Rajasthan Shocker: పోలీస్ రూపంలో కామాంధుడు, యువతి న్యాయం కోసం వెళితే అత్యాచారం చేసిన పోలీస్ అధికారి, నిందితుడిని అరెస్ట్ చేసిన ఉన్నతాధికారులు
అత్తింట్లో వేధింపులపై ఫిర్యాదు చేసేందుకు వచ్చిన యువతి (25)ని మభ్యపెట్టి లైంగిక దాడికి ( raping tribal woman in Rajasthan) పాల్పడ్డాడు ఓ ఏఎస్ఐ. నిందితుడు జగదీష్ ప్రసాద్(59) బల్టా పోలీస్ స్టేషన్లో అసిస్టెంట్ సబ్ ఇన్స్పెక్టర్గా విధులు నిర్వహిస్తున్నాడు.
Jaipur, May 6: రాజస్థాన్లోని ఝలావర్ జిల్లాలో 25 ఏళ్ల గిరిజన మహిళపై అత్యాచారానికి పాల్పడ్డాడనే ఆరోపణలపై ఒక పోలీసు అధికారిని అరెస్టు చేసి విధుల నుంచి సస్పెండ్ (ASI arrested suspended) చేసినట్లు పోలీసులు గురువారం తెలిపారు.కాగా అత్తింట్లో వేధింపులపై ఫిర్యాదు చేసేందుకు వచ్చిన యువతి (25)ని మభ్యపెట్టి లైంగిక దాడికి ( raping tribal woman in Rajasthan) పాల్పడ్డాడు ఓ ఏఎస్ఐ. నిందితుడు జగదీష్ ప్రసాద్(59) బల్టా పోలీస్ స్టేషన్లో అసిస్టెంట్ సబ్ ఇన్స్పెక్టర్గా విధులు నిర్వహిస్తున్నాడు.
జనవరిలో అత్తింటి వారు వేధిస్తున్నారని ఫిర్యాదు చేసిన మహిళ కేసును ప్రసాద్ దర్యాప్తు అధికారిగా పర్యవేక్షిస్తున్నారు. దర్యాప్తు పేరుతో యువతికి తరచూ ఫోన్లు చేస్తూ వేధింపులకు గురిచేస్తున్నాడు. సోమవారం రాత్రి గ్రామంలో ఓ పెండ్లికి యువతి రావడంతో అక్కడకు చేరుకున్న నిందితుడు ఆమెను బయటకు పిలిచి తన బైక్పై అటవీ ప్రాంతానికి తీసుకువెళ్లి లైంగిక దాడికి పాల్పడ్డాడు.అనంతరం ఆమెను పెండ్లి వేదిక వద్ద విడిచిపెట్టి పరారయ్యాడు. యువతి జరిగిన విషయం తన భర్తకు తెలపడంతో మంగళవారం సాయంత్రం వారు ప్రసాద్పై పోలీసులకు ఫిర్యాదు చేశారు. కేసు నమోదు చేసి నిందితుడు ప్రసాద్ను అదుపులోకి తీసుకున్నామని సర్కిల్ అధికారి గిరిధర్ సింగ్ తెలిపారు.
భారతీయ శిక్షాస్మృతిలోని సెక్షన్ 376 (2) (a) (i) (నిర్దేశించిన పోలీస్ స్టేషన్ పరిధిలోని పోలీసు అధికారిచే అత్యాచారం) మరియు షెడ్యూల్డ్ కులం మరియు షెడ్యూల్డ్ తెగ (అత్యాచారాల నిరోధక) చట్టం, 1989 కింద అధికారిపై కేసు నమోదు చేయబడిందని సర్కిల్ ఆఫీసర్ (CO) గిర్ధర్ సింగ్ చెప్పారు. ఫిర్యాదు అందిన 24 గంటల్లోనే ప్రసాద్ను అరెస్టు చేసినట్లు తెలిపారు. వైద్య పరీక్షల అనంతరం బాధితురాలి వాంగ్మూలాన్ని బుధవారం మేజిస్ట్రేట్ ముందు నమోదు చేసినట్లు సింగ్ తెలిపారు. ప్రసాద్ను గురువారం కోర్టులో హాజరుపరచనున్నారు. పోలీసులు అతనిని విచారణ కోసం రిమాండ్ కోరడం లేదని మరియు అతని ప్రాథమిక విచారణ ఇప్పటికే నిర్వహించబడిందని ఆయన తెలిపారు.
(The above story first appeared on LatestLY on May 06, 2022 03:04 PM IST. For more news and updates on politics, world, sports, entertainment and lifestyle, log on to our website latestly.com).
