QuickLY
Socially
Surat, Dec 21: గుజరాత్ రాష్ట్రంలో దారుణ ఘటన చోటు చేసుకుంది. ఉద్యోగం ఇప్పిస్తాన‌ని పెళ్లి అయిన 35 ఏళ్ల వివాహిత మహిళపై ప‌లుమార్లు 23 ఏళ్ల యువకుడు లైంగిక దాడికి (married woman raped) పాల్పడ్డాడు. నిందితుడిపై ఆదివారం రాత్రి మహిళ ఫిర్యాదు ఆధారంగా స‌ర్ధానా పోలీసులు కేసు నమోదు చేసి ద‌ర్యాప్తు ముమ్మ‌రం చేశారు. పోలీసులు తెలిపిన వివ‌రాల ప్రకారం బాధితురాలు సూర‌త్‌లో తన భ‌ర్త, పాప‌తో క‌లిసి నివ‌సిస్తుండ‌గా మోతావ‌ర‌చా ప్రాంతానికి చెందిన నీలేష్ ల‌తియా ఏడాది కింద‌ట ప‌రిచ‌యమ‌య్యాడు. ఆమెకు ఉద్యోగం ఇప్పిస్తాన‌ని ద‌గ్గ‌రైన ల‌తియా మహిళను లాడ్జికు తీసుకువెళ్లి లైంగిక దాడికి పాల్పడ్డాడు. ఆమె న‌గ్న‌చిత్రాల‌ను తీసిన నిందితుడు వాటితో బ్లాక్ మెయిల్ చేస్తూ బరూచ్లోని తన సోదరి ఇంటిలో బాధితురాలిపై ప‌లుమార్లు లైంగిక వేధింపులకు తెగ‌బ‌డ్డాడు.
హోటల్‌లో లైంగిక వేధింపుల ఘటన జరిగిన 10 రోజుల తర్వాత నీలేష్ ఆ మహిళను మళ్లీ సంప్రదించాడు. తన డిమాండ్లను ఆమె తిరస్కరించినట్లయితే తన నగ్న ఫోటోలు (blackmailed with nude pics) సోషల్ మీడియాలో సర్క్యులేట్ చేస్తానని చెప్పాడు. ఈ బెదిరింపుతో, అతను గుజరాత్‌లోని బరూచ్లోని తన సోదరి స్థలంలో ఆమెపై అనేకసార్లు అత్యాచారం (Gujaratm Married Woman Raped) చేశాడు. నిందితుడి తీరుతో విసిగిపోయిన మహిళ ధైర్యం చేసి పోలీసులను ఆశ్రయించింది. ల‌తియాపై పోలీసులకు ఫిర్యాదు చేసింది. ఆమె ఫిర్యాదు మేరకు పోలీసులు నిందితుడిపై సంబంధిత నిబంధనల ప్రకారం కేసు నమోదు చేశారు. అత‌డిని ప‌ట్టుకునేందుకు గాలింపు ముమ్మ‌రం చేశారు.
మరో కేసులో, బీహార్‌లోని హాజీపూర్ పట్టణంలో 60 ఏళ్ల వ్యక్తి తన బంధువుల మూడున్నరేళ్ల కుమార్తెపై అత్యాచారానికి పాల్పడ్డాడు. బాధితురాలి తల్లి పోలీసులకు ఫిర్యాదు చేయడంతో శనివారం వెలుగులోకి వచ్చింది. అనంతరం 60 ఏళ్ల నిందితుడిని పోలీసులు ఆదివారం అరెస్టు చేశారు. ఫిర్యాదు చేసిన మహిళ నిందితుడికి స్వయానా మేనకోడలు. ఓ వివాహానికి హాజరయ్యేందుకు నిందితుడు హాజీపూర్‌కు వచ్చారు. డిసెంబర్ 16న ఉదయం 11 గంటల సమయంలో ఇంటి టెర్రస్ వద్ద మైనర్ బాలికపై ఆ వృద్ధుడు లైంగిక వేధింపులకు పాల్పడ్డాడు. చిన్నారికి ఆమె ప్రైవేట్ భాగాల్లో గాయాలయ్యాయి. చిన్నారిని మొదట ప్రైవేట్ ఆసుపత్రిలో చికిత్స అందించారు. తరువాత సదర్ జిల్లా ఆసుపత్రికి తరలించారు.
