Marredpally CI Dismissal: తుపాకీ గురిపెట్టి మహిళపై సీఐ అత్యాచారం, మారేడ్‌పల్లి సీఐ నాగేశ్వర్‌రావును పోలీస్ శాఖ నుండి తొలగించిన హైదరాబాద్‌ సీపీ సీవీ ఆనంద్‌

Hyd, Oct 10: అత్యాచారం, కిడ్నాప్ ఆరోపణలi ఎదుర్కుంటున్న మారేడ్‌పల్లి సీఐ నాగేశ్వర్‌రావుపై (Marredpally Inspector) పోలీసు శాఖ కీలక చర్యలు చేపట్టింది. ఆయన్ని పోలీసుశాఖ సర్వీసు నుంచి తొలగించింది. మహిళపై లైంగికదాడి, కిడ్నాప్‌ (kidnap and rape charges) ఆరోపణల నేపథ్యంలో ఇప్పటికే నాగేశ్వర్‌రావు సస్పెండ్‌ చేసిన విషయం తెలిసిందే. బాధితురాలి ఫిర్యాదు మేరకు వనస్థలిపురం పోలీసులు క్రిమినల్‌ కేసులు నమోదు చేశారు. నాగేశ్వర్‌రావు ఓ వివాహితను కిడ్నాప్ చేసి, తుపాకీతో బెదిరించి.. లైంగికదాడికి పాల్పడి ఆమె భర్తపైనా దాడి చేసినట్లు ఆరోపణలున్నాయి.

తుఫాకీతో బెదిరించి మహిళపై పోలీస్ అధికారి అత్యాచారం, మాజీ సీఐకి 14 రోజులు రిమాండ్ విధించిన కోర్టు, రేప్ కేసులో పలు ఆధారాలు సేకరించిన పోలీసులు

బాధితురాలు, ఆమె భర్తను కారులో బలవంతంగా తీసుకువెళ్తుండగా ఇబ్రహీంపట్నం వద్ద కారు ప్రమాదానికి గురైంది. ఈ క్రమంలో సీఐ బారి నుంచి తప్పించుకున్న బాధితులు వనస్థలిపురం పోలీసులను ఆశ్రయించగా.. కేసు నమోదైంది. సీఐ వ్యవహారాన్ని సీరియస్‌గా తీసుకున్న హైదరాబాద్‌ సీపీ సీవీ ఆనంద్‌ సస్పెండ్‌ చేసిన విషయం తెలిసిందే. తాజాగా సీఐని మొత్తంగా పోలీసుశాఖ విధుల నుంచి తప్పించారు.

(The above story first appeared on LatestLY on Oct 10, 2022 04:41 PM IST. For more news and updates on politics, world, sports, entertainment and lifestyle, log on to our website latestly.com).