Indian Army Hits Terror Camps: పీవోకేలోని ఉగ్రవాద స్థావరాలపై భారత్ మెరుపుదాడి, 5 మంది పాకిస్తాన్ సైనికులు హతం, భారత జవాన్లపై దాడికి ప్రతీకారంగా అటాక్, అమరులైన ఇద్దరు జవాన్లు
ఆర్టికల్ 370 రద్దుతో రగిలిపోతున్న పాకిస్తాన్ మరో సారి కాల్పుల విరమణ ఒప్పందాన్ని ఉల్లంఘించింది. భారత జవాన్లపై దాయాది దేశం యథేచ్ఛగా కాల్పులు జరిపింది. ఈ ఘటనలు ఇద్దరు భారత జవాన్లు అమరులయ్యారు.
Sri Nagar, October 20: ఆర్టికల్ 370 రద్దుతో రగిలిపోతున్న పాకిస్తాన్ మరో సారి కాల్పుల విరమణ ఒప్పందాన్ని ఉల్లంఘించింది. భారత జవాన్లపై దాయాది దేశం యథేచ్ఛగా కాల్పులు జరిపింది. ఈ ఘటనలో ఇద్దరు భారత జవాన్లు అమరులయ్యారు. దీంతో భారత్ కూడా ప్రతీకార చర్యలకు దిగింది. పాక్ ఆక్రమిత కాశ్మీర్ లోని ఉగ్రవాద శిబిరాలపై మెరుపుదాడులు చేసింది. ఈ దాడిలో 5 మంది పాక్ సైనికులు హతమయ్యారు. ఇంకొందరు గాయపడ్డారు. కుప్వారా జిల్లా తాంఘర్ సెక్టార్ సరిహద్దులో భారత్ బలగాలు గస్తీ నిర్వహిస్తుండగా పాకిస్థాన్ కాల్పులకు తెగబడడంతో భారత్ ఈ ఎదురు దాడి చేసింది.
కాల్పుల మాటున చొరబాటుదారులను భారత్ భూభాగంలోకి పంపించేందుకు పాకిస్థాన్ ప్రయత్నించిందని, భారత్ బలగాలు దీన్ని సమర్థంగా తిప్పికొట్టాయని సైనిక వర్గాలు వెల్లడించాయి. ఈ ఘటనలో రెండు ఇల్లు కూడా ధ్వంసమయ్యాయి.
ఇండియన్ ఆర్మీ మెరుపు దాడి
Sources: As per reports, 4-5 Pakistan Army soldiers have been killed and several have been injured. Indian Army has launched attacks on terrorist camps situated inside Pakistan occupied Kashmir (PoK) opposite the Tangdhar sector. pic.twitter.com/SFFFjAReHX
— ANI (@ANI) October 20, 2019
ఇండియన్ ఆర్మీ artillery guns ను ఉపయోగించి ఈ మెరుపు దాడులు చేసింది. పాక్ ఆక్రమిత కాశ్మీర్ లోని నీలం వ్యాలీలో ఉన్న ఉగ్రస్థావరాలను లక్ష్యంగా చేస్తూ భారత్ దాడులకు దిగింది. పాక్ సైన్యం తేరుకునే లోపే అక్కడ స్థావరాలను నేలమట్టం చేసింది. ఈ విషయాన్ని ప్రముఖ న్యూస్ ఏజెన్సీ ఏఎన్ఐ తెలిపింది. ఇదిలా ఉంటే గత కొంత కాలం నుంచి దాయాది దేశం పాకిస్తాన్ ఇండియాపై దాడి ఎప్పుడు చూద్దామా అని కాచుకూర్చుని ఉంది.
ఇండియా మెరుపు దాడి
Sources: Four terror launch pads in Neelam valley (Pakistan Occupied Kashmir) have been targeted/destroyed, fatalities reported. Indian Army has launched attacks on terrorist camps situated inside Pakistan occupied Kashmir (PoK) opposite the Tangdhar sector. pic.twitter.com/phQucUX9Zz
— ANI (@ANI) October 20, 2019
దీనికి ప్రధాన కారణం ప్రధాని మోడీ ఆర్టికల్ 370ని రద్దు చేయడమే.. దీనిని వ్యతిరేకిస్తూ పాకిస్తాన్ ప్రపంచం దేశాల మద్దతు కూడగడుతోంది. అయినప్పటికీ ఈ దేశం పాకిస్తాన్ కు సహాయం చేయడం లేదు. అది భారత్ అంతర్గత వ్యవహారమని చర్చలకు భారత్ ఆహ్వానిస్తే మధ్యవర్తిత్వం వహిస్తామని చెబుతున్నాయి. కాగా భారత్ ఈ విషయంలో చర్చలకు అంగీకరించే ప్రసక్తే లేదని తేల్చి చెప్పింది.
(The above story first appeared on LatestLY on Oct 20, 2019 01:09 PM IST. For more news and updates on politics, world, sports, entertainment and lifestyle, log on to our website latestly.com).
