Vetri Duraisamy Dies: 9 రోజుల తర్వాత స‌ట్లెజ్‌ న‌దిలో దొరికిన తమిళ దర్శకుడు వెట్రి దురైస్వామి మృతదేహం, సంతాపం తెలిపిన తమిళనాడు మాజీ ముఖ్యమంత్రి పన్నీర్‌సెల్వం

9 రోజుల క్రితం ( ఫిబ్ర‌వ‌రి 4వ తేదీన) హిమాచ‌ల్ ప్ర‌దేశ్‌లోని కిన్నౌర్ జిల్లాలో రోడ్డు ప్రమాదానికి గురై కనిపించకుండా పోయిన చెన్నై న‌గ‌ర మాజీ మేయ‌ర్ స‌దాయి దురైస్వామి కుమారుడు, ఫిల్మ్ డైరెక్ట‌ర్ వెట్రి దురైస్వామి మృతదేహం ఎట్టకేలకు లభ్యమైంది. స‌ట్లెజ్‌ న‌దిలో ఆయ‌న శ‌వాన్ని గుర్తించారు. ప్రమాదానికి గురైన సమయంలో ద‌ర్శ‌కుడు వెట్రితో ప్ర‌యాణిస్తున్న గోపినాథ్ అనే మ‌రో వ్య‌క్తిని ర‌క్షించారు. ప్ర‌స్తుతం అత‌ను ట్రీట్మెంట్ తీసుకుంటున్నాడు. కారు డ్రైవ‌ర్ టెంజిన్ ఆ ప్ర‌మాదంలో మ‌ర‌ణించాడు. 45 ఏళ్ల వెట్రి కోసం మాత్రం తీవ్రంగా గాలించారు.

కొడుకు కోసం తండ్రి స‌దాయి దొరైస్వామి భారీ రివార్డు కోటి న‌జ‌రానా కూడా ప్ర‌క‌టించారు.న‌దిలో ప‌డిన దర్శకుడు వెట్రి కోసం చాలా బృందాలు గాలించాయి. ఇండో టిబెటిన్ బోర్డ‌ర్ పోలీసు, నేష‌న‌ల్ డిజాస్ట‌ర్ రెస్పాన్స్ ఫోర్స్, స్టేట్ డిజాస్ట‌ర్ రెస్పాన్స్ ఫండ్‌, జిల్లా పోలీసులు అన్వేషించారు. తాజాగా మ‌హిన్ నాగ్ అసోసియేష‌న్‌కు చెందిన గజ ఈత‌గాళ్ల బృందం వెట్రి మృత‌దేహాన్ని గుర్తించారు. షిమ్లాలోని ఇందిరా గాంధీ మెడిక‌ల్ కాలేజీకి అత‌ని డెడ్‌బాడీని పోస్టుమార్ట‌మ్ కోసం తీసుకెళ్లారు. కాగా ఇంద్రావ‌తు ఒరునాల్ అనే త‌మిళ చిత్రాన్ని వెట్రి డైరెక్ట్ చేశాడు.

వెట్రి దురైసామి మృతికి అన్నాడీఎంకే ప్రధాన కార్యదర్శి ఎడప్పాడి కె పళనిస్వామి, మాజీ ముఖ్యమంత్రి ఓ పన్నీర్‌సెల్వం సోమవారం సంతాపం తెలిపారు. విచారం వ్యక్తం చేసిన పళనిస్వామి, దురైసామి తన ఏకైక కుమారుడు వెట్రిని కోల్పోయారని, ఇది కోలుకోలేని లోటని అన్నారు. ఆయనకు, వారి కుటుంబ సభ్యులకు నా ప్రగాఢ సానుభూతిని తెలియజేస్తున్నానని తెలిపారు.

Here's Tweet

அனைத்திந்திய அண்ணா திராவிட முன்னேற்றக் கழகத்தின் முன்னோடியும், சென்னை மாநகராட்சி முன்னாள் மேயருமான அன்புச் சகோதரர் திரு. சைதை ளு. துரைசாமி அவர்களின் மகன் திரு. வெற்றி துரைசாமி அவர்கள் இமாச்சல பிரதேச மாநிலத்தில் நிகழ்ந்த விபத்தில் ஆற்றில் மூழ்கி உயிரிழந்தார் என்ற செய்தியறிந்து…

— O Panneerselvam (@OfficeOfOPS) February 12, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Feb 13, 2024 12:09 PM IST. For more news and updates on politics, world, sports, entertainment and lifestyle, log on to our website latestly.com).