Law Commission On Sexual Relationship Age: లైంగిక సంబంధాలకు సమ్మతి వయస్సును మార్చడం సరికాదు, కేంద్రానికి లా కమిషన్ కీలక సూచన, పోక్సో చట్టం దృష్ట్యా వయస్సును తగ్గించడం సాధ్యం కాదన్న కమిషన్
Representational Image (Photo Credit: ANI/File)

New Delhi, SEP 29: ఏకాభిప్రాయంతో శారీరక సంబంధాల వయసును తగ్గించే అంశంపై కేంద్ర ప్రభుత్వానికి లా కమిషన్ (The Law Commission) సూచనలు చేసింది. లైంగిక సంబంధాలకు (Sexual Relationship) సమ్మతి వయస్సును మార్చకూడదని కమిషన్ (The Law Commission) సూచించింది. ఇది బాల్య వివాహాలు, పిల్లల అక్రమ రవాణా మీద జరుగుతున్న పోరాటంపై ప్రతికూల ప్రభావం చూపుతుందని లా కమిషన్ అభిప్రాయపడింది. దేశంలో లైంగిక సంబంధాలకు సమ్మతి వయస్సు ప్రస్తుతం 18 సంవత్సరాలు ఉంది. 16 నుంచి 18 సంవత్సరాల వయస్సు గల వారి కేసులలో పరిస్థితిని మెరుగుపరచడానికి సవరణలు అవసరమని, పోక్సో (POCSO) చట్టం ప్రకారం శారీరక సంబంధాల కోసం సమ్మతి వయస్సుపై న్యాయ మంత్రిత్వ శాఖకు లా కమిషన్ సమర్పించిన నివేదికలో పేర్కొంది.

One Nation One Election: జమిలి ఎన్నికల నిర్వహణ ఇప్పట్లో సాధ్యం కాదు! కేంద్రానికి షాక్‌ ఇచ్చిన లా కమిషన్, రాజ్యాంగ సవరణలు చేయాల్సి ఉంటుందన్న నిపుణులు 

లా కమిషన్ ప్రకారం, లైంగిక సంపర్కానికి సమ్మతి వయస్సును తగ్గించడం బాల్య వివాహాలు, పిల్లల అక్రమ రవాణా మీద జరుగుతున్న పోరాటంపై ప్రత్యక్ష, ప్రతికూల ప్రభావం చూపుతుందని అభిప్రాయపడింది. ఇదొక్కటే కాకుండా 16 నుంచి 18 సంవత్సరాల వయస్సు గల బాలబాలికల పోక్సో కేసులలో శిక్షకు న్యాయపరమైన విచక్షణను వర్తింపజేయాలని కమిషన్ సూచించింది.

Govt Raises Interest Rate on R D: ఐదేళ్ల రికరింగ్ డిపాజిట్‌పై వడ్డీ రేటును 6.7 శాతానికి పెంచిన కేంద్రం, పాత రేటులోనే ఇతర చిన్న పొదుపు పథకాలు 

టీనేజ్ ప్రేమను నియంత్రించలేమని, నేరపూరిత ఉద్దేశం లేదని తేలిన సందర్భాల్లో జాగ్రత్తగా ఉండాలని కమిషన్ కోర్టులకు సూచించింది. పోక్సో చట్టం ప్రకారం శారీరక సంబంధాల కోసం ప్రస్తుతం ఉన్న సమ్మతి వయస్సును మార్చడం సరికాదని లా కమిషన్ పేర్కొంది. గత ఏడాది డిసెంబర్‌లో ప్రధాన న్యాయమూర్తి డివై చంద్రచూడ్ పోక్సో చట్టం కింద సమ్మతి వయస్సుకు సంబంధించి పెరుగుతున్న ఆందోళనలను పరిష్కరించాలని పార్లమెంటును కోరడం గమనార్హం.

అయితే ప్రధాన న్యాయమూర్తి స్పందిస్తూ.. “ఇద్దరు మైనర్‌ల మధ్య సమ్మతి లేకపోయినా, 18 సంవత్సరాల కంటే తక్కువ వయస్సు ఉన్న వ్యక్తుల లైంగిక కార్యకలాపాలన్నింటినీ పోక్సో చట్టం నేరంగా పరిగణిస్తుందని మీకు తెలుసు. న్యాయమూర్తిగా నా పదవీకాలం అలాంటి కేసులు చాలా కష్టంగా ఉన్నాయి. ఇది న్యాయమూర్తులకు పెద్ద సవాలుగా మారింది” అని అన్నారు.