Lonavala Waterfall Tragedy: వీడియో ఇదిగో, ఒక్కసారిగా పెరిగిన నీటి ప్రవాహంతో కొట్టుకుపోయిన ఏడుమంది, లోనావాలా జలపాతం వద్ద అసలు ఏం జరిగిందంటే..

Lonavala, July 1:  ముంబై సమీపంలోని లోనావాలా జలపాతం వద్ద ఆదివారం విషాదకర ఘటన చోటుచేసుకుంది. నీటి ఉద్ధృతి పెరగడంతో ఓ కుటుంబానికి చెందిన ఏడుగురు నీటి ప్రవాహానికి కొట్టుకుపోయారు. సాయం కోసం వాళ్లు చేస్తున్న ఆర్తనాదాలు వింటూ మిగతా టూరిస్టులు నిస్సహాయంగా చూస్తు ఉండిపోయారు. వారిలో ఇద్దరు మాత్రం బతికిబయటపడ్డారు.

మరో ముగ్గురు కుటుంబ సభ్యులతో పాటు గల్లంతైన ఇద్దరు చిన్నారుల కోసం పోలీసులు, నేవీ సిబ్బంది, ఇతర రెస్క్యూ బృందాలు సోమవారం వెతుకులాటను పునఃప్రారంభించాయని అధికారులు తెలిపారు. ఆదివారం జరిగిన విషాద సంఘటన తర్వాత, రెస్క్యూ టీమ్‌లు 36 ఏళ్ల మహిళ, ఇద్దరు మైనర్ బాలికల మృతదేహాలను స్వాధీనం చేసుకున్నాయి.తప్పిపోయిన మరో ఇద్దరు చిన్నారులు - అద్నాన్ సభహత్ అన్సారీ (4), మరియ అకిల్ అన్సారీ (9) కోసం వెతుకులాట కొనసాగుతోంది.  లోనావాలాలోని భూషి డ్యామ్‌ లో కొట్టుకుపోయి ఐదుగురు మృతి.. అంతా ఒకే కుటుంబానికి చెందిన వారే.. భయానక వీడియో వైరల్

ఆదివారం సెర్చ్ టీమ్ షాహిస్తా లియాఖత్ అన్సారీ (36), అమీమా ఆదిల్ అన్సారీ (13), ఉమేరా ఆదిల్ అన్సారీ (8) మృతదేహాలను రిజర్వాయర్ దిగువ నుండి స్వాధీనం చేసుకుంది. పోలీసులు తెలిపిన వివరాల ప్రకారం, పూణేలోని హడప్సర్ ప్రాంతంలోని సయ్యద్ నగర్‌కు చెందిన ఒక కుటుంబానికి చెందిన 16-17 మంది సభ్యులు ఆదివారం లోనావాలా సమీపంలోని సుందరమైన ప్రదేశాన్ని సందర్శించడానికి ప్రైవేట్ బస్సును అద్దెకు తీసుకున్నారు.

Here's Videos

Lonavala Tragedy: Five Family Members Swept Away at Bhushi Dam Waterfall From Pune

Rescue Operation underway at Bhushi Dam#bhushidam #lonavala pic.twitter.com/KAAzdm91rq

— Pune Pulse (@pulse_pune) June 30, 2024

Family Of 7 Swept Away In Swollen Waterfall Near Mumbai

Only two of them managed to swim back. Rescuers have recovered three bodies so far

Second Video from the same waterfall where tourists are having fun without care or precaution

Never underestimate the fury of Mother… pic.twitter.com/H6c8sCT6OO

— Sneha Mordani (@snehamordani) July 1, 2024

అన్సారీ కుటుంబ సభ్యులు భూషి డ్యామ్‌కు సమీపంలో ఉన్న జలపాతాన్ని చూడటానికి వెళ్లారు, అయితే ఆ ప్రాంతంలో తీవ్రమైన వర్షం కారణంగా నీటి ప్రవాహం పెరగడంతో వారు కొట్టుకుపోయారని పోలీసు అధికారి ఆదివారం తెలిపారు. రెండ్రోజుల క్రితం పెళ్లి కోసం ముంబై నుంచి కుటుంబ సభ్యులు వెళ్లారని బంధువు తెలిపారు.

ఆదివారం 15 మందికి పైగా సభ్యులు లోనావాలాకు విహారయాత్రకు వెళ్లేందుకు బస్సును అద్దెకు తీసుకున్నారని తెలిపారు. వర్షాకాలం ప్రారంభమైనందున, వేలాది మంది సందర్శకులు భూషి మరియు పవన ఆనకట్ట ప్రాంతాలకు తరలివస్తారు. తరచుగా తెలియని ప్రాంతాలను నివారించడానికి పోలీసులు మరియు స్థానిక అధికారులు చేసిన హెచ్చరికలను వారు బేఖాతరు చేస్తుంటారు. ఆదివారం 50,000 మందికి పైగా లోనావాలాను సందర్శించినట్లు పోలీసు అధికారి అంచనా వేశారు.

(The above story first appeared on LatestLY on Jul 01, 2024 11:49 AM IST. For more news and updates on politics, world, sports, entertainment and lifestyle, log on to our website latestly.com).