Mumbai: ముంబైలో తీవ్ర విషాదం, పక్షిని కాపాడబోయి ఇద్దరు మృతి, కళ్లు మూసుకుపోయి గుద్దేసిన ట్యాక్సీ డ్రైవర్, కేసు నమోదు చేసి దర్యాప్తు చేస్తున్న పోలీసులు

ముంబైలో విషాదం చోటు చేసుకుంది. పక్షిని కాపాడబోయిన ఇద్దరిని కారు ఢీకొట్టింది. ఒక వ్యక్తి అక్కడికక్కడే మరణించగా, మరో వ్యక్తి ఆసుపత్రిలో చికిత్స పొందుతూ చనిపోయాడు. మే 30న 43 ఏళ్ల అమర్ మనీష్ జరీవాలా అనే వ్యక్తి కారులో బాంద్రా-వర్లీ సీ లింక్ మార్గంలో మలాడ్ వెళ్తున్నాడు. అయితే ఆయన ప్రయాణిస్తున్న కారు కింద ఒక గ్రద్ద చిక్కుకుంది. దీంతో వెంటనే కారును ఆపమని డ్రైవర్‌ శ్యామ్‌ సుందర్‌ కుమార్‌కు ఆయన చెప్పాడు.

అనంతరం కారు దిగిన వారిద్దరూ ఆ గ్రద్దను రక్షించేందుకు ప్రయత్నించారు. మరోవైపు మరో లేన్‌లో వేగంగా వచ్చిన ఒక ట్యాక్సీ ఆ ఇద్దరినీ బలంగా ఢీకొట్టింది. దీంతో వారిద్దరూ గాల్లో ఎగిరి నేలపై పడ్డారు. ఈ ప్రమాదంలో అమర్ మనీష్ జరీవాలా అక్కడికక్కడే మరణించాడు. తీవ్రంగా గాయపడిన డ్రైవర్‌ శ్యామ్‌ సుందర్‌ కుమార్‌ ఆసుపత్రిలో చికిత్స పొందుతూ చనిపోయాడు. ఇద్దరు వ్యక్తుల ఉసురు తీసిన ట్యాక్సీ డ్రైవర్‌పై పోలీసులు కేసు నమోదు చేసి దర్యాప్తు చేస్తున్నారు. కాగా, ఈ ప్రమాద సమయంలో అక్కడి సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది.

What a tragedy. This is Mumbai’s Bandra Worli Sea Link pic.twitter.com/VSTQz27vqY

— Singh Varun (@singhvarun) June 10, 2022

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jun 10, 2022 06:07 PM IST. For more news and updates on politics, world, sports, entertainment and lifestyle, log on to our website latestly.com).