Karnataka Horror: ఆగని పరువు హత్యలు, వేరే కులం వాడిని ప్రేమించిందని కూతురుని చంపేసిన తండ్రి, ప్రేయసి మరణం తట్టుకోలేక రైలు కిందపడి ప్రియుడు ఆత్మహత్య
Man Strangles Daughter Over Affair, Lover Dies By Suicide( Screen Garb)

Bengaluru, June 28: కర్నాటకలో తండ్రి చేసిన పరువు హత్య అతని 20 ఏళ్ల కుమార్తె మరణానికి మాత్రమే కాకుండా, ఎదురుగా వస్తున్న రైలు ముందు దూకి ఆత్మహత్యకు పాల్పడిన ప్రేమికుడి మరణానికి దారితీసింది. కోలార్ గోల్డ్ ఫీల్డ్స్ (కెజిఎఫ్)లోని బంగారుపేటకు చెందిన కృష్ణమూర్తి తన కుమార్తె కీర్తికి వేరే కులానికి చెందిన 24 ఏళ్ల గంగాధర్‌ని ప్రేమించడంతో ఆమెతో తరచూ గొడవలు జరిగేవి.

గత ఉదయం, కృష్ణమూర్తి, గంగాధర్ తో ఉన్న సంబంధాన్ని విడనాడాలని కీర్తిని మరోసారి ఒప్పించేందుకు ప్రయత్నించాడు, ఇది తండ్రి మరియు కుమార్తె మధ్య గొడవకు దారితీసిందని పోలీసు అధికారి తెలిపారు. గొడవ తీవ్రస్థాయికి చేరడంతో కృష్ణమూర్తి కీర్తిని గొంతుకోసి చంపేశాడు. ఆపై హత్యను ఆత్మహత్యగా మార్చేందుకు ఆమె మృతదేహాన్ని ఫ్యాన్‌కు ఉరివేసుకున్నాడు.అనుమానించిన స్థానికులు పోలీసులకు సమాచారం ఇచ్చారు. దీంతో హత్య కేసు నమోదు చేసి కృష్ణమూర్తిని అరెస్ట్‌ చేశారు.

ఛీ ఇదేమి పాడుబుద్ధి, పార్కులో వీధికుక్కపై అత్యాచారానికి పాల్పడిన కామాంధుడు, తీవ్ర ఆగ్రహం వ్యక్తం చేసిన జంతు ప్రేమికులు

మరోవైపు ప్రియురాలు కీర్తి హత్య విషయం ప్రియుడు గంగాధర్‌కు తెలిసింది. దీంతో అతడు తీవ్ర మనస్తాపం చెందాడు. వెంటనే రైలు పట్టాల వద్దకు వెళ్లాడు. వేగంగా వస్తున్న రైలు ముందు దూకడంతో అక్కడికక్కడే చనిపోయాడు. ఈ సమాచారం తెలిసిన పోలీసులు గంగాధర్‌ ఆత్మహత్యపై కేసు నమోదు చేశారు. ఈ రెండు సంఘటనలపై దర్యాప్తు చేస్తున్నారు.