Realme 12 Pro 5G: సూపర్ జూమ్ సినిమాటిక్ కెమెరా సెటప్‌తో సరికొత్త రియల్‌మి 5G స్మార్ట్‌ఫోన్.. కళ్లు చెదిరే ఫీచర్స్ దీని సొంతం!

Realme 12 Pro Plus 5G Smartphone | Photo: Realme Official

Realme 12 Pro+ 5G Smartphone: చైనీస్ మొబైల్ మేకర్ రియల్‌మి చాలా కాలంగా ఊరిస్తూ వస్తున్న తమ Realme 12 Pro+ 5G ఫ్లాగ్‌షిప్ స్మార్ట్‌ఫోన్‌ను ఎట్టకేలకు భారత మార్కెట్లో విడుదల చేసింది. ఇది ఒక నెక్స్ట్-జెన్ ఇమేజరీ ఫ్లాగ్‌షిప్‌ స్మార్ట్‌ఫోన్‌ అని కంపెనీ అభివర్ణిస్తుంది. ఈ సరికొత్త 5G స్మార్ట్‌ఫోన్‌లో ముఖ్యంగా చెప్పుకోదగ్గ అంశం ఏమిటంటే.. దీని డిజైన్, అందమైన కెమెరా అలాగే ఇందులో ఉపయోగించిన ప్రాసెసర్.

ఈ హ్యాండ్ సెట్ ద్వారా పెరిస్కోప్ టెలిఫోటో టెక్నాలజీని పరిచయం కంపెనీ చేసింది, ఈ ఫోన్ లోని Sony IMX ట్రిపుల్ కెమెరా సెటప్ పూర్తిస్థాయి జూమింగ్ సామర్థ్యాలను అందిస్తుంది. అంతేకాకుండా ఫ్రంట్ ఫేసింగ్ 32MP సోనీ సెల్ఫీ కెమెరా మీకు అద్భుతమైన సెల్ఫీ వీడియోలు, చిత్రాలు తీసుకోడానికి వీలు కల్పిస్తుంది. ఈ ఫోన్ శక్తివంతమైన Qualcomm Snapdragon 7s Gen 2 చిప్‌సెట్ ద్వారా పనిచేస్తుంది.

ఈ ఫోన్ సబ్‌మెరైనర్ బ్లూ, నావిగేటర్ బీజ్, ఎక్స్‌ప్లోరర్ రెడ్ అనే మూడు స్టైలిష్ రంగులలో అందుబాటులో ఉంది. ఇంకా Realme 12 Pro+ 5G స్మార్ట్‌ఫోన్‌లో ఎలాంటి ఫీచర్లు, స్పెసిఫికేషన్లు ఉన్నాయి, ధర ఎంత తదితర విషయాలను ఈ కింద తెలుసుకోండి.