IRCTC: రైల్వే శాఖ నుంచి మరో శుభవార్త, తెలుగు రాష్ట్రాల మధ్య మరో 4 ప్రత్యేక రైళ్లు, మొత్తంగా 39 ప్రత్యేక రైళ్లు నడపాలని రైల్వే శాఖ నిర్ణయం, లిస్ట్ ఓ సారి చెక్ చేసుకోండి

Passengers at platform | (Photo Credits: Getty Images)

New Delhi, Oct 7: కరోనావైరస్ కట్టడి చర్యల్లో భాగంగా దేశవ్యాప్తంగా పరిమిత సంఖ్యలో రైళ్లను నడుపుతున్న రైల్వే శాఖ (Indian Railways) తాజాగా మరో 39 ప్రత్యేక రైళ్లను (39 more special trains) నడపాలని నిర్ణయించింది. రైల్వే శాఖ తీసుకున్న నిర్ణయంతో దక్షిణ మధ్య రైల్వే పరిధిలో మరో నాలుగు ప్రత్యేక రైళ్లు రాకపోకలు సాగించనున్నాయి.

లింగంపల్లి - కాకినాడ, సికింద్రాబాద్ -షాలిమర్ సికింద్రాబాద్- విశాఖ, విశాఖ -తిరుపతి రైళ్లు నడిపేందుకు ఐఆర్సీటీసీ పచ్చ జెండా ఊపింది. ఈ నాలుగు ప్రత్యేక రైళ్ల వల్ల తెలుగు రాష్ట్రాల్లోని ప్రయాణికులకు కొంత ఊరట లభించింది.

కరోనా కట్టడికి దేశవ్యాప్తంగా లాక్‌డౌన్‌ (Lockdown) విధించడంతో మార్చి 25 నుంచి ప్రయాణీకుల రైళ్లు నిలిచిపోయాయి. ఆపై అన్‌లాక్‌ ప్రక్రియ ప్రారంభమైన తర్వాత దేశవ్యాప్తంగా 230 ప్రత్యేక రైళ్లకు అనుమతించిన రైల్వే శాఖ ఈనెల 12 నుంచి మరో 80 ప్రత్యేక రైళ్లకు పచ్చజెండా ఊపగా, మరో 39 రైళ్లుకు గ్రీన్‌ సిగ్నల్‌ ఇచ్చింది.

ఆన్‌లైన్‌లో చిన్న పిల్లల పోర్న్ వీడియోలు, కేరళలో 41 మందిని అదుపులోకి తీసుకున్నకేరళ సైబర్ విభాగం పోలీసులు, 268 కేసులు నమోదు

తాజాగా ప్రకటించిన ప్రత్యేక రైళ్లు ఎప్పటినుంచి రాకపోకలు సాగిస్తాయనే వివరాలను రైల్వే మంత్రిత్వ శాఖ త్వరలో వెల్లడించనుంది.

Here's ANI Update

Railway Board today gave approval to zones for 39 new trains. These services will be introduced as special services from an early convenient date: Ministry of Railways, Government of India pic.twitter.com/UloAYzxZBS
— ANI (@ANI) October 7, 2020