Atul Subhash Suicide Case: విడాకుల భరణం నిర్ణయించేందుకు 8 మార్గదర్శకాలను వెల్లడించిన సుప్రీంకోర్టు, దేశ వ్యాప్తంగా కదలికలు రేపుతున్న అతుల్ సుభాష్ ఆత్మహత్య కేసు

New Delhi, Dec 12: వరకట్న చట్టాల దుర్వినియోగంపై చర్చకు దారితీసిన బెంగుళూరు టెకీ అతుల్ సుభాష్ ఆత్మహత్య నుండి ఉత్పన్నమైన వార్తల మధ్య సుప్రీంకోర్టు ప్రత్యేక విడాకుల కేసుపై దృష్టి సారించింది. విడాకుల కేసుకు సంబంధించి సుప్రీంకోర్టు, భరణం మొత్తాన్ని నిర్ణయించడానికి ఎనిమిది పాయింట్ల సూత్రాన్ని జాబితా చేసింది. ప్రవీణ్ కుమార్ జైన్, అంజు జైన్ విడాకుల కేసును విచారిస్తున్నప్పుడు, జస్టిస్ విక్రమ్ నాథ్, జస్టిస్ ప్రసన్న ధర్మాసనం దేశవ్యాప్తంగా విడాకుల కేసులో పరిగణించవలసిన అనేక షరతులు, అంశాలను నిర్దేశించింది. ప్రవీణ్ కుమార్ జైన్ ఫార్ములా ప్రకారం అతని భార్యకు రూ.5 కోట్ల భరణం చెల్లించాలని ఆదేశించింది.

వైవాహిక అత్యాచారాన్ని నేరంగా పరిగణించలేం, సుప్రీంకోర్టుకు తెలిపిన కేంద్ర ప్రభుత్వం, సమాజంపై ప్రత్యక్ష ప్రభావం చూపుతుందని వెల్లడి

తన భార్య పెట్టిన వేధింపులు తట్టుకోలేక బెంగుళూరులో అతుల్ సుభాష్ అనే టెకి ఆత్మహత్య చేసుకోవడం దేశ వ్యాప్తంగా కలకలం రేపిన సంగతి విదితమే. తన భార్య నికిత తనను, తన కుటుంబాన్ని వేధించడమే పనిగా పెట్టుకుందని, వాళ్లు పేర్కొన్న చట్టాలను దుర్వినియోగం చేస్తున్నారనే వాదనల మధ్య ఎనిమిది పాయింట్ల ఫార్ములాను సుప్రీంకోర్టు జాబితా చేసింది. డిసెంబర్ 9న తన ప్రాణాలను బలిగొన్న సుభాష్ తన భార్య మరియు అత్తమామలపై వేధింపుల ఆరోపణలతో 1.5 గంటల వీడియో మరియు 24 గంటల నోట్‌ను వదిలివేశాడు.

భరణం నిర్ణయించేటప్పుడు పరిగణించబడే ఎనిమిది అంశాలు క్రింది విధంగా ఉన్నాయి:

సుప్రీంకోర్టు జారీ చేసిన 8 మార్గదర్శకాలు ఇవే..

* భార్యాభర్తల యొక్క సామాజిక ఆర్ధిక స్థితిగతులు తెలుసుకోవడం.

* ఫ్యూచర్‌లో భార్య, పిల్లల ప్రాథమిక అవసరాలు

* ఇరువురి ఉద్యోగ- విద్యార్హతలు, ఆదాయం-ఆస్తులు తెలుసుకోవాలి.

* ఆదాయం మరియు ఆస్తి సాధనాలు వివరాలు తీసుకోవాలి.

* అత్తింట్లో ఉన్నప్పుడు భార్య జీవన ప్రమాణం ఏంటో తెలుసుకోవాలి.

* కుటుంబం కోసం ఆమె ఉద్యోగాన్ని వదిలేసిందా? అనే విషయాన్ని తెలుసుకోవాలి.

* ఉద్యోగం చేయని భార్యకు న్యాయ పోరాటానికి తగిన మొత్తం అందించాలి.

* భర్త ఆర్దిక పరిస్థితి అతడి ఆదాయాలు, భరణం సహా ఇతర బాధ్యతలు తీసుకోవాలి.

ప్రవీణ్‌కుమార్‌, అంజు జైన్‌ కుమారుల నిర్వహణ, ఆర్థిక భద్రత కోసం రూ.1 కోటి కేటాయించాల్సిన అవసరాన్ని ధర్మాసనం నొక్కి చెప్పింది.

(The above story first appeared on LatestLY on Dec 12, 2024 06:33 PM IST. For more news and updates on politics, world, sports, entertainment and lifestyle, log on to our website latestly.com).