసర్ ఓ నిర్ణయానికి వచ్చారు. ఆ గేదెను రెండు ఊళ్ల మధ్య విడిచిపెట్టి, ఆ గేదె ఏ యజమాని చెంతకు చేరితే వారే అసలైన యజమాని అని స్పష్టం చేశారు. దానికి ఇరు వర్గాలు సమ్మతించాయి. దీంతో ఆ గేదెను తీసుకొచ్చి రెండు ఊళ్ల మధ్య విడిచిపెట్టగా, అది నేరుగా నందలాల్ ఇంటికి చేరింది. దీంతో హనుమాన్ ను పోలీసులు, గ్రామస్థులు మందలించారు. అలా గేదె తన యజమానిని ఎన్నుకొన్నది.
(The above story first appeared on LatestLY on Jul 06, 2024 10:20 AM IST. For more news and updates on politics, world, sports, entertainment and lifestyle, log on to our website latestly.com).
