IND vs AUS, WTC Final Day 2 Review: రెండో రోజు చేతులెత్తేసిన రోహిత్ సేన, ఆసీస్ పేస్ ధాటికి పేకమేడలా కూలిన టీమిండియా...విజయంపై ఆశలు గల్లంతయ్యే అవకాశం..

IND vs AUS WTC Final 2023: ICC వరల్డ్ టెస్ట్ ఛాంపియన్‌షిప్ ఫైనల్‌లో  రెండవ రోజు, టీమ్ ఇండియా టెస్టు మ్యాచ్‌ను కాపాడుకోవడం ఇప్పుడు కష్టతరంగా మారుతోంది. ట్రావిస్ హెడ్, స్టీవ్ స్మిత్ అద్భుత సెంచరీలు చేసిన పిచ్‌పై భారత్ స్టార్ బ్యాట్స్‌మెన్ పరుగుల కోసం తడబడుతున్నారు. 71 పరుగుల వద్ద టీమ్ ఇండియా టాప్ ఆర్డర్ 4 వికెట్లు పడిపోయాయి. రోహిత్ నుంచి విరాట్ వరకు అందరూ ఆస్ట్రేలియన్ పేస్ అటాక్ ముందు విలవిలాడుతూ కనిపించారు.

యువ ఆటగాడు గిల్ 13 పరుగులు చేయగా, రోహిత్ 15 పరుగులు చేసి ఔట్ అయ్యాడు. పుజారా, విరాట్‌ సైతం పెవిలియన్‌కు చేరుకున్నారు.  హాఫ్ సెంచరీ దిశగా దూసుకెళ్తున్న రవీంద్ర జడేజా ఆఫ్ స్పిన్నర్ నాథన్ లియాన్  స్పిన్‌లో చిక్కుకోవడంతో టీమిండియా స్కోరు 5 వికెట్లకు 142 పరుగులు చేసింది. జడేజా 2 పరుగుల తేడాతో అర్ధ సెంచరీని కోల్పోయాడు. జడేజా, రహానేతో కలిసి ఇన్నింగ్స్‌ను కాపాడేందుకు ప్రయత్నించారు.  ఇద్దరూ ఐదో వికెట్‌కు 71 పరుగులు జోడించారు, అయితే జడేజా ఔట్ చేసి లియోన్య  ఈ  భాగస్వామ్యాన్ని విచ్ఛిన్నం చేశాడు.

రెండో రోజు ఆట ముగిసే సమయానికి అజింక్య రహానే 29 పరుగులతో నాటౌట్‌గా వెనుదిరగగా, వికెట్ కీపర్ బ్యాట్స్‌మెన్ శ్రీకర్ భరత్ 5 పరుగులతో నాటౌట్ గా ఉన్నారు.  మూడో రోజు ఇద్దరికీ కీలకం కానుంది. ఈ పిచ్ మూడో రోజు కూడా ఫాస్ట్ బౌలర్లకు అనుకూలంగా ఉంటుంది. ఆట ముగిసే సమయానికి టీమిండియా 5 వికెట్లకు 151 పరుగులు చేసింది. ఆస్ట్రేలియా తొలి ఇన్నింగ్స్ కంటే భారత్ ఇంకా 318 పరుగులు వెనుకబడి ఉంది.

(The above story first appeared on LatestLY on Jun 09, 2023 02:52 AM IST. For more news and updates on politics, world, sports, entertainment and lifestyle, log on to our website latestly.com).