Samsung Galaxy A55: 12జీబీ ర్యామ్, 256 జీబీ స్టోరేజ్తో సామ్సంగ్ గెలాక్సీ A55, గెలాక్సీ A35 స్మార్ట్ఫోన్లు విడుదల, వీటి ఫీచర్లు ఎలా ఉన్నాయి, ధర ఎంత? ఇక్కడ తెలుసుకోండి!
Samsung Galaxy A55 and Galaxy A35: స్మార్ట్ఫోన్ మేకర్ సామ్సంగ్ కొంతకాలంగా ప్రచారం చేస్తూ వస్తున్న మిడ్-రేంజ్ స్మార్ట్ఫోన్లను ఎట్టకేలకు భారత మార్కెట్లో విడుదల చేసింది. గెలాక్సీ A55 మరియు గెలాక్సీ A35 అనే రెండు స్మార్ట్ఫోన్లను కంపెనీ ఆవిష్కరించింది. ఈ రెండు మోడళ్లకు 4 సంవత్సరాల OS అప్డేట్లను, 5 సంవత్సరాల పాటు సెక్యూరిటీ ప్యాచ్లను సామ్సంగ్ అందించనుంది.
కాగా, తాజాగా విడుదలైన సామ్సంగ్ గెలాక్సీ A55, సామ్సంగ్ గెలాక్సీ A35 స్మార్ట్ఫోన్లు కంపెనీ సొంతంగా అభివృద్ధి చేసిన చిప్సెట్ ద్వారా శక్తిని పొందుతాయి. ఈ రెండు హ్యాండ్సెట్లలో అసాధారణమైన పనితీరును కనబరిచే Exynos ప్రాసెసర్ అమర్చబడి ఉంటుంది. అదేవిధంగా ఈ ఫోన్లు Android 14 ఆధారంగా Samsung యొక్క One UI 6.1పై పనిచేస్తాయి. ఫోటోగ్రఫీ కోసం, AI ఇమేజ్ సిగ్నల్ ప్రాసెసింగ్ (ISP) సిస్టమ్, స్పష్టమైన వీక్షణ కోసం AMOLED స్కీన్, దానిపై గొరిల్లా గ్లాస్ విక్టస్ రక్షణ కవచం అందిస్తున్నారు.
ఈ రెండు స్మార్ట్ఫోన్లు వివిధ వేరియంట్లలో అందుబాటులో ఉంటాయి. అయితే వీటి స్పెసిఫికేషన్లు, ఫీచర్లు ఎలా ఉన్నాయి, ధర ఎంత తదితర విషయాలను ఈ కింద తెలుసుకోండి.
Samsung Galaxy A55 స్మార్ట్ఫోన్ ఫీచర్లు, స్పెసిఫికేషన్లు
- 120Hz రిఫ్రెష్ రేట్ కలిగిన 6.6-అంగుళాల ఫుల్హెచ్డి+ సూపర్ AMOLED డిస్ప్లే
- 8GB/ 12GB RAM, 128GB/ 256 GB ఇంటర్నల్ స్టోరేజ్ సామర్థ్యం
- ఎగ్జినోస్ 1480 ప్రాసెసర్
- వెనకవైపు 50MP+12MP+5MP ట్రిపుల్ కెమెరా సెటప్, ముందు భాగంలో 32MP సెల్ఫీ షూటర్
- ఆండ్రాయిడ్ 14 ఆపరేటింగ్ సిస్టమ్
- 5000mAh బ్యాటరీ సామర్థ్యం, 25W ఫాస్ట్ ఛార్జింగ్
Samsung Galaxy A55 కంటే Samsung Galaxy A35 కాస్త తక్కువ పనితీరును కనబరుస్తుంది. అయితే ఫీచర్ల పరంగా దాదాపు సమానంగానే ఉంటుంది, ఆ వివరాలు ఈ కింద చూడండి.
Samsung Galaxy A35 స్మార్ట్ఫోన్ ఫీచర్లు, స్పెసిఫికేషన్లు
- 120Hz రిఫ్రెష్ రేట్ కలిగిన 6.5-అంగుళాల ఫుల్హెచ్డి+ సూపర్ AMOLED డిస్ప్లే
- 6GB/ 8GB RAM, 128GB/ 256 GB ఇంటర్నల్ స్టోరేజ్ సామర్థ్యం
- ఎగ్జినోస్ 1380 ప్రాసెసర్
- వెనకవైపు 50MP+5MP+2MP ట్రిపుల్ కెమెరా సెటప్, ముందు భాగంలో 13MP సెల్ఫీ షూటర్
- ఆండ్రాయిడ్ 14 ఆపరేటింగ్ సిస్టమ్
- 5000mAh బ్యాటరీ సామర్థ్యం, 25W ఫాస్ట్ ఛార్జింగ్
అయితే, సామ్సంగ్ కంపెనీ ఇప్పటికీ ఈ రెండు స్మార్ట్ఫోన్ల ధరలను ప్రకటించలేదు, మార్చి 14న వెల్లడించే అవకాశం ఉంది. మార్కెట్ ట్రెండ్స్ ప్రకారం, గెలాక్సీ ఏ35 సుమారు రూ. 22 వేలు, అలాగే గెలాక్సీ ఏ55 రూ. 29 వేల ధరల శ్రేణిలో ఉండవచ్చునని అంచనాలు ఉన్నాయి.
(The above story first appeared on LatestLY on Mar 11, 2024 05:23 PM IST. For more news and updates on politics, world, sports, entertainment and lifestyle, log on to our website latestly.com).
