Ambedkar Jayanti : తెలంగాణ రాష్ట్రం ఏర్పడిన 10 ఏళ్ల తరువాత తొలిసారి ట్యాంక్ బండ్ పై అంబేద్కర్ కు సీఎం హోదా లో రేవంత్ రెడ్డి చేతులు మీదుగా ఘన నివాళి..

ఏప్రిల్ 14వ తేదీ ఆదివారం అంబేద్కర్ 133వ నివాళులర్పించి జయంతి సందర్భంగా ట్యాంక్‌బండ్ దగ్గర ఉన్న ఆయన విగ్రహానికి పూలమాల వేసి  సీఎం రేవంత్ రెడ్డి నివాళులు అర్పించారు. ట్యాంక్‌బండ్ వద్ద అంబేడ్కర్‌ జయంతి కార్యక్రమంలో పాల్గొనేందుకు సీఎం రేవంత్‌ రెడ్డితో పాటు, ప్రభుత్వ సలహాదారు వేం నరేందర్ రెడ్డి సైతం ఉన్నారు. ఈ సందర్భంగా సీఎం రేవంత్‌ రెడ్డి మాట్లాడుతూ.. అంబేద్కర్‌ తన అసమాన ప్రతిభతో జాతి నిర్మాణంలో కీలక పాతర పోషించారని తెలిపారు.

ముఖ్యమంత్రి  వెంట ఖైరతాబాద్ ఎమ్మెల్యే దానం నాగేందర్, రాజ్యసభ సభ్యుడు అనిల్ కుమార్ యాదవ్, రోహిన్ రెడ్డి, విజయారెడ్డి వంటి పార్టీ నేతలు ఉన్నారు. ఆసక్తికరంగా, సచివాలయం సమీపంలో గత ప్రభుత్వం ఏర్పాటు చేసుకున్న  125 అడుగుల అంబేద్కర్ విగ్రహానికి బదులుగా ట్యాంక్ బండ్ రోడ్డులోని అంబేద్కర్ విగ్రహానికి పూల మాల వేసేందుకు సీఎం రేవంత్ రెడ్డి మొగ్గు చూపారు. దీని వెనుక కారణానికి వస్తే గత పదేళ్లలో అప్పటి సీఎం కేసీఆర్ ఎన్ని విమర్శలు వచ్చినా ట్యాంకు బండు చౌరస్తాలోని అంబేద్కర్ విగ్రహానికి పూలమాల వేసి నివాళి అర్పించలేదు. ఇదే విషయాన్ని ప్రతిపక్ష పార్టీలు సైతం పలు మార్లు గుర్తు చేసి విమర్శించాయి. అయినా కేసీఆర్ ఖాతరు చేయలేదు. అయితే నూతన ముఖ్య మంత్రి రేవంత్ రెడ్డి మాత్రం అందుకు భిన్నంగా గత సాంప్రదాయానికి అనుగుణంగా ట్యాంకు బండు పై ఉన్న అంబేద్కర్ విగ్రహానికే నివాళి అర్పించారు.  ఇదిలా ఉంటే గతేడాది 125 అడుగుల విగ్రహాన్ని మాజీ ముఖ్యమంత్రి కె. చంద్రశేఖర్ రావు తన హయాంలో ఆవిష్కరించారు.

అందరివాడు అంబేద్కరుడు…

భారతావనిన ఉదయించిన భాస్కరుడు. #Ambedkar #AmbedkarJayanti pic.twitter.com/DyOXj8r5f9

— Revanth Reddy (@revanth_anumula) April 14, 2024

అంతకుముందు బడుగు, బలహీన వర్గాలు, మహిళల సాధికారతకు కృషి చేసిన గొప్ప వ్యక్తి డాక్టర్ అంబేద్కర్ అని సీఎం రేవంత్ రెడ్డి కొనియాడారు. డాక్టర్ అంబేద్కర్ దేశ భవిష్యత్తును ఊహించి, రాజ్యాంగాన్ని రూపొందించి, భావి తరాలకు స్ఫూర్తిదాయకంగా నిలిచారన్నారు. దేశాభివృద్ధికి బలమైన పునాది వేసి డాక్టర్ అంబేద్కర్ చేసిన సేవలను ముఖ్యమంత్రి గుర్తు చేసుకున్నారు. అంబేద్కర్ ప్రజల హక్కుల కోసం పోరాడి ప్రపంచానికి ఆశాజ్యోతిగా నిలిచారు.

డాక్టర్ అంబేద్కర్ రూపొందించిన రాజ్యాంగమే తెలంగాణ రాష్ట్రాన్ని కూడా సృష్టించిందని శ్రీరెడ్డి గుర్తు చేశారు. డా.అంబేద్కర్‌ను స్ఫూర్తిగా తీసుకుని రాష్ట్ర ప్రభుత్వం ఎస్సీ, ఎస్టీ, వెనుకబడిన వర్గాల అభివృద్ధికి పథకాలు అమలు చేస్తూ దళితుల అభ్యున్నతిలో దేశానికే ఆదర్శంగా నిలిచేందుకు కృషి చేస్తోంది.

(The above story first appeared on LatestLY on Apr 14, 2024 05:05 PM IST. For more news and updates on politics, world, sports, entertainment and lifestyle, log on to our website latestly.com).