Google doodle

మాస్క్ వాడండి.ప్రాణం కాపాడండి, ముఖం కవర్ చేయండి. చేతులు కడుక్కోండి. దూరం పాటించండి.. ఇలాంటి జాగ్రత్తలతో గూగుల్ డూడుల్ ప్రజల్లో అవగాహన కలిగించేందుకు రెడీ అయింది. వాస్తవాలు తెలుసుకోవడం మరియు తగిన ముందస్తు జాగ్రత్తలు తీసుకోవడం ద్వారా మిమ్మల్ని మరియు మీ చుట్టూ ఉండేవారిని సంరక్షించండి. మీ స్థానిక ఆరోగ్య సంస్థ తెలియజేసిన సలహాని పాటించండి. అంటూ గూగుల్ తన డూడుల్ ద్వారా అవగాహన కల్పిస్తోంది. ప్రపంచ వ్యాప్తంగా కరోనా కల్లోలం రేపుతున్న నేపథ్యంలో గూగుల్ తన దాన్ని నియంత్రించడానికి తన వంతు ప్రయత్నంగా ఈ కార్యక్రమానికి శ్రీకారం చుట్టింది.

సమాచారం లోకేషన్ ని బట్టి వారి వారి భాషల్లో అందుబాటులో ఉంది. కోవిడ్ 19 వ్యాప్తిని అరికట్టడానికి కొన్ని చిట్కాలను గూగుల్ డూడుల్ ద్వారా అందిస్తోంది. మన దేశంలో కరోనా వైరస్ వ్యాప్తి ఆగడం లేదు. అందరూ నిర్లక్ష్యంగా వ్యవహారిస్తున్నారనే వార్తలు వస్తున్నాయి. భౌతిక దూరం అనేది మాయమైపోయింది. మాస్క్ కూడా చాలామంది ధరించడం లేదు. అదేమి చేస్తుందిలే అన్న ఆలోచనలో అందరూ ఉన్నారు.అయితే ఇది చాలా ప్రమాదకరమని డాక్టర్లు హెచ్చరిస్తున్నారు. తగిన జాగ్రత్తలు తీసుకోకుంటే మీరు అపాయంలో చిక్కుకున్నట్లేనని చెబుతున్నారు. అవేంటో చూద్దాం.

కరోనావైరస్ సహాయకులకు ధన్యవాదాలు, ఫ్రంట్ లైన్ కార్మికులందరికీ కృతజ్ఞతలు తెలుపుతూ గూగుల్ డూడుల్, థాంక్యూ కరోనావైరస్ హెల్పర్స్ అంటూ ట్వీట్

కోవిడ్-19 వ్యాప్తిని నిరోధించడానికి:

మీ చేతులను తరచుగా శుభ్రం చేసుకోండి. సబ్బు మరియు నీటిని లేదా ఆల్కహాల్ ఆధారిత హ్యాండ్‌ రబ్‌ని ఉపయోగించండి.

దగ్గుతున్న లేదా తుమ్ముతున్న వారి నుండి సురక్షిత దూరాన్ని పాటించండి.

భౌతిక దూరాన్ని పాటించలేనప్పుడు మాస్కుని ధరించండి.

మీ కళ్లు, ముక్కు లేదా నోటిని తాకవద్దు.

మీరు దగ్గినప్పుడు లేదా తుమ్మినప్పుడు మీ ముక్కు మరియు నోటిని మీ వంచిన మోచేయి లేదా టిష్యూతో అడ్డుపెట్టుకోండి.

ఒకవేళ ఒంట్లో బాగోనట్లయితే ఇంటిలో ఉండండి.

మీరు జ్వరం, దగ్గు మరియు శ్వాస తీసుకోవడం కష్టంగా ఉన్నట్లయితే, వైద్య సాయం పొందండి.

ముందుగా కాల్ చేయడం వల్ల మిమ్మల్ని సరైన ఆరోగ్య సదుపాయానికి పంపడంలో మీ ఆరోగ్య సంరక్షణ ప్రదాతకు సహాయపడుతుంది. ఇది మిమ్మల్ని రక్షిస్తుంది మరియు వైరస్‌లు, ఇతర అంటువ్యాధులు వ్యాప్తి చెందకుండా నివారిస్తుంది.

మాస్కులు

మాస్కు ధరించిన వ్యక్తి నుండి ఇతరులకు వైరస్ వ్యాప్తి చెందకుండా మాస్కులు సహాయపడతాయి. మాస్కులు మాత్రమే కోవిడ్-19 నుండి రక్షించలేవు, భౌతిక దూరాన్ని మరియు చేతిని శుభ్రంగా చేసుకోవడం కూడా అవసరం. మీ స్థానిక ఆరోగ్య అధికారి అందించిన సలహాని పాటించండి.

చైనా నుంచే నవంబర్‌లో వ్యాక్సిన్, నాలుగు టీకాలను అభివృద్ధి చేస్తోన్న డ్రాగన్ కంట్రీ, కొనసాగుతున్న ఫేజ్-3 క్లీనికల్ ట్రయల్స్

కొరోనా వైరస్ వ్యాధి ఏమిటి

కొరోనా వైరస్ వ్యాధి (కోవిడ్-19) అనేది కొత్తగా కనుగొన్న కరోనా వైరస్ వల్ల కలిగే ఒక అంటువ్యాధి.

కోవిడ్-19తో జబ్బునపడ్డ చాలా మంది తేలికపాటి నుంచి ఒక మాదిరి రోగలక్షణాలు అనుభూతి చెందుతారు మరియు ప్రత్యేక చికిత్స లేకుండానే నయం అవుతుంది.

ఇది ఎలా వ్యాప్తి చెందుతుంది

కోవిడ్-19 కలిగిన వైరస్ ప్రధానంగా వ్యాధి సోకిన వ్యక్తి దగ్గినప్పుడు, తుమ్మినప్పుడు లేదా గాలి బయటకు విడిచిపెట్టినప్పుడు వెలువడే గాలి తుంపర్ల ద్వారా వ్యాప్తి చెందుతుంది. ఈ తుంపర్లు గాలిలో ఉండవచ్చు మరియు నేలపై లేదా ఉపరితలాలపై వేగంగా పడిపోవచ్చు.

కోవిడ్-19 సోకిన వ్యక్తికి దగ్గరగా ఉండి వైరస్‌ని శ్వాసించినా లేదా కలుషితమైన ఉపరితలాలను తాకి, తరువాత మీ కళ్లు, ముక్కు లేదా నోటిని తాకినప్పుడు మీకు అంటువ్యాధి సోకవచ్చు.

కరోనావైరస్ వ్యాధి (COVID-19) లక్షణాలు

కోవిడ్-19 భిన్న వ్యక్తులపై భిన్న రకాలుగా ప్రభావం చూపుతుంది. ఈ వ్యాధి సోకిన చాలా మందిలో తేలికపాటి నుండి ఒక మాదిరి స్థాయి అనారోగ్య లక్షణాలు కనిపిస్తాయి, వీరు ఆసుపత్రిలో చేరకుండానే తిరిగి కోలుకుంటారు.

అత్యంత సాధారణంగా కనిపించే వ్యాధి లక్షణాలు:

జ్వరం

పొడి దగ్గు

అలసట

తక్కువ సాధారణంగా కనిపించే వ్యాధి లక్షణాలు:

నొప్పులు మరియు బాధలు

గొంతు మంట

విరేచనాలు

కండ్లకలక

తలనొప్పి

రుచి లేదా వాసన శక్తి కోల్పోవడం

చర్మంపై దద్దుర్లు లేదా వేళ్లు లేదా కాలి వేళ్లు రంగు కోల్పోవడం

తీవ్రమైన వ్యాధి లక్షణాలు:

శ్వాస తీసుకోవడంలో ఇబ్బంది లేదా ఊపిరి ఆడకపోవడం

ఛాతీ నొప్పి లేదా ఒత్తిడి

మాట్లాడలేకపోవడం లేదా కదలలేకపోవడం

మీకు తీవ్రమైన లక్షణాలు ఉంటే వెంటనే వైద్య సహాయం తీసుకోండి. మీ వైద్యుడిని లేదా ఆరోగ్య కేంద్రాన్ని సందర్శించే ముందు ఎల్లప్పుడూ కాల్ చేయండి.

తేలికపాటి లక్షణాలు ఉన్న వారు ఆరోగ్యంగా ఉంటే వారి లక్షణాలను ఇంట్లోనే ఉంటూ తగ్గించుకోవాలి.

అంటువ్యాధి సోకిన ఎవరైనా వ్యక్తిలో రోగ లక్షణాలు కనిపించడానికి సగటున 5-6 రోజులు పడుతుంది, అయితే దీనికి 14 రోజుల వరకు కూడా పట్టవచ్చు.

ఇటీవల కొత్తగా బయటపడ్డ కరోనా వైరస్ (COVID-19) మీకు సోకిందని భావిస్తే, మీకు ఏవైనా లక్షణాలు (దగ్గు, జ్వరం లేదా శ్వాస తీసుకోవడంలో ఇబ్బంది) ఉంటే సహాయం కోసం భారత ప్రభుత్వం వారి హెల్ప్‌లైన్ 1075 లేదా రాష్ట్ర ప్రభుత్వ హెల్ప్‌లైన్ నంబర్‌లకు కాల్ చేయండి. తగిన జాగ్రత్తలు తీసుకోండి