QuickLY
Socially
కేరళలోని ఓ ఆటో డ్రైవర్ కు ఆదివారం రూ.25 కోట్ల విలువైన ఓనం బంపర్ లాటరీ వచ్చింది. ఈ వ్యక్తి ఆటో రిక్షా డ్రైవర్ గా పనిచేస్తూనే, ప్రస్తుతం తాను గెలిచిన డబ్బుతో చెఫ్‌గా పని చేయడానికి మలేషియాకు వెళ్లడానికి సిద్ధమవుతున్నాడు. కేరళలోని శ్రీవరాహానికి చెందిన అనూప్ అనే వ్యక్తి లాటరీ తగిలింది. అయితే లాటరీని కేవలం ఒకరోజు ముందు అంటే శనివారం లాటరీ టికెట్ (టి-750605) కొనుగోలు చేశాడు.
తమాషా ఏంటంటే.. రూ.3 లక్షల రుణం కోసం ఆయన చేసిన దరఖాస్తుకు ఒకరోజు ముందే ఆమోదం లభించింది. తాను లాటరీ టిక్కెట్‌ను కొనుగోలు చేసిన ఏజెన్సీలో ఉన్న మీడియా ప్రతినిధులతో అనూప్ మాట్లాడుతూ 'టి-750605' తన మొదటి ఎంపిక కాదని చెప్పాడు.
తాను కొన్న మొదటి టికెట్ నచ్చక రెండో టికెట్ తీసుకుని గెలిచానని చెప్పారు. మలేషియా ప్రయాణం, రుణం గురించి, అనూప్ మాట్లాడుతూ, “ఈ రోజు బ్యాంకు రుణం కోసం పిలిచింది, అయితే నాకు ఇప్పుడు లోన్ అవసరం లేదని చెప్పినట్లు బ్యాంకు అధికారులకు చెప్పాడు.
గత 22 ఏళ్లుగా లాటరీ టిక్కెట్లు కొంటున్నానని, ఇప్పటి వరకు గరిష్టంగా కేవలం ఐదు వేల రూపాయల వరకు మాత్రమే గెలుచుకున్నానని తెలిపారు.
అనూప్ ఇలా అన్నాడు, "నేను గెలుస్తానని ఊహించలేదు కాబట్టి నేను టీవీలో లాటరీ ఫలితాలను చూడలేదు. కానీ నా ఫోన్ చూసేసరికి నేను గెలిచానని తెలిసింది. నేను నమ్మలేక నా భార్యకు చూపించాను. ఇది విన్నింగ్ నంబర్ అని ఆమె తెలిపింది.
అనూప్ మాట్లాడుతూ, “అప్పటికీ నాకు సందేహం ఉంది కాబట్టి నేను లాటరీ అమ్మిన ఓనర్ కు నా లాటరీ టికెట్ చిత్రాన్ని పంపాను. ఇది విన్నింగ్ నంబర్ అని అతను ధృవీకరించాడు. గెలిచిన డబ్బు నుండి పన్ను చెల్లించిన తర్వాత, అనూప్ దాదాపు రూ.15 కోట్లు పొందుతాడు.
